Цахим спорт тэр дундаа Counter Strike тоглоомын энэ оны эхний улирал Team Falcons багийн аваргын баяраар дууссан билээ. Тэгвэл хоёрдугаар хагсын S-teir зэрэглэлийн томоохон тэмцээнүүд эхлэхэд хэдэн өдөр үлдээд байна. Гэхдээ сүүлийн хасагд зохион байгуулагдах тэмцээнүүдийн талаар бус харин эдгээр тэмцээнүүдийг эхлэхэд HLTV оноогоор дэлхийн #1 гэж дуудуулах Team Falcons багийн тухай юм.

Саудын Арабын и спорт клуб болох Team Falcons &nbsp;баг нь энэ амжилтын эзэд болохын тулд маш олон тоглогчдыг хооронд нь сольж, багтаа нэгтгэж, олон удаа алдсаны эцэст туршлагатай, чадвартай тамирчдыг өөрсдийн багийг бүрдүүлж чадсан. Юутай ч Team Falcons багт өнөө цаг үеийн шилдэг мэргэн бууч mONESY, туршлагатай тоглогч болох Teses, арав гаруй жилийн хугацаанд хамгийн сайн IGL гэх тодотголыг авсан Karrigan, өсөж буй залуу од kyousuke, заа тэгээд хайртай тамирчин Niko мөн дасгалжуулагч zonic гэсэн төгс гэж хэлж болохуйц бүрэлдэхүүн бүрдсэн байна.

Энэ оны эхний хагсад зохион байгуулагдсан бараг бүх тэмцээнүүдэд&nbsp;оролцож, оролцсон тэмцээн бүрдээ шилдэг найман багуудын нэгээр шалгарч, ямартай ч тод амжилтыг үзүүлж чадаагүй ч тогтвортой амжилтыг үзүүлж байсан. IEM Cologne Major 2026 тэмцээний аварга болохын өмнө нь тэд IEM Rio 2026 тэмцээний гуравдугаар байр, PGL Astana 2026 тэмцээнд хоёрдугаар байр, CS Asia Championships 2026 тэмцээнд мөн адил хоёрдугаар байранд орж тэмцээнүүдийг өндөрлүүлж байсан байна.

Үүнээс үзэхэд тэд тогтвортой амжилтуудыг сүүлийн хоёр сар гаруй хугацаанд үзүүлж чадаж байсан хэдий ч аварга болж чадахгүй тэмцээнүүдийг дуусгаж байсан. Эцсийн мөчид Team Falcons баг IEM Cologne Major 2026 тэмцээнд оролцож, хасагдах шатад дэлхийн шилдгүүд болох Vitality, Spirit, Furia гэх багуудыг буулган авснаар мажор тэмцээний аварга болсон. Ийнхүү энэ оны хоёрдугаар хагасын эхэнд тэд HLTV оноогоор дэлхийн #1 гэж дуудуулах болж байна.

Шинэ мэдээ

Team Falcons HLTV оноогоор Дэлхийн #1 баг боллоо

Мөнхбаясгалан

Хөлбөмбөгийн ДАШТ-2026-гийн хасагдах шатны тоглолтууд жинхэнt сенсац дүүрэн үргэлжилж байна. Бразил сүүлийн мөчид хожиж, Парагвай дөрвөн удаагийн дэлхийн аварга Германыг тэмцээнээс мулталж, Марокко торгуулийн цохилтоор Нидерландыг буулган авснаар шөвгийн 16-д шалгарлаа.Бразил 2:1 Япон

Өнөөдрийн эхний тоглолтод таван удаагийн дэлхийн аварга Бразилын шигшээ баг Японтой тун хүнд тоглолт хийлээ. Япончууд 29 дэх минутад Кайсю Сано Бразилын хамгаалалтын алдааг ашиглан тооны харьцааг нээж, эхний үеийг 1:0ийн харьцаатайгаар тэргүүлсэн. Харин завсарлагааны дараа Карло Анчелоттигийн баг илүү довтолж, 56 дахь минутад Каземиро мөргөж гоолдсоноор тооны харьцааг тэнцүүлэв. Тоглолтын үндсэн цаг дуусаж, шүүгчийн мэдлийн 90+5 дахь минутад сэлгээгээр талбайд гарсан Габриэл Мартинелли ялалтын гоолыг оруулж, Бразил 2:1-ээр хожиж, шөвгийн 16-д шалгарлаа. Ингэснээр Бразилын шигшээ баг шөвгийн 16-д Норвег болон Кот д'Ивуарын шигшээ багуудын хожсон багтай нь тоглохоор боллоо.Герман (3) 1:1 (4) Парагвай

Дараагийн тоглолт Герман болон Парагвайн тоглолтод Парагвай 42 дахь минутад Хулио Энсисогийн гоолоор тэргүүлж эхэлсэн ч Германы шигшээ багийн довтлогч Кай Хаверц 54 дэх минутад тоог тэнцүүлэв. Үлдсэн хугацаанд аль аль нь дахин гоол оруулж чадалгүй тоглолт торгуулийн цохилтоор шийдэгдэж, Парагвай 4:3-аар ялалт байгуулан дөрвөн удаагийн дэлхийн аваргыг тэмцээнээс хаслаа. Ингэснээр Парагвайн шигшээ баг ДАШТ-ий шөвгийн 16-д Франц болон Шведийн шигшээ багуудын хожсон багтай нь тоглоно.Нидерланд (2) 1:1 (3) Марокко

Хөлбөмбөгийн ДАШТ-ий шигшээ 32-ийн ээлжит тоглолт Нидерланд болон Мароккогийн шигшээ багуудын тоглолт үндсэн цагт 1:1 харьцаатайгаар тэнцэж, нэмэлт үед тоглохоор боллоо. Тоглолтын 72 дахь минутад хоёрхон хоногийн өмнө хүүхдээ алдаж, тоглох эсэх нь эргэлзээтэй байсан Коди Гакпо гоол оруулсан ч үндсэн цаг дуусаж, 90+1 дэх минутад Мароккогийн шигшээ багийн төвийн хамгаалагч Исса Диоп мөргөж гоол оруулж, 1:1 болголоо. Улмаар нэмэлт үед гоол орсонгүй хоёр багийн хувь заяа торгуулийн цохилтоор шийдэгдэж, Мароккогийн шигшээ баг хүчирхэг Нидерландын шигшээ багийн 3:2 харьцаатайгаар хожиж, ДАШТ-ий шөвгийн 16-д шалгарлаа. Ингэснээр ДАШТ-ий шөвгийн 16-д Мароккогийн шигшээ баг Канадын шигшээ багтай тоглохоор боллоо. 📝 Мэдээллийн ивээн тэтгэгч: 🤝 <a href="https://www.facebook.com/profile.php?id=100084363345799" rel="noopener noreferrer" target="_blank" style="color: rgb(9, 13, 27);">ҮҮЭТ ХХК ЭВТ БРЭНД</a> - Эрүүл хүнсийг Эвт брэндээс🤝 <a href="https://www.facebook.com/VngTravelAgency" rel="noopener noreferrer" target="_blank">VNG Travel</a> - Европыг танд илүү ойртуулна.<img src="https://static.xx.fbcdn.net/images/emoji.php/v9/t64/1/16/1f91d.png" alt="🤝" height="16" width="16"> <a href="https://www.facebook.com/SelfyEsim" rel="noopener noreferrer" target="_blank" style="color: rgb(0, 100, 209); background-color: transparent;">Selfy - Олон Улсын Дата Сим</a> - Дурсамж дүүрэн аялалд хамтдаа

ДАШТ-2026: Бразил эцсийн мөчид хожиж, Парагвай сенсац тарьж, Марокко Нидерландыг буулган авлаа

Пүрэвлхагва

Волейболын Үндэсний шигшээ багийн тамирчин Тамираагийн Хангал Тайван улсын “TSG SkyHawks” багт тоглохоор боллоо. Тэрээр өнгөрсөн улирал Тайван улсын Таичун хотыг төлөөлдөг мэргэжлийн волейболын “Taichung Win Streak” багт тоглож байсан бол энэ улирлаас эхлэн шинэ багт тоглохоор болсон байна.

Тэрээр өнгөрсөн улиралд Taichung Win Streak багийн нэр доор улирлын турш 736 оноо авч, лигийн мэргэн буучдын жагсаалтын 6-р байрт орсон бөгөөд шиллэг довтлогчдын нэгээр нэрлэгдэж байлаа. Мөн давуулалтаар 64 оноо авсан нь тус лигийг тэргүүлсэн үзүүлэлт болсон.&nbsp;

Шинэ улиралд TSG SkyHawks багийн удирдлагууд “Бид бүхэн Хангалын үсрэлт, агаарт удаан тогтох чадвар, чухал мөчид найдвартай оноо авах чадварыг өндрөөр үнэлж байгаа. Мөн урд бүсээс, ард бүсээс ялгаагүй довтлох чадвар өндөр тул түүнийг багийн довтолгооны гол цөм болгох болно. Мөн түүний хүчтэй давуулалтууд өрсөлдөгчдөд байнгын дарамт учруулна гэж найдаж байгаа юм.” хэмээн хэлсэн байна.

Харин шинэ багтаа нэгдсэн Тамираагийн Хангалын хувьд "Өмнө нь TSG SkyHawks багийн эсрэг тоглож байхдаа энэ баг ямар их нөөц боломжтой, өрсөлдөх чадвартайг мэдэрч байсан. Багийн тоглогч бүр өөрийн үүргээ маш сайн гүйцэтгэдэг, бүгд ялалтын төлөө тоглодог. Энэ багийн нэг хэсэг болсондоо маш баяртай байна. Аль болох хурдан багтайгаа ойлголцож, өөрийнхөө тоглолтоор багтаа тусалж, хамтдаа өндөр амжилтын төлөө зүтгэнэ." хэмээн хэлжээ.

Волейболын тамирчин Т. Хангал Тайван улсын TSG SkyHawks багт тоглоно

Герман улсын Зуль хотод буудлага спортын залуучуудын дэлхийн аварга шалгаруулах тэмцээн болж, Монгол улсын тамирчид амжилттай өрсөлдөж гурван медальтай эх орондоо ирлээ.

Дэлхийн 50 гаруй улсын 800 гаруй тамирчид оролцсон энэхүү тэмцээнд Монгол улсыг төлөөлж улсаас Гавьяат дасгалжуулагч Л.Ундралбат, олон улсын хэмжээний мастер Ц.Мөнх-Эрдэнэ нарын удирдлагад есөн мэргэн бууч оролцлоо.Тэднээс 50 метрийн сонгомол гар бууны дасгалд спортын мастер А.Ариунзаяа хүрэл медаль хүртлээ. Түүнчлэн энэ дасгалд А.Ариунзаяа, А.Эгшиглэн, П.Нарансолонго нар багийн дүнгээр алтан медаль мөн 25 метрийн стандарт гар бууны эмэгтэйчүүдийн ангилалд П.Нарансолонго, А.Эгшиглэн, Э.Халиун нар багийн нийлбэрээр хүрэл медалийн эзэд болжээ.

Энэ удаагийн тэмцээнд 23 орны мэргэн буучид ямар нэгэн байдлаар медаль хүртсэн бөгөөд Энэтхэгийн мэргэн буучид долоон алт, найман мөнгө, есөн хүрэл медальтайгаар багийн дүнгээр медалийн хүснэгтийг тэргүүлсэн бол ОХУ, Итали удааллаа.&nbsp;

Монгол улсын буудлагын тамирчид ДАШТ-ээс гурван медаль хүртлээ

Монголын хөлбөмбөгийн ирээдүй болсон Дэрэн FC клубийн 11 насны хөвгүүдийн баг Шведийн Питеа хотод зохион байгуулагдаж буй хүүхэд, өсвөр үеийн нэр хүндтэй Piteå Summer Games 2026 олон улсын тэмцээнд хүч сорилоо. Серби мэргэжилтэн Войислав Бралушич, В.Мөнхжаргал дасгалжуулагчтай Ч.Ивээл багийн ахлагчтай Дэрэн FC клубийн 11 насны хөвгүүдийн баг тамирчид Piteå Summer Games 2026 олон улсын тэмцээний аваргаар тодорлоо.

Тус тэмцээний 11 насны ангилалд Швед, Норвеги, Финланд болон Монгол гэсэн дөрвөн орны нийт 61 баг өрсөлдөж, багууд 15 хэсэгт хуваагдсан юм. Дэрэн FC нь 14-р хэсэгт багтаж, Шведийн Svartbjörnsbyns IF, Gammelgårdens IF, Норвегийн Medkila IL багуудтай оноолт тааран тоглож, хэсэгтээ 3 хожиж, 28 гоол оруулж, 4 гоол хаалгандаа алдсан үзүүлэлттэй хэсгээс нэгдүгээр байраар шалгарч, шөвгийн 32-д Шведийн IFK Lulea клубийг 8:2-р хожиж, шөвгийн 16-д Шведийн Skelleftea клубийг 10:1-р хожиж, шөвгийн 8-д Финландын Gamlakarleby Bk Rod клубийг 5:1-р хожиж, хагас шигшээд Финландын Gamlakarleby BK Randing клубийг 5:1-р хожиж, аваргын төлөө Норвегийн Medkila IL клубийг 6:1 харьцаатайгаар хожиж, Piteå Summer Games 2026 олон улсын тэмцээний аварга боллоо.

Жил бүр олон улсын хэдэн мянган хүүхэд, өсвөрийн тамирчдыг нэг дор цуглуулдаг Piteå Summer Games нь Скандинавын бүсийн хамгийн том хүүхдийн хөлбөмбөгийн тэмцээнүүдийн нэг бөгөөд залуу тоглогчдод ур чадвараа хөгжүүлэх, өөр өөр орны багуудтай өрсөлдөх том тайз болдог.Монголын хөлбөмбөгийн шинэ үеийг төлөөлөн энэхүү тэмцээнд оролцож буй Дэрэн FC-ийн бяцхан тамирчдад амжилт хүсье.

Дэрэн FC-ийн 11 хүртэлх насны баг Шведийн Piteå Summer Games тэмцээнд түрүүллээ

FIBA 3x3 Women's Series Ulaanbaatar Stop 2026 буюу FIBA 3x3 Улаанбаатар Эмэгтэй Дэлхийн аваргын цуврал тэмцээн Монгол улсын нийслэл Улаанбаатар хотод зохион байгуулагдаж байна. Энэхүү тэмцээний урьдчилсан шатны тоглолтууд өнөөдөр төв талбай дээр боллоо.&nbsp;

Урьдчилсан шатад Сүхбаатар баг оролцож эхний тоглолтоо Сингапур улсын Лион Сити багийн эсрэг хийсэн. Тоглолтын үр дүн 13:10 гэсэн харьцаатайгаар Сүхбаатар багийн ялалтаар өндөрлөсөн.

Харин хасагдах шатны дараагийн тоглолтоо Филиппин улсын Манила багтай хийж 21:13 гэсэн харьцаатай хожигдож тэмцээнийг энд хүрээд өндөрлүүлж байна.&nbsp;

Маргаашаас эхлэн FIBA 3x3 Улаанбаатар Эмэгтэй Дэлхийн Гран-При тэмцээний хэсгийн шатны тоглолтууд эхлэх бөгөөд нийт 12 баг дөрвөн хэсэгт хуваагдан тоглох болно.

А хэсэгт: Монгол улсын Улаанбаатар Амазонс, Тайланд, Сингапур В хэсэгт: Герман, БНХАУ-ын Яньжин, Монгол улсын Амгалан С хэсэгт: Япон, Франц улсын 25 нас хүртэлх шигшээ баг, ПарагвайD хэсэгт: Монгол улсын баг, БНХАУ-ын шигшээ баг, Филиппин улсын Манила багууд багтсан юм.&nbsp;

3х3 эмэгтэй Сүхбаатар баг урьдчилсан шатны тоглолтоо өнөөдөр хийлээ

ДАШТ-2026 тэмцээний А, В, С хэсгүүдийн сүүлийн тойргийн тоглолтууд урд шөнө болж, шигшээ 32-т шалгарах багууд тодорлоо. Нийт 20 гоол орсон энэхүү үдэш Мексик, Швейцар, Бразил, Марокко, Босни ба Херцеговины шигшээ багууд ялалт байгуулсан бол Өмнөд Африк түүхэн ялалтаа байгуулж, хэсгээс шалгарч чадлаа.Чех 0:3 Мексик

А хэсэгт хоёр тоглолт зэрэг эхэлсэн бөгөөд Мексикийн шигшээ Чехийг 3:0-ээр буулган авч хэсгээ гурван хожилтойгоор өндөрлүүлэв. Эхний үе гоолгүй өнгөрсөн ч 55 дахь минутад Матео Чавес тооны харьцааг нээж, зургаан минутын дараа буюу 61 дэх минутад Хулиан Киньонес хоёр дахь гоолыг оруулж, 2:0 болгов. Чехүүд хариу барих гэж оролдсон ч нэмэлт цагийн дөрөв дэх минутад Альваро Фидальго гоол оруулж, тоглолтын эцсийн цэгийг тавьсан юм. ӨАБНУ 1:0 БНСУ

Нөгөө тоглолтод Өмнөд Африкын шигшээ баг БНСУ-ын шигшээ багийг 1:0-ээр хожсон нь хэсгийн хамгийн чухал үр дүн болов. Удаан хугацаанд тэнцүүхэн өрнөсөн тоглолтын хувь заяаг 63 дахь минутад Кассиус Майсекогийн оруулсан ганц гоол шийдэж, Африкийн төлөөлөл шигшээ 32-ын эрхээ авч чадлаа. Тэдний хувьд шигшээ 32-т тэмцээнийг зохион байгуулагч гурван улсын нэг Канадын шигшээ багтай тоглохоор болсон бол БНСУ-ын шигшээ баг бусад хэсгүүдийн үр дүнгээс хамаарч, шигшээ 32-т шалгарах эсэхээ шийднэ. Швейцар 2:1 Канад

В хэсэгт Швейцар болон Канадын хооронд хэсгээ тэргүүлэх эрхийн төлөөх тулаан өрнөв. Эхний хагас гоолгүй тэнцсэн ч хоёрдугаар хагасын 46 дахь минутад Рубин Варгас гоол оруулж Швейцарчуудыг тэргүүлэлд гаргасан бол 57 дахь минутад Йохан Манзамби тоог 2:0 болгож холдууллаа. Канадын сэлгээнээс талбайд гарсан Промис Дэвид 76 дахь минутад нэг гоолыг оруулсан ч Швейцар ялалтаа хадгалж, хэсгээ тэргүүлэн дуусгав. Ингэснээр B хэсгийг Швейцарын шигшээ баг 7 оноотойгоор тэргүүлж, шигшээ 32-т шалгарч байгаа бол Канадын шигшээ баг хэсгийн 2-р байраар шалгарч, шигшээ 32-т А хэсгийн хоёрдугаар байраар шалгарч буй ӨАБНУ-ын шигшээ багтай тоглохоор боллоо.Босни ба Херцеговин 3:1 Катар

Харин Босни ба Херцеговинийн шигшээ баг Катарыг 3:1-ээр буулган авч ДАШТ-ий шигшээ 32-т гуравдугаар байраар шалгарах болзлоо хангалаа. Тоглолтын 29 дэх минутад Адис Алажбегович тоог нээж, 34 дэх минутад Катараас Аль-Брак өөрийн хаалгандаа гоол оруулснаар тоо 2:0 болсон. Катарын ахлагч Аль Хайдос 42 дахь минутад гоол оруулсан ч 80 дахь минутад Махмич гоолдож тоглолтыг шийдэв. Ингэснээр Босни ба Херцеговинийн шигшээ баг B хэсгийн гуравдугаар байраар ДАШТ-ий шигшээ 32-т шалгарахаар боллоо. Бразил 3:0 Шотланд

С хэсэгт Бразил Шотландыг төвөггүйхэн 3:0-ээр хожлоо. Винисиус Жуниор тоглолтын 7 дахь минутад эхний гоолыг оруулж, эхний үеийн нэмэлт цагийн 45+3 дахь минутад дахин гоол оруулж, дубль хийв. Харин 60 дахь минутад Матеус Кунья гурав дахь гоолыг оруулснаар эцсийн цэгийг тавьж, Бразилын шигшээ баг ДАШТ-ий С хэсгийг тэргүүлж, ДАШТ-ий шигшээ 32-т шалгархаар боллоо.Марокко 4:2 Хаити

Марокко болон Хаитигийн тоглолт хамгийн олон гоолтой нь байлаа. Гайти 10 дахь минутад Ленни Жозефийн цохисон бөмбөгийг Яссин Буну өөрийн хаалганд гоол оруулж, тэргүүлж эхэлсэн ч 39 дэх минутад Ашраф Хакими тэнцүүлэв. Удалгүй Хаитигийн Вильсон Исидор 43 дахь минутад гоол оруулсан ч Исмаэль Сайбари 45+1 дэх минутад гоол оруулж, эхний хагас тэнцүү өндөрлөв. Хоёрдугаар үед Марокко илүүрхэж, 78 дахь минутад Суфиан Рахими, 89 дэх минутад Яссин нар гоолдсоноор 4:2-ын харьцаатайгаар ялалт байгуулж, хэсгээс хоёрдугаар байраар шигшээ 32-т шалгарлаа.&nbsp; 📝 Мэдээллийн ивээн тэтгэгч: 🤝 <a href="https://www.facebook.com/profile.php?id=100084363345799" rel="noopener noreferrer" target="_blank" style="color: rgb(9, 13, 27);">ҮҮЭТ ХХК ЭВТ БРЭНД</a> - Эрүүл хүнсийг Эвт брэндээс🤝 <a href="https://www.facebook.com/VngTravelAgency" rel="noopener noreferrer" target="_blank">VNG Travel</a> - Европыг танд илүү ойртуулна.

ДАШТ-2026: Мексик хэсгээ төгс тэргүүлж, Бразил, Марокко шигшээ 32-т шалгарлаа

Олон улсын жүдо бөхийн холбооноос зохион байгуулж буй гранпри ангиллын тэмцээний хоёр дахь цуврал тэмцээн Хятадын Чиндаод энэ сарын 26-нд эхэлнэ.

Гурван өдөр зохион байгуулах тус тэмцээнд 58 орны 521 жүдо барилдахаар мэдүүлэг өгчээ. Казахстаны Елдос Сметов, Японы Хифүми Абэ, Оросын Тамирлан Башаев, Азербайжаны Хидайт Хяадаров тэргүүтэй шилдгүүд зодоглоно. Тэгвэл манай улсаас ахлах дасгалжуулагч У.Эрдэнэбаатар, дасгалжуулагч П.Нямлхагва нарын удирдлагад 20 тамирчин оролцох юм.

Эрэгтэйчүүдийн 60 кг-д Б.Сүхбат, Т.Түмэнжаргал, 66 кг-д Ё.Басхүү, Т.Төрболд, 73 кг-д О.Уранбаяр, А.Өсөхжаргал, 81 кг-д О.Шинэбаяр, Ж.Энхтөр, -100 кг-д Б.Хүдэрчулуун, Ц.Ган-Эрдэнэ, +100 кг-д&nbsp;&nbsp;Ө.Пэрэнлэйжамц нар зодоглох бол

эмэгтэйчүүдийн 48 кг-д Г.Наранцэцэг, Г.Бямбасүрэн, 52 кг-д Б.Уранзаяа, 57 кг-д Л.Сосорбарам, О.Оюунчимэг, 70 кг-д У.Анужин, -78 кг-д А.Дуламсүрэн, О.Хүслэн, +78 кг-д Э.Энхзул нар барилдана.

Ташрамд дурдахад, өнгөрсөн жилийн Чиндаогийн гранприд Ё.Басхүү, Б.Гончигсүрэн нар алт, Л.Энхрийлэн мөнгө, Б.Сүхбат, Г.Наранцэцэг, Л.Сосорбарам нар хүрэл медаль хүртсэнээр багийн дүнгээр хоёрдугаар байрт шалгарч байсан юм.&nbsp;

Олон улсын жүдо бөхийн холбооноос зохион байгуулж буй Чиндао гранпри маргааш эхэлнэ

<h2><a href="https://www.nba.com/draft/2026/prospects/yaxel-lendeborg" rel="noopener noreferrer" target="_blank" style="color: rgb(2, 104, 214); background-color: transparent;">11. Golden State Warriors: Yaxel Lendeborg, Michigan</a></h2>Яксел Лендеборг бол энэ удаагийн драфтын ангид хамгаалалтаараа бусдаас онцгойрсон тамирчин юм. Голден Стэйт Уорриорс баг магадгүй ирээдүйн супер од тоглогч биш харин багийн цөм болсон Дрэймонд Грин шиг хамгаалалт, самбараас бөмбөг авах, багийн төлөө хар ажилд тэмцдэг тоглогч авсан байна. Гол асуудал нь Яксел Лендеборг оноо авах тал дээр асуудал болж магадгүй. Өөрөө бөмбөг эзэмшиж, өөртөө чөлөөтэй довтлох зай гаргаж чаддаггүй нь магадгүй сул тал нь байж болно. Гэхдээ энэ орон зайг багийн супер одууд хангалттай нөхөж чадах юм.&nbsp;

<h2><a href="https://www.nba.com/draft/2026/prospects/aday-mara" rel="noopener noreferrer" target="_blank" style="color: rgb(2, 104, 214); background-color: transparent;">12. Oklahoma City Thunder: Aday Mara, Michigan</a></h2>Энэ тоглогч нь 2 метр 21 см өндөртэй, төвийн байрлал дээр тоглох тоглогч юм. Гэхдээ энэ тоглогч дан ганц төвийн байрлал биш дамжуулалт өгөх чадвар болон оноо авалт, талбай дээр бусдыгаа харах, тоглолт унших чадвар гээд бүх талаар ухаалаг төвийн тоглогч юм. Энэ тамирчин нь дэлхийн шилдэг тоглогч Никола Йокич шиг болох бүрэн бололцоотой гэж үзэж байгаа юм. Магадгүй Адай Марагын сул тал нь түүний хөлийн хөдөлгөөн, удаан байдал нь байж магадгүй байх.

<h2><a href="https://www.nba.com/draft/2026/prospects/nate-ament" rel="noopener noreferrer" target="_blank" style="color: rgb(2, 104, 214); background-color: transparent;">13. Milwaukee Bucks (via Miami Heat): Nate Ament, Tennessee</a></h2>Майами энэ удаа довтолгооны олон талт чадвартай тоглогчийг бүрэлдэхүүндээ нэгтгэлээ. Эймент нь талбай дээр олон байрлалд тоглох боломжтой бөгөөд оноо авах чадвар сайн хэмээн үнэлэгдсэн юм. Мөн багийн Нэйт Эймент нь багийн довтолгоог олон сонголттой болгож, цаг тулсан үед найдвартай довтолгоог төгсгөх тамирчин хэмээн аналистууд дүгнэж байна.

<h2><a href="https://www.nba.com/draft/2026/prospects/hannes-steinbach" rel="noopener noreferrer" target="_blank" style="color: rgb(2, 104, 214); background-color: transparent;">14. Charlotte Hornets: Hannes Steinbach, Washington</a></h2>Шарлотт Хорнетс баг энэ сонголтоор хүчирхэг төвийн тоглогчийг сонголоо. Стейнбах нь самбарын тоглолт болон будагтай талбайн хамгаалалтаараа онцгойрч, биеийн хүч шаардсан тоглолтод давуу талтай. Түүний тоглолтын хэв маяг нь NBA-ийн уламжлалт төвийн тоглогчдын хэв шинжтэй ойролцоо. Ирээдүйд энэ лигийг эзэрхийлсэн шилдэг төвийн тоглогч болох бүрэн бололцоотой тоглогч юм.

<h2><a href="https://www.nba.com/draft/2026/prospects/dailyn-swain" rel="noopener noreferrer" target="_blank" style="background-color: transparent; color: rgb(2, 104, 214);">15. Chicago Bulls: Dailyn Swain, Texas</a></h2>Чикаго Буллс баг хамгаалалт болон довтолгооны шилжилтийг сайжруулах зорилгоор олон талт тоглогч Дэйлин Свэйнийг өөрсдийн болголоо. Энэ тамирчин нь хурд болон хамгаалалт, оноо авалт, хар ажил гээд олон талт тоглолтыг үзүүлж чаддагаар бусдаас онцлогтой юм. Тэрээр багийн эрчим, хөдөлгөөнийг нэмэгдүүлэх тоглогч гэж тооцогдож байна.

<h2><a href="https://www.nba.com/draft/2026/prospects/bennett-stirtz" rel="noopener noreferrer" target="_blank" style="background-color: transparent; color: rgb(2, 104, 214);">16. Oklahoma City Thunder (via Grizzlies): Bennett Stirtz, Iowa</a></h2>Мемфис энэ удаа бөмбөг удирдах чадвар сайтай, тоглолтын хэмнэлийг удирдаж чаддаг хамгаалагч Беннетт Стирцыг сонголоо. Стирц нь ухаалаг шийдвэр гаргалттай, багийн довтолгоог зөв чиглүүлдэг тоглогч бөгөөд тоглолтын зохион байгуулалтад гол үүрэг гүйцэтгэх боломжтой. Мөн залуу бүрэлдэхүүнтэй, довтолгоод суурилсан Мемфис Гриззлис багийн хувьд төгс зохицох тоглогч юм.

<h2><a href="https://www.nba.com/draft/2026/prospects/ebuka-okorie" rel="noopener noreferrer" target="_blank" style="color: rgb(2, 104, 214); background-color: transparent;">17. Detroit Pistons (via Grizzlies, Thunder): Ebuka Okorie, Stanford</a></h2>Оклахома Сити Тандер баг энэ драфтаар хамгаалалтын эрч хүчтэй тоглогчийг бүрэлдэхүүндээ авлаа. Окорие нь олон байрлалд хамгаалах чадвартай, тэсрэлттэй тоглолт үзүүлдэг. Түүний гол давуу тал нь бөмбөг таслалт болон хамгаалалтын юм. Оклахома Сити Тандер нь лигийн шилдэг хамгаалалттай баг үүн дээр нэмэгдээд хамгаалалт суурьтай залуу тоглогч нэмэгдэж байгаа нь бусад багуудаас давуу тал болж байгаа юм.

<h2><a href="https://www.nba.com/draft/2026/prospects/christian-anderson" rel="noopener noreferrer" target="_blank" style="color: rgb(2, 104, 214); background-color: transparent;">18. Charlotte Hornets: Christian Anderson, Texas Tech</a></h2>Шарлотт Хорнетс энэ удаа шидэлт болон довтолгооны ур чадвартай хамгаалагчийг сонголоо. Кристиан Андерсон нь хөдөлгөөнтэй, бөмбөггүй тоглолт сайн, талбайн мэдрэмж өндөртэй тоглогч юм. Мөн энэ тоглогч Шарлотт Хорнетс багт довтолгооны системд хурд, уян хатан байдал нэмнэ аналистууд дүгнэж байна.

<h2><a href="https://www.nba.com/draft/2026/prospects/allen-graves" rel="noopener noreferrer" target="_blank" style="color: rgb(2, 104, 214); background-color: transparent;">19. Toronto Raptors: Allen Graves, Santa Clara</a></h2>Беннетт Стертц нь хувийн сахилга бат болон талбай дээр өөрийгөө ямар хүн бэ гэдгийг хамгийн сайн харуулж буй залуу тоглогч юм. Тэрээр энэ удаагийн драфтын сонголтод өөрийн хамгаалалт, бөмбөг эзэмшилт, шийдвэр гаргалт, дамжуулалтаараа үнэлэгдэж энэ лигт орж ирлээ. Беннетт Стертц нь Торонто Рэпторс багт багийн довтолгоог удирдах үндсэн үүрэг гүйцэтгэх боломжтой тоглогч юм.

<h2><a href="https://www.nba.com/draft/2026/prospects/jayden-quaintance" rel="noopener noreferrer" target="_blank" style="color: rgb(2, 104, 214); background-color: transparent;">20. San Antonio Spurs: Jayden Quaintance, Kentucky</a></h2>Дэйлин Свэйн нь олон талт тоглолт үзүүлдэгээр онцлогтой тоглогч юм. Үүгээрээ ч тэр Сан Антонио Спөрс багт сонгогдож орж ирлээ. Свэйн нь хамгаалалт болон довтолгооны аль алинд үр ашигтай, системтэй тоглолтод сайн нийцдэг тоглогч юм. Түүний тоглолтын ухаан болон багийн тоглолтод дасан зохицох чадвар нь гол давуу тал болох болно.

Танилц: "NBA Драфт 2026" эхний тойргийн 11-20 дахь сонголт

Сагсан бөмбөг сонирхогчид тэр дундаа NBA сонирхогчдын бас нэгэн хүсэн хүлээдэг драфтын үйл ажиллагаа өнөөдөр эхэллээ. Ирээдүйн шилдэг одууд төрөн гардаг энэхүү арга хэмжээнд хүсэл мөрөөдөлдөө хөтлөгдсөн олон залуус оролцож байна. Мөн энэ жилийн арга хэмжээ нь NBA драфтын 80 жилийн ой тохиож буйгаараа онцлогтой. Ингээд та бүхэндээ драфтын эхний 1-10 дахь сонголтоор ямар тоглогч, аль багт сонгогдсон гэдгийг дэлгэрэнгүй хүргэж байна. <h2><a href="https://www.nba.com/draft/2026/prospects/aj-dybantsa" rel="noopener noreferrer" target="_blank" style="background-color: transparent; color: rgb(2, 104, 214);">1. Washington Wizards: AJ Dybantsa, BYU</a></h2>

2.06м өндөртэй тэрбээр орчин үеийн NBA-д зорицох авьяаслаг оноо авагч, бөмбөг эзэмшигч юм. Олон аналистууд Жэйлен Брауныг санагдуулам хэмээн үнэлсэн. Тэрбээр Уизардс багт гайхалтай тоглож, тэдэнд хамгаалалт, довтолгоонд томоохон тус хүргэх нь мэдээж. Трэй Янг, Билал Кулибали, Эй Жэй Дибанца, Алекс Сарр, Энтони Дэвис нар, ялангуяа Тре Жонсон, Уилл Райли, Кишоун Жорж нартай гайхалтай зохицоно гэж үзэж байна. <h2><a href="https://www.nba.com/draft/2026/prospects/darryn-peterson" rel="noopener noreferrer" target="_blank" style="color: rgb(2, 104, 214); background-color: transparent;">2. Utah Jazz: Darryn Peterson, Kansas</a></h2>

Энэ драфтын хамгийн тэсрэлттэй залуучуудын нэг тэрбээр бөмбөгтэй тоглохын хажуугаар хамгаалалтад онцгой гэнэ. Ирж буй улиралд Жазз багийг плей-офф руу буцаан оруулахад тусалж, туршлагатай тоглогч Лаури Маркканен, Жарен Жексон Жуниор, мөн Кейонте Жорж нарыг сайн нөхөж чадна гэнэ. Мөн Дэнни Эйнж хамгаалалтын талбайд хоёр комбо хамгаалагчийг хослуулах тал дээр мэргэжилтэн бөгөөд Петерсоныг яг түүндээ зориулан ашиглах байх. "Энэ драфтын хамгийн авьяаслаг ирээдүйтэй тоглогч болон уян хатан, жигд оноо авагч. Түүний атлетик чадварыг хүмүүс ярьж байгаач үнэхээр сайн оноо авч чадна." хэмээн аналистууд дүгнэж байна. <h2><a href="https://www.nba.com/draft/2026/prospects/cameron-boozer" rel="noopener noreferrer" target="_blank" style="color: rgb(2, 104, 214); background-color: transparent;">3. Memphis Grizzlies: Cameron Boozer, Duke</a></h2>

Камерон Бүүзер бол шинэ тоглогчийн хувьд маш сайн, жигд оноо авах чадвартай, тоглолтын мэдрэмжтэй, биеийн ​​​​хүч өндөртэй