Зүүн Азийн эмэгтэйчүүдийн волейболын аварга шалгаруулах тэмцээн Хонконгт үргэлжилж байна. Энэ удаагийн тэмцээнд бүсийн шилдэг багууд оролцож байгаа бөгөөд Монголын эмэгтэй шигшээ баг эх орноо төлөөлөн өрсөлдөж буй.

Манай шигшээ баг наймдугаар сарын 11-нд эхний тоглолтоо БНСУ-ын багийн эсрэг хийж, 0:3-аар хожигдсон юм. Харин наймдугаар сарын 13-нд талбайн эзэн Хонконгийн шигшээ багтай тоглолоо. Эхний сетэд манай охид сайн тоглолт үзүүлж, 26:24-өөр ялалт байгуулснаар тоглолтыг 1:0-ээр тэргүүлж эхэлсэн. Хоёрдугаар сетэд Хонконгийн баг тоглолтын хэмнэлийг өөрчилж, 25:14-өөр сетийг авлаа. Гуравдугаар сетэд хоёр баг оноо оноогоороо өрсөлдөж, шийдвэрлэх мөчид Хонконг 25:23-аар илүүрхсэн юм.

Дөрөвдүгээр сетэд Монголын баг тоглолтыг тэнцүүлэхийн төлөө хичээсэн ч Хонконгийн баг 28:26-аар ялалт байгуулж, улмаар тоглолтыг 3:1-ээр өндөрлүүлсэн. Ийнхүү Монголын шигшээ баг хоёр дахь тоглолтоо мөн хожигдлоор өндөрлүүлсэн ч Хонконгийн эсрэг нэг сет авч, тоглолтын турш нэлээд сайн өрсөлдөж чадсан байна. Ялангуяа эхний сетэд 26:24-өөр ялсан, дөрөвдүгээр сетэд 28:26 хүртэл тоглосон нь манай багийн тоглолт ямар өрсөлдөөнтэй байсныг харууллаа.

Монголын эмэгтэй шигшээ баг тэмцээний дараагийн тоглолтоо наймдугаар сарын 15-нд хийхээр товлогдсон. Тус тоглолтоор манай баг тэмцээнд эзлэх байр сууриа тодорхойлохын төлөө өрсөлдөнө. Ямар улсын багтай, хэдэн цагаас тоглох нь одоогоор тодорхойгүй байгаа юм. Манай охидын хувьд Зүүн Азийн бүсийн хүчтэй багуудтай тоглож, туршлага хуримтлуулахын зэрэгцээ өөрсдийн боломжийг харуулах чухал тэмцээн үргэлжилж байна.

Гэрэл зургийг: <a href="https://www.facebook.com/mongolianvolleyballassociation?__cft__[0]=AZbDYQ2FI6xZstpyHs-J5B1jXX1cJFof-SM286YW_lAG99aBe2a8JkFqasmWu4MXrIhLGb87oMUuKkxtJ45mRQt7oeSCvTAbusYApiLxz7vSqTX7RupHFBghSAZvPK0p3Ic00F1sOOLyaTwHMbhoCg5OyifGTH7TCa-3tRDJNZ-4_bMTDOOJEoluyENCLk0T1KQ&amp;__tn__=-UC%2CP-R" rel="noopener noreferrer" target="_blank" style="color: rgb(8, 8, 9);">Монголын Волейболын Холбоо - Mongolian Volleyball Association MVA</a>

Шинэ мэдээ

Монголын эмэгтэй шигшээ баг Хонконгийн багтай дөрвөн сет өрсөлдлөө

Мөнхбаясгалан

Цахим спортын “Олимп” гэгдэх EWC World Cup 2026 тэмцээний сүүлийн спортын төрөл болох Counter Strike 2 тоглоомын төрөл өнгөрөгч өдөр эхэлсэн. Нийт оролцож байгаа 32 баг өөрсдийн оноолтын дагуу нэг тоглолт хийж, ялсан баг нь шигшээ шатад тоглоход нэг алхам ойртсон бол ялагдсан баг нь Lower Bracket буюу хасагдах шадад тоглохоор боллоо.&nbsp;

Өнгөрсөн жилийн EWC аварга тэмцээний аварга Монгол улсын төлөөлөл The MongolZ баг тэмцээний эхний тоглолтоо Европын magic багийн эсрэг хийлээ. Тэд Mirage map дээр үндсэн цагт 13-7 гэсэн харьцаатай ялалт байгуулж, тэмцээнийг хожлоор эхлүүлж байна.&nbsp;

Ингэснээр The MongolZ багийн өөрсдийн орсон хэсэг болох “D” хэсгийн ялалт байгуулсан дөрвөн багийн нэг болж байна. Тэдний дараагийн тоглолт мөн энэ хэсэгт ялалт байгуулсан NAVI багтай таарах болж байна. NAVI баг эхний тоглолтоо 3DMAX багтай хийж, 13-9 гэсэн харьцаатай буулган авсан. Ялалт байгуулсан хоёр багийн тоглолт Бямба гарагт буюу наймдугаар сарын 13-ний орой 19 цагаас тоглох юм.

Сонирхуулахад EWC World Cup тэмцээний энэ спортын төрөл гуравдах жилдээ зохион байгуулагдаж байна. 2024 онд анх зохион байгуулахад тэмцээнд NAVI баг түрүүлж байсан бол 2025 он буюу өнгөрсөн жил The MongolZ баг цомыг өргөж байсан юм.&nbsp;

The MongolZ багийн дараагийн тоглолт NAVI

Монголын эмэгтэй волейболын шигшээ баг Зүүн Азийн бүсийн шилдэг багуудтай өрсөлдөхөөр Хонконгод болж буй 2026 оны “Азийн Зүүн бүсийн эмэгтэйчүүдийн волейболын аварга шалгаруулах тэмцээн”-д оролцож байна. Хэд хоногийн өмнө Монгол улсын нийслэл Улаанбаатар хотод Зүүн Азийн эрэгтэйчүүдийн Волейболын аварга шалгаруулах тэмцээн амжилттай зохион байгуулагдаж, Монгол улсын үндэсний шигшээ баг түүхэн амжилт үзүүлж, хүрэл медалийн эзэд болсон гайхалтай үйл явдал болсон бол энэ удаа эмэгтэй баг тамирчид хүч үзэж байна.

Зургаан өдрийн турш үргэлжлэх тус тэмцээн наймдугаар сарын 11-16-ны өдрүүдэд Хонконгийн Queen Elizabeth Stadium-д болж байгаа бөгөөд Монголын шигшээ багаас гадна БНХАУ, Япон, БНСУ, Тайвань, Хонконг, Макаогийн багууд оролцож байна. Энэ бол Монголын эмэгтэй волейболчдын хувьд Азийн бүсийн өндөр түвшний багуудтай өрсөлдөж, өөрсдийн түвшинг сорих чухал тэмцээн юм. Тэмцээний эхний өдөр Монголын шигшээ баг талбайд гарч, БНСУ-ын хүчирхэг багтай нүүр тулсан. Хэдийгээр манай бүсгүйчүүд өрсөлдөгчийнхөө довтолгоо, хамгаалалтын өндөр хэмнэлийг тоглолтын туршид тогтоон барихад амаргүй байсан ч гурван сетийн турш тэмцэж, олон улсын тавцанд туршлага хуримтлуулах чухал тоглолтыг хийлээ.

БНСУ-ын эсрэг гурван сетийн тоглолт﻿Монгол, БНСУ-ын тоглолтод солонгосчууд эхний сетээс давуу байдлыг гартаа авсан. БНСУ-ын довтолгоо, блокийн зохион байгуулалт Монголын хамгаалалтад нэлээд их ачаалал өгч, эхний сетийг 25:10-оор өндөрлүүлсэн. Хоёрдугаар сетэд Монголын баг тоглолтоо сэргээхийг хичээсэн ч БНСУ онооны зөрүүг дахин нэмэгдүүлж, 25:10-оор хожлоо.Гуравдугаар сетэд Монголын шигшээ илүү идэвхтэй тоглож, 15 оноо авсан ч өрсөлдөгч багийн тоглолтын хурдыг гүйцэхэд хангалтгүй байв. Улмаар БНСУ гуравдугаар сетийг 25:15-аар авч, тоглолтыг 3:0-ээр дуусгасан байна. Монголын багаас энэ тоглолтод Хулан болон Амарбаясгалан нар тус бүр таван оноо авч, багийн довтолгоонд голлох үүрэг гүйцэтгэсэн бол Энхнаран дөрвөн оноо нэмсэн байна. Манай баг нийт 35 оноо авсны 19 нь довтолгоо, тав нь блок, нэг нь давуулалтаас оржээ. Харин үлдсэн 10 оноо нь өрсөлдөгчийн алдаанаас бүрдсэн байна. Харин өнөөдөр орой (наймдугаар сарын 12) Хонконгийн шигшээ багтай 19 цаг 30 минутаас&nbsp;тоглох хуваарьтай байна.

Монголын эмэгтэй волейболын шигшээ багийн хувьд энэ тэмцээний ач холбогдол зөвхөн хожил, хожигдлоор хэмжигдэхгүй. Учир нь Монголын баг нэг талбайд Азийн төдийгүй дэлхийн волейболын тавцанд тогтмол өрсөлддөг Хятад, Япон, БНСУ зэрэг улсын багуудтай хүч үзэж байна. Ийм түвшний тоглолт бүр тамирчдын туршлага, тоглолтын хурд, тактикийн ойлголтод чухал нэмэр болдог. Түүнчлэн энэ удаагийн тэмцээнд Монголын шигшээ багийн залуу тоглогчид олон улсын томоохон тэмцээний уур амьсгалыг мэдэрч, бүсийнхээ шилдэг тамирчидтай нэг талбайд өрсөлдөж байгаа нь ирээдүйн хувьд үнэ цэнтэй туршлага болж байна.

Зүүн Азийн шилдгүүдтэй хүч үзэж буй Монголын эмэгтэй шигээ баг

Монголын CS2-ын шилдэг баг The MongolZ 2026 оны Esports World Cup тэмцээнд өнгөрсөн жилийн аваргын цомоо хамгаалахаар оролцоно. Гэхдээ бүрэлдэхүүндээ хоёр шинэ тоглогч нэмсэн The MongolZ баг EWC-д дахин түрүүлж чадах болов уу? Энэ асуултын хариуг 1xBet-ийн esports шинжээчид онцолжээ.Зуны завсарлагааны үеэрх бүрэлдэхүүний өөрчлөлт

The MongolZ сүүлийн гурван Major тэмцээндээ плей-оффын шатанд шалгарч, тэр дундаа BLAST.tv Austin Major 2025-ын финалд хүртэл хүрч байсан. Тиймээс IEM Cologne Major 2026 тэмцээний гуравдугаар шатнаас цааш шалгарч чадаагүй нь багийн хувьд томоохон урам хугарсан үр дүн болсон юм. Үүний дараа баг бүрэлдэхүүндээ өөрчлөлт хийхээр шийджээ. Тэд “cobrazera” сэлгээнд суулгасан бол “mzinho” өөрийн дотны найз “Senzu”-ийн тоглож буй BC.Game Esports багт шилжсэн.Ингэснээр The MongolZ сул орон тоог нөхөхөөр хоёр залуу тоглогчийг үндсэн бүрэлдэхүүндээ авчээ.BLAST Bounty 2026 Season 2 хэрхэн өрнөв?

BLAST Bounty 2026 Season 2 нь шинэчлэгдсэн The MongolZ бүрэлдэхүүний хувьд анхны томоохон тэмцээн байлаа. Тус тэмцээнд тэд ерөнхийдөө боломжийн, тогтвортой тоглолтыг үзүүлсэн. Тэмцээний эхний шатанд The MongolZ итгэл төгс тоглож, HEROIC-ийг 2:1, Wildcard-ийг 2:0-ээр буулган авч, дараагийн шатанд шалгарсан.Харин BLAST Arena Studios-д болсон LAN шатны эхний тоглолтдоо The MongolZ FaZe Clan-тай учраа таарсан. Монголчууд Nuke дээр гайхалтай эхлэл тавьж, 12:3-ын харьцаатай асар том давуу талтай болсон ч туршлагатай өрсөлдөгчдөө эргэн ирэх боломж олгож, улмаар 12:16-аар хожигджээ. Улмаар цувралын харьцаа 1:2 болж, The MongolZ тэмцээнээ дуусгасан.Анхны тэмцээнээсээ эрт хасагдсан нь мэдээж сэтгэл дундуур үр дүн. Гэхдээ Vitality, Falcons, FURIA, Aurora зэрэг дэлхийн шилдэг багууд хүртэл финалын шатанд шалгарч чадаагүйг дурдах хэрэгтэй. Түүнчлэн The MongolZ энэ тэмцээнд дасгалжуулагч “maaRaa”-гүйгээр тоглосон нь багийн тоглолтод тодорхой хэмжээгээр нөлөөлсөн.

Гэсэн хэдий ч шинэ бүрэлдэхүүний залуу тоглогчид хувь тоглолтын түвшинд тун сайн байгаагаа харуулсан. Тэд хоёулаа эерэг K/D үзүүлэлттэй тэмцээнийг дуусгаж, үзүүлэлтээр AWPer 910-ын ард хоёр, гуравдугаар байрт бичигджээ.EWC 2026-д The MongolZ-оос юу хүлээх вэ?

Esports World Cup 2026-ийн CS2 төрөл 2 сая ам.долларын шагналын сантай бөгөөд наймдугаар сарын 12-23-ны өдрүүдэд зохион байгуулагдана. Тэмцээний зохион байгуулагчид нийт 27 багийг шууд урьсан бол үлдсэн таван баг нь сонгон шалгаруулалтаар эрхээ авсан юм. The MongolZ Азийн чансааг тэргүүлж буй бөгөөд EWC 2025-ын аварга болсон The MongolZ шууд урилга авсан багуудын нэг.Тэмцээнд оролцох багуудыг дөрвөн хэсэгт хуваах бөгөөд хэсэг бүр double-elimination буюу хоёр хожигдлын дараа хасагдах системээр явагдана. Хэсэг бүрээс шилдэг дөрвөн баг плей-оффын шатанд шалгарна. The MongolZ-ийг EWC 2026-д хэрхэн тоглохыг таамаглахын тулд тэдний өмнөх тэмцээнээс хойш гарсан өөрчлөлтийг харахад хангалттай. Багийн дасгалжуулагчдын штаб шинэ тоглогчдыг системдээ дасгаж, багийн тоглолтод уялдуулахын тулд бараг хоёр долоо хоногийн хугацаанд бэлтгэл хийсэн. Гэхдээ ийм богино хугацаанд багийн нийт зохион байгуулалт, харилцан ойлголцлыг эрс сайжруулах боломж хязгаарлагдмал. Үүн дээр дасгалжуулагч maaRaa дахин багийнхаа хамт тэмцээний талбай дээрээс ажиллах боломжгүй болсон нь бас нэгэн хүндрэл болж байна.Гэсэн хэдий ч BLAST Bounty 2026 Season 2-т үзүүлсэн тоглолтоос харахад шинэ тоглогчид хувь тоглолтын хувьд аль хэдийн хангалттай өндөр түвшинд хүрчээ. Тэдний боломжоо бүрэн харуулахад саад болж болох хамгийн том хүчин зүйл нь сэтгэл зүйн дарамт байх магадлалтай. Учир нь залуу тоглогчид ийм өндөр түвшний, асар их дарамттай тэмцээнүүдэд оролцсон туршлага харьцангуй бага. Нөгөө талаар тэд одоогоор шинэ бүрэлдэхүүндээ дасан зохицох үйл явцынхаа дунд явж байгаа. Тиймээс тэднийг тоглолт бүрд заавал ялалт байгуулах ёстой гэсэн өндөр хүлээлт тавих нь ч зохимжгүй.Дүгнэлт

Тиймээс 1xBet-ийн esports шинжээчдийн EWC 2026 дахь The MongolZ-ийн талаарх таамаг харьцангуй тодорхой байна. Шинэ бүрэлдэхүүнтэй тоглосон анхны тэмцээн болох BLAST Bounty-ийн нэгэн адил The MongolZ хэсгийн шатнаас асуудалгүйгээр шалгарах боломж өндөр. Ялангуяа хоёр хожигдлын дараа хасагдах double-elimination формат нь тэдний боломжийг нэмэгдүүлнэ.Харин плей-оффын шатанд хаана хүрэх нь залуу тоглогчдын сэтгэл зүйн тэсвэр, туршлага болон тухайн өдөр тэдний учрах өрсөлдөгчдийн хүчнээс ихээхэн шалтгаална. Өнгөрсөн жилийн аваргын цомоо хамгаалахаар EWC 2026-д орж буй The MongolZ-ийн хувьд энэ тэмцээн шинэ бүрэлдэхүүнтэйгээ бодит хүчийг дэлхийд дахин харуулах хоёр дахь том шалгалт болох нь гарцаагүй.

EWC 2026: The MongolZ-н шинэ бүрэлдэхүүнтэй хоёр дахь том сорилт

Пүрэвлхагва

Азийн хөлбөмбөгийн холбооноос зохион байгуулдаг AFC Challange League тэмцээний урьдчилсан шатны тоглолтууд Монгол улсын нийслэл Улаанбаатар хотноо МХХ-ны талбайд зохион байгуулагдлаа. Энэхүү тэмцээнд Монголын дээд лигийн аварга Улаанбаатар клуб, Тайваны дээд лигийн дэд аварга Хань Ян клубтэй тоглосон бол Монголын дээд лигийн дэд аварга Централ Сталлионс клуб, Тайваны дээд лигийн аварга Тайнан сити клубтэй тоглолоо.

Тайнан сити /5/ 2:2 /3/ Централ Сталлионс Өнөөдрийн эхний тоглолт Тайваны дээд лигийн аварга Тайнан Сити болон Централ Сталлионс клубүүдийн хооронд явагдаж, үндсэн цаг болон нэмэлт үед 2:2-ийн харьцаатайгаа тэнцэж, ялагчийг 11 метрийн торгуулийн цохилтоор шийдэж, Тайнан Сити клуб 5:3-ийн харьцаатайгаар ялалт байгуулж, AFC Challange League тэмцээний дараагийн шатанд шалгарлаа.

Улаанбаатар 1:2 Хань Ян Харин өнөөдрийн хоёр дахь тоглолт Монголын дээд лигийн аварга Улаанбаатар клуб Тайваны дээд лигийн дэд аварга Хань Ян клубийн эсрэг тоглож, үндсэн цагт 1:2-ийн харьцаатайгаар хожигдож, Улаанбаатар клуб тэмцээнээ өндөрлүүлж, Тайваны Хань Ян клуб AFC Challange League тэмцээний дараагийн шатанд шалгарлаа.

Гэрэл зургийг: <a href="https://www.facebook.com/MongolianFootballFederation?__cft__[0]=AZb2SS9dwDFNywUzv4xBMdgDDX9WbvOvq7qtzQn92rHqjRFH7LXvzL7ZgLBeFMDA8FbtRU3Ap85raf-i6meHWL85cXNCkKe6tdYmcEGCtoM05rCvgbkjG3fHXGuc1rUENLQzudPhpd7ub6SzSoM0z6SDL7vHwdFZvt81dg5ia1dYVuwHPrPtLacGaO5ZRUWImQk&amp;__tn__=-UC%2CP-R" rel="noopener noreferrer" target="_blank" style="color: rgb(8, 8, 9); background-color: transparent;">Mongolian Football Federation</a>, <a href="https://www.facebook.com/centralstallionsfc?__cft__[0]=AZZB4mXdALAjM8bicyYuAdLrUSWAouYpUrcCEBLD4KmV3IOTqTHWmDCpXH89Zplz9ADOdRAVeiz-hQwQg7xAQpLiRARW8aGHyEdC2rGKOSgJyP-kT2f5ADhMTQdbNmnhBGE3Ts7T1Z_GBqlNtgVpCo5J-TzkiU7Emzjs5W2hhKKCckWA0F6ALE78x6YYb6FGe8k&amp;__tn__=-UC%2CP-R" rel="noopener noreferrer" target="_blank" style="color: rgb(8, 8, 9);">Central Stallions FC</a>

AFC Challange League: Централ Сталлионс болон Улаанбаатар клубүүд тэмцээнээ өндөрлүүллээ

Цахим спортын “Олимп” гэж хэлэгддэг Esports World Cup 2026 тэмцээний Counter Strike 2 тоглоомын төрөл хэдхэн өдрийн дараа эхлэх гэж байна. Нийт 32 баг оролцох энэхүү тэмцээнд өнгөрсөн жилийн аварга баг The MongolZ багаас гадна дэлхийн шилдэг багууд хүч үзэхээр боллоо. Тэмцээнд оролцох багуудын оноолт болон цагийн хувиар тодорхой болжээ.&nbsp;

Өмнөх хоёр жил Саудын Арабын Эр-Рияд хотод зохион байгуулагдсан тус тэмцээн энэ жил Францын нийслэл Парис хотод наймдугаар сарын 12–23-ны өдрүүдэд зохион байгуулагдана. Нийт $2,000,000 долларын шагналын сантай энэ тэмцээнд оролцож буй 32 баг найм, наймаар дөрвөн хэсэгт хуваагдаж, хэсэг бүрээс ялалт байгуулсан дөрвөн баг дараагийн шатад шалгарах болно.&nbsp;

Өнгөрсөн жилийн аварга, Монгол улсын төлөөлөл The MongolZ баг тэмцээний “D” хэсэгт багтсан байна. эхний тоглолтоо magic багийн эсрэг наймдугаар сарын 12-ны орой 18 цагаас хийхээр болсон байна. Бүрэлдэхүүндээ өөрчлөлт оруулж BLAST Bounty Season 2 тэмцээнд чамлахааргүй амжилт үзүүлж чадсан The MongolZ баг энэ удаа мөн адил хүчтэй өрсөлдөгчдийн нэгд нэрлэгдэж байгаа. Өнгөрсөн жил өргөж болсон цомыг энэ удаа бас өргөөсэй хэмээн хүсэж байна.

The MongolZ баг эхний тоглолтоо magic багийн эсрэг хийнэ

Монгол улсын нийслэл Улаанбаатар хотноо “АСА АРЕНА”-д 2026 оны Зүүн Азийн эрэгтэйчүүдийн Волейболын аварга шалгаруулах тэмцээн амжилттай зохион байгуулагдаж, Монгол улсын үндэсний шигшээ баг түүхэн амжилт үзүүлж, хүрэл медалийн эзэд боллоо. Манай шигшээ баг ЗААШТ-ий “A” хэсэгт орж, Хонгконг болон БНХАУ-ын шигшээ багуудыг буулган авч, хэсгээ тэргүүлсэн бөгөөд хагас шигшээд хүчирхэг Японы шигшээ багтай таван ээлжийн турш гайхалтай өрсөлдөөнийг үзүүлж, 2:3 харьцаатайгаар хожигдсон ч хүрэл медалийн төлөө БНХАУ-ын шигшээ багийг 3:1 харьцаатайгаар буулган авч, ЗААШТ-ий түүхэн амжилтаа үзүүлж, хүрэл медалийн эзэд боллоо.

Нэг довтолгоо, нэг хаалт, нэг хамгаалалт, шийдвэрлэх мөчид авсан оноо бүр нь Монголын волейболын спорт яаж хөгжиж байгааг харуулсан үнэ цэнтэй алхам байлаа. Ялангуяа эх орондоо, өөрсдийн хөгжөөн дэмжигчдийнхээ өмнө Азийн шилдгүүдтэй өрсөлдөнө гэдэг тамирчин бүрийн хувьд асар том сорилт. Харин энэ сорилтыг Монголын шигшээ багийн залуус маань даван гарч, талбай дээрээ тэмцэж чадсан нь хамгийн том ололт байв.

Өмнө нь манай улсын шигшээ баг ЗААШТ-д 1998, 2015, 2017 онуудад дөрөвдүгээр байрт шалгарч, хараахан медаль зүүж амжаагүй байв. Гэсэн ч энэ удаагийн тэмцээнд манай шигшээ багийн гадаадад тоглодог ихэнх тамирчид маань шигшээ багтаа нэгдэж, мөн Үндэсний дээд лигийн шилдэг тамирчид маань хамтдаа нэгэн цул болж, гайхалтай тоглолтуудыг үзүүлж чадсан нь бахархам байлаа. &nbsp;

Монголын волейболын нийт тамирчид, дасгалжуулагчид, үе үеийн тоглогчид, хөгжөөн дэмжигчдийн хамтын ялалт. Учир нь өнөөдрийн медалийн ард өмнөх шигшээ багийн волейболын тамирчдын тавьсан суурь бий. Өнөөдрийн шигшээ багийн амжилт маргаашийн бяцхан волейболын тамирчдад “Монгол улс ч бас чадна” гэсэн итгэлийг өгч байна. Хамгийн үнэ цэнтэй зүйл нь чухам энэ. Монголын волейболын тамирчид Азийн бүсийн шилдгүүдтэй өрсөлдөж, тэднийг ялж болохыг өөрсдийн тоглолтоор харууллаа. БНХАУ-ыг 3:1-ээр буулган авч, ЗААШТ-ээс хүрэл медаль хүртсэн Монголын шигшээ багийн энэ амжилт Монголын волейболын түүхэнд алтан үсгээр бичигдэх нь гарцаагүй.

ЗААШТ 2026: Монголын шигшээ баг түүхэн амжилт үзүүллээ

Монгол улсын нийслэл Улаанбаатар хотноо “АСА АРЕНА”-д зохион байгуулагдаж буй 2026 оны Зүүн Азийн эрэгтэйчүүдийн Волейболын аварга шалгаруулах тэмцээн амжилттай үргэлжилж байна. Манай шигшээ баг хагас шигшээд шалгарах нь тодорхой болсон бөгөөд өнөөдөр БНХАУ-ын шигшээ багтай 19:30 цагаас тоглоно.

Одоогийн байдлаар Зүүн Азийн эрэгтэйчүүдийн Волейболын аварга шалгаруулах тэмцээний “А” хэсгийг манай шигшээ баг 3 оноотой тэргүүлж, БНХАУ-ын шигшээ баг 2 оноотой удаалж, Хонгконгийн шигшээ баг 1 оноотойгоор гуравдугаар байрт бичигдэж, 5-с долоодугаар байрны төлөө өрсөлдөхөөр боллоо. Өнөөдөр “А” хэсгийн тэргүүн байрны төлөө Монгол улсын шигшээ баг болон БНХАУ-ын шигшээ багууд 19:30 цагаас өрсөлдөнө.

Харин тэмцээний “B” хэсгийг БНСУ-ын шигшээ баг 5 оноотойгоор тэргүүлж, Хятадын Тайваны шигшээ баг 4 оноотойгоор хоёрдугаар байрт, Японы шигшээ баг 3 оноотой гуравдугаар байрт, Макаогийн шигшээ баг одоогоор оноо авч амжаагүй байна. Өнөөдөр хэсгийн сүүлийн тоглолтууд явагдах бөгөөд 13:30 цагаас Макао болон БНСУ-ын шигшээ багууд тоглох бол хэсгийн хоёрдугаар байрны төлөө Хятадын Тайваны шигшээ баг болон Японы шигшээ багууд 16:30 цагаас өрсөлдөнө.

ЗААШТ 2026: Монголын шигшээ баг өнөөдөр БНХАУ-ын шигшээ багтай тоглоно

Монгол Улсын эрэгтэй сагсан бөмбөгийн шигшээ баг олон улсын бэлтгэл тоглолтод оролцохоор Япон улсыг зорилоо. Манай шигшээ баг энэ удаагийн аяллын хүрээнд Японы багуудтай тоглолт хийж, тоглолтын бэлтгэлээ хангах, тамирчдын уялдаа холбоо болон багийн тактикаа сайжруулах зорилготой байна.

Япон улс сагсан бөмбөгийн өндөр хөгжилтэй орнуудын нэг бөгөөд тэдний хурд, техник, тоглолтын зохион байгуулалт нь Монголын багийн хувьд чухал сорилт болох юм. Ийм түвшний өрсөлдөгчтэй тоглох нь манай тамирчдад туршлага хуримтлуулах, олон улсын тэмцээнүүдэд илүү сайн бэлтгэх боломжийг олгоно.

Сүүлийн жилүүдэд Монголын сагсан бөмбөгийн хөгжил эрчимтэй нэмэгдэж, дотоодын лиг болон олон улсын тэмцээнүүдэд тамирчид маань амжилттай оролцож байна. Шигшээ баг ч мөн Азийн тавцанд өрсөлдөх чадвараа нэмэгдүүлэхийн төлөө бэлтгэлээ үргэлжлүүлж байгаа юм.

Гэрэл зургийг: <a href="https://www.facebook.com/Mongolia.Basketball?__cft__[0]=AZYKvlQZI6wcj1007iTGPezdgAimg9CCQcwoOldg7Ey07TmsO6G2NwxanzouHB82JgOqCiBNoS7b7162TrwSA5Ad2t6XRD-IAq9eqynVUY78MCiEnte_TWkDTDUdiH9BPV1UOWiseU6E_Dl4-1EgGDd6oTHhveoGSnk7uykaf6CQF4449W59gj9vC8ZCQxUcgVg9-cij98X8-z-p3s3TttU1&amp;__tn__=-UC%2CP-R" rel="noopener noreferrer" target="_blank" style="color: rgb(8, 8, 9);">MBA Монголын Сагсан Бөмбөгийн ХОЛБОО/Mongolian Basketball Association</a>

Монголын эрэгтэй сагсан бөмбөгийн шигшээ баг Японыг зорилоо

Монгол улсын нийслэл Улаанбаатар хотноо “АСА АРЕНА”-д зохион байгуулагдаж буй 2026 оны Зүүн Азийн эрэгтэйчүүдийн Волейболын аварга шалгаруулах тэмцээн наймдугаар сарын 5-нд албан ёсоор нээлтээ хийж, эхний өдрийн гурван тоглолт үзэгчдийн сонирхлыг татсан өрсөлдөөнөөр дүүрэн боллоо. Зүүн Азийн шилдэг багуудын өрсөлдөөн эхний өдрөөсөө л өндөр түвшний тоглолтуудыг үзүүлж, тэмцээний уур амьсгалыг бүрдүүлэв.Хятадын Тайвань 3:0 Макао /25:14; 25:16; 25:17/

Өдрийн эхний тоглолтод Хятадын Тайваны шигшээ баг Макаогийн шигшээ багийг 3:0 (25:14, 25:16, 25:17)-ийн харьцаагаар илүүрхэн буулган авч, тэмцээнийг ялалтаар эхлүүллээ. Тайваны шигшээ баг довтолгоо, хаалт, хамгаалалтын бүх үзүүлэлтээр өрсөлдөгчөөсөө давуу байж, ердөө гурван үед асуудлыг шийдвэрлэн дараагийн тоглолтууддаа өндөр итгэлтэй оролцох эхлэлийг тавив.БНСУ 3:1 Япон /25:20; 23:25; 25:21; 25:19/

Үүний дараа болсон өдрийн онцлох тоглолтод Өмнөд Солонгосын шигшээ Японы шигшээтэй хүч үзэж, дөрвөн үе үргэлжилсэн ширүүн өрсөлдөөний эцэст 3:1-ийн харьцаагаар ялалт байгууллаа. Өмнөд Солонгос болон Японы шигшээ багуудын эхний хоёр ээлж 1:1 харьцаатайгаар өндөрлөсөн ч Солонгосчууд туршлага, тоглолтын хэмнэлээр илүүрхэж дараалан хоёр ээлжийг өөрийн болгосноор тэмцээний эхний ялалтаа байгууллаа. Энэхүү тоглолт нь аваргын төлөө өрсөлдөх гол фаворитуудын нэг болох Өмнөд Солонгос ямар бэлтгэлтэй ирснийг харуулсан тоглолт байлаа.Хонгконг 0:3 Монгол /17:25; 21:25; 23:25/

Харин Монголын хөгжөөн дэмжигчдийн хамгийн их хүлээсэн өдрийн сүүлийн тоглолтод талбайн эзэн Монголын шигшээ баг Хонконгийн шигшээтэй учраа таарч, нутаг нэгт хөгжөөн дэмжигчдийнхээ өмнө гайхалтай тоглолтыг үзүүлэв. Монголын шигшээ тоглолтын эхнээс санаачилгыг бүрэн гартаа авч, хүчтэй давуулалт, үр дүнтэй довтолгоо, найдвартай хаалтаараа давамгайлсаар Хонконгийг 3:0-ээр буулган авлаа. Ийнхүү Монголын шигшээ баг тэмцээнийг гайхалтай ялалтаар эхлүүлж, хагас шигшээд өрсөлдөх боломжоо эрс нэмэгдүүлэв. Ингэснээр “А” хэсгийн Монголын шигшээ баг 3 оноотойгоор тэргүүлж байгаа бол “B” хэсгийг Хятадын Тайвань болон БНСУ-ын шигшээ багууд 3,3 оноотойгоор хэсгээ тэргүүлж байна.ЗААШТ-ий 08-р сарын 06-ны хуваарь:Япон – Макао /13:30 цагаас АСА АРЕНА/БНСУ – Хятадын Тайвань /16:30 цагаас АСА АРЕНА/БНХАУ – Хонгконг /19:30 цагаас АСА АРЕНА/Гэрэл зургийг: Монголын Волейболын Холбоо - Mongolian Volleyball Association MVA

ЗААШТ 2026: Монголын шигшээ баг гайхалтай ялалт байгууллаа

Нүүдэлчин соёл иргэншлийн өв уламжлал, үндэсний спортыг дэлхий дахинд сурталчилдаг хамгийн нэр хүндтэй арга хэмжээ болох Дэлхийн нүүдэлчдийн VI наадам (World Nomad Games) энэ жил Киргиз Улсад зохион байгуулагдах гэж байна. Дэлхийн нүүдэлчдийн наадам нь өмнө нь нийт 5 удаа зохион байгуулагдаж, Киргизстан улс 3 удаа, Турк болон Казахстан улсууд тус бүр 1 удаа зохион байгуулж байв. Дэлхийн олон арван орны шилдэг тамирчин, өв соёлын төлөөллийг нэгтгэдэг энэхүү наадамд Монгол Улс үндэсний спортын шилдгүүдээс бүрдсэн 47 тамирчны бүрэлдэхүүнтэйгээр оролцох бөгөөд Монголын багийн тугчнаар Монгол Улсын Даян аварга Б.Орхонбаяр сонгогджээ. Мөн Монгол Улсын заан Д.Анар, Б.Серик нар эх орноо төлөөлөн өрсөлдөнө

Дэлхийн нүүдэлчдийн наадам нь зөвхөн спортын тэмцээн биш. Энэ бол олон мянган жилийн түүхтэй нүүдэлчин ард түмний өв соёл, зан заншил, амьдралын хэв маягийг дэлхийн тайзнаа нэгтгэдэг соёлын их баяр юм. Монгол Улс бол нүүдэлчин соёл иргэншлийг өнөөг хүртэл хамгийн бүрэн бүтнээр нь хадгалан үлдсэн цөөн орны нэг. Тиймээс энэ наадамд оролцоно гэдэг нь зөвхөн медалийн төлөө өрсөлдөхөөс гадна төрт ёс, түүх, үндэсний бахархал, өв уламжлалаа дэлхий нийтэд сурталчлах эрхэм үүрэгтэй.

Монголын 47 тамирчин үндэсний бөх, сурын харваа, морин спорт болон бусад уламжлалт спортын төрлүүдэд хүч сорих бөгөөд тэд зөвхөн өөрсдийн амжилтын төлөө бус, монгол нүүдэлчдийн соёл иргэншлийн өвийг дэлхий дахинд таниулах элч болон өрсөлдөнө. Өнгөрсөн удаагийн наадамд Монгол улсаас нийт 16 төрөлд 66 тамирчин өрсөлдөж, 5 мөнгө, 9 хүрэл медаль хүртэж байжээ.

ДЭЛХИЙН НҮҮДЭЛЧДИЙН НААДАМД МОНГОЛЫН 47 ТАМИРЧИН ЭХ ОРНОО ТӨЛӨӨЛЖ ОРОЛЦОНО

Бүрэлдэхүүндээ өөрчлөлт оруулж, BLAST Bounty Season 2 тэмцээнд чамлахааргүй амжилт үзүүлж чадсан Монгол улсын төлөөлөл The MongolZ баг энэ Esports World Cup 2026 тэмцээнд оролцоход бэлэн болоод байна. Энэхүү тэмцээний өнгөрсөн жилийн аварга багаар The MongolZ баг тодорсон юм. Ийнхүү тэд аваргаа хамгаалж үлдэх чухал тэмцээний өмнө хүрч ирээд байна.

Esports World Cup 2026 тэмцээнийг ерөнхийд нь товч хэлбэл цахим спортын “олимп” гэж ойлгож болно. Нийт 25 цахим спортын төрлөөр зохион байгуулагддагаар бусад тэмцээнүүдээс онцлогтой юм. Мөн спортын төрөл бүрт клубүүд оролцож, оноо цуглуулан энэ тэмцээний аварга клубийг тодруулдаг. Өнгөрсөн жилийн аваргаар Team Falcons клуб аварга болсон байдаг.

Өнгөрсөн жилийн Counter Strike тоглоомын аварга багаар The MongolZ баг болж байлаа. Нийт 32 баг оролцсон тэмцээнд Vitality, AURORA зэрэг хүчирхэг багуудыг буулган авч аваргын цомыг өргөж байсан юм. Тус тэмцээний шилдэг тоглогчоор Techno буюу М.Содбаяр тодорсон.

Энэ удаагийн Esports World Cup 2026 тэмцээний Counter Strike тоглоомын төрөлд нийт 32 баг оролцоно. Тэмцээнд оролцох 28 баг одоогийн байдлаар тодроод байгаа бол үлдсэн дөрвөн багийн эрхийн төлөөх тэмцээнүүд явагдаж байгаа. Сонирхуулахад энэ спортын Монгол улсын том төлөөлөл тамирчид болох Senzu болон Mzinho нарын тоглож буй BC Game баг энэ тэмцээний эрхийн төлөөх тоглолтуудыг хийж байгаа юм.&nbsp;

The MongolZ баг аваргаа хамгаалах чухал тэмцээндээ оролцох гэж байна. Өнгөрсөн жилийн аваргууд тэд энэ удаа багийн бүрэлдэхүүндээ өөрчлөлт хийж, мөн багийн дасгалжуулагч maaraa-гүй энэ тэмцээнд оролцох гэж байна. Хэдий том асуудалтай байгаа ч асуудалгүй амжилт гаргаж болохыг өнгөрсөн BLAST Bounty Season 2 тэмцээнээс харж болохоор байгаа юм. The MongolZ багийн залуу тоглогчид энэ тэмцээнд өөр сэтгэл зүйтэй оролцох байх. Тэд буудалт, сэтгэл зүй, шийдвэр гаргалт болон чадвар байгаа гэдгээ нотолж харуулж чадсан. Өнгөрсөн жил өргөж болсон цомыг энэ удаа бас өргөөсэй хэмээн хүсэж байна.

Аваргаа хамгаалах чухал мөч ирж байна

Монголын волейболын хөгжлийн түүхэнд онцгой байр суурь эзлэх томоохон үйл явдал эхлэхэд ердөө нэг хоног үлдлээ. Зүүн Азийн Эрэгтэйчүүдийн Волейболын Аварга Шалгаруулах Тэмцээн наймдугаар сарын 5-с Улаанбаатар хотод эхэлж, бүс нутгийн хүчирхэг шигшээ багууд аваргын төлөө өрсөлдөнө. Энэ удаагийн тэмцээнд зохион байгуулагч Монголын шигшээ баг эх орныхоо хөгжөөн дэмжигчдийн өмнө маргааш эхний тоглолтоо Хонгконгийн шигшээ багийн эсрэг хийх гэж байна.

БНХАУ, Япон, БНСУ, Тайвань, Хонконг, Макао зэрэг Зүүн Азийн шилдэг багуудтай мөр зэрэгцэн өрсөлдөх Монголын шигшээ багийн хувьд эх орныхоо талбайд, өөрсдийн хөгжөөн дэмжигчдийн өмнө тоглоно гэдэг тамирчин бүрийн мөрөөдөл байдаг. Тэр хэрээрээ хариуцлага ч өндөр. Монголын шигшээ багийн тоглогчид сүүлийн саруудад эрчимтэй бэлтгэл хийж, дотоодын болон гадаадын лигт тоглож буй шилдэг тамирчдаа нэгтгэн энэхүү тэмцээнд оролцоход бэлэн боллоо.

Монгол улс Зүүн Азийн АШТ-ийг тав дахь удаагаа зохион байгуулах гэж байгаа бөгөөд өмнө нь гурван удаа 4-р байрт шалгарч байв. Манай шигшээ баг тэмцээний “B” хэсэгт Хонгконг болон БНХАУ-ын шигшээ багуудын эсрэг тоглоно. Зүүн Азийн АШТ-ий бүх тоглолтууд “АСА АРЕНА”-д явагдана.

Монголын Улсын Үндэсний шигшээ багийн тоглолтын хуваарь:Хонгконг – Монгол /2026 оны 08-р сарын 05-нд 19:30 цагаас/Монгол – БНХАУ /2026 оны 08-р сарын 07-нд 19:30 цагаас/ тоглох хуваарьтай байна.

Зүүн Азийн АШТ: Монголын шигшээ баг маргааш талбайдаа эхний тоглолтоо хийнэ

Энэ оны хоёрдугаар улирлын эхний тэмцээн BLAST Bounty Season 2 өндөрлөж, аварга багаа тодрууллаа. MOUZ баг нийт таван тоглолт хийж нэг ч ялагдал хүлээхгүйгээр энэ удаагийн тэмцээний аваргаар тодорлоо. Тэд ийнхүү өөрсдийн цуглуулсан $226,563 долларын шагналын санг өөрсдийн болголоо.

MOUZ баг тэмцээний эхний тоглолтоо Nuclear TigeRES багийн эсрэг хийж 2:0 гэсэн харьцаатай ялалт байгуулсан. Үүний дараагаар FOCUS багтай тааран тоглож мөн адил 2:0 гэсэн харьцаатай ялалт байгуулсан.&nbsp;

Мальта улсад болсон шигшээ шатны эхний тоглолтоо 3DMAX багийн эсрэг хийж 2:1 гэсэн харьцаатай ялалт байгуулсан. Шигшээ шатны дараагийн тоглолтоо Astralis багийн эсрэг тоглож 2:1 гэсэн үр дүнтэй финалын шат руу шалгарсан. Тэд Финалын тоглолт нийт таван тоглолт хийж, түрүүлж гурван ялалт байгуулсан баг аваргын цомыг өргөх байсан. Spirit багийн эсрэг 3:1 гэсэн үр дүнтэй ялалт байгуулж энэ оны хоёрдугаар хагасын эхний тэмцээнд аварга боллоо.

Энэ тэмцээний шилдэг тоглогчоор MOUZ багийн тамирчин Spinx тодорлоо. Тэрээр финалын тоглолтод нийт “78 kill” хийж, “1.20 гэсэн rating” үзүүлж энэ удаагийн тэмцээний шилдэгээр тодроод байна. Тэрээр сүүлийн дөрвөн жил дараалж энэ төрлийн спортын шилдэг 20 тамирчны нэгээр шалгарсан топ түвшний тамирчин юм.

BLAST Bounty Season 2 тэмээний аваргаар MOUZ баг тодорлоо

Хоёр сар гаруйн турш дэлхийн шилдэг шигшээ багуудыг нэгэн тайзан дээр өрсөлдүүлсэн 2026 оны Эрэгтэйчүүдийн Волейболын Үндэстнүүдийн Лиг (VNL) албан ёсоор өндөрлөлөө. Хятадын Нинбо хотод болсон шигшээ шатанд аваргын төлөөх тоглолт, хүрэл медалийн төлөөх өрсөлдөөн хоёулаа хөгжөөн дэмжигчдийн хүлээлтийг бүрэн хангаж, улирлын хамгийн сэтгэл хөдөлгөм тоглолтуудын нэг болж үлдэв.АНУ 2:3 Польш /Финал/

Аваргын төлөө Польш болон АНУ дахин нэг удаа нүүр тулсан юм. Хоёр багийн аль аль нь довтолгоо, хамгаалалт, давуулалтын өндөр түвшнийг харуулсан бөгөөд тоглолтын турш нэг ч мөч амар байсангүй.

Польш эхний ээлжийн тоглолтод 25:21-р ялсан ч АНУ дараагийн хоёр ээлжийн тоглолтод &nbsp;25:23, 27:25-ийн харьцаатайгаар ялж, ээлжийн харьцааг АНУ-ын шигшээ баг 2:1 болгов. Польшийн туршлага яг хэрэгтэй мөчдөө илэрсэн юм. Дөрөвдүгээр ээлжийн тоглолтод Польшийн хамгаалалт, хаалт, довтолгоогоо төгс хослуулсан Европын аваргууд тоглолтыг шийдвэрлэх тав дахь үед хүргэж чадсан. Харин тай-брейкт Польш илүү тайван, илүү алдаа багатай тоглож 15:10-ийн харьцаатайгаар ялалт байгуулж, ээлжийн харьцаа 3:2-ийн харьцаатай хожиж, VNL-ийн аваргын цомоо амжилттай хамгааллаа.

Энэхүү ялалт Польшийн хувьд дахин нэг удаа дэлхийн волейболын хамгийн хүчирхэг шигшээ баг гэдгээ баталсан мөч байсан юм. Тэд хүнд нөхцөлд ч сэтгэлзүйгээ алдалгүй, аваргын зан чанар ямар байдгийг финалын турш харууллаа.Харин АНУ мөнгөн медаль хүртсэн ч тэмцээний турш үзүүлсэн тоглолтоороо дэлхийн аваргын гол фаворитуудын нэг хэвээр байгаагаа харуулж чадсан.Словени мөрөөдлөө биелүүлэв

Хүрэл медалийн төлөөх тоглолт ч финалаас дутахааргүй сонирхолтой өрнөв. Урьдчилсан шатанд хамгийн тогтвортой тоглолтыг үзүүлсэн Япон энэ удаад Словенийн хүчирхэг довтолгоог зогсоож чадсангүй.

Словени тоглолтыг 3:1-ээр хожиж, Үндэстнүүдийн Лиг байгуулагдсанаас хойших анхны медалиа хүртсэн нь тус улсын волейболын түүхэн дэх хамгийн том амжилтуудын нэг боллоо. Япон медальд хүрч чадаагүй ч улирлын турш үзүүлсэн хурдтай, уран тоглолтоороо хөгжөөн дэмжигчдийн талархлыг хүлээсэн багуудын нэг байв.

Эрэгтэйчүүдийн Волейболын Үндэстнүүдийн Лиг 2026 тэмцээний медальт байр:1.&nbsp;&nbsp;&nbsp;&nbsp;Польш - 3 дахь удаагаа алтан медаль хүртлээ2.&nbsp;&nbsp;&nbsp;&nbsp;АНУ - 4 дэх удаагаа мөнгөн медаль хүртлээ3.&nbsp;&nbsp;&nbsp;&nbsp;Словени - Анх удаагаа хүрэл медаль хүртлээ

Эрэгтэйчүүдийн Волейболын Үндэстнүүдийн Лиг тэмцээний шилдэг тоглогчоор /MVP/ Польшийн шигшээ багийн тоглогч Томаш Форнал тодорлоо.

VNL 2026: Польшийн шигшээ баг аваргаа хамгаалж, Словенийн шигшээ баг анхны медалиа хүртлээ

2026 оны Эрэгтэйчүүдийн Волейболын Үндэстнүүдийн Лигийн (VNL) шигшээ шатны шөвгийн наймын тоглолтод өнгөрсөн жилийн аварга Польшийн шигшээ баг Украйныг 3:1 (25:22, 22:25, 25:20, 25:17)-ийн харьцаатайгаар буулган авч, хагас шигшээд шалгарлаа.VNL-ийн шигшээ шатанд анх удаа хүч сорьж буй Украйн зоригтой тоглолтыг үзүүлж, аваргуудтай эн тэнцүү өрсөлдсөн ч шийдвэрлэх мөчүүдэд Польшийн туршлага, тоглолтын сахилга бат илүү байв. Ингэснээр Польш медалийн төлөөх өрсөлдөөнөө үргэлжлүүлж, дахин аваргын төлөө өрсөлдөх боломжоо хадгалж үлдлээ.

Тоглолтын эхний сетэд Польш давуулалтын дарамт, хаалтын хамгаалалтаараа илүүрхэж, Украйны довтолгоог тогтмол сааруулсан юм. Холбогч Марчин Коменда довтолгоог жигд хуваарилж, багийнхаа гол довтлогчдыг үр дүнтэй ашигласнаар Польш эхний сетийг 25:22-ийн харьцаатайгаар илүүрхэв.

Эхний ээлжийн тоглолтод хожигдсон Украйн бууж өгсөнгүй. Хоёрдугаар сетэд тэд илүү эрч хүчтэй тоглож, хамгаалалт болон сөрөг довтолгоогоо сайжруулснаар Польшийг алдаа гаргахад хүргэж, 25:22-оор ялалт байгуулан ээлжийн харьцааг тэнцүүлэв.

Улмаар тоглолтын гурав болон дөрөвдүгээр сетэд Польш аваргын туршлагаа бүрэн харууллаа. Тоглолтын төгсгөлд чухал оноонуудыг алдалгүй авч, давуулалт болон хаалтын хамгаалалтаараа Украйны довтолгоог зогсоож, 25:20, 25:17-ийн харьцаатайгаар илүүрхлээ. Ингэснээр Польш дөрвөн ээлжийн тоглолтын дараа 3:1-ээр хожиж, хагас шигшээ шатанд шалгарлаа.

Украины хувьд тэмцээн өндөрлөсөн ч энэ удаагийн VNL-д тэд түүхэн амжилт үзүүлэв. Анх удаа шигшээ шатанд шалгарсан тэд дэлхийн хүчирхэг багуудтай өрсөлдөх хэмжээний чадвартайгаа харуулж, ирээдүйд илүү өндөр амжилт гаргах боломжтой гэдгээ нотоллоо.Харин Польшийн шигшээ баг хагас шигшээд Туркийг буулган авсан Словенийн шигшээ багтай тоглох бөгөөд аваргын цомын төлөөх өрсөлдөөнөө үргэлжлүүлэхээр боллоо.

Шинэ контент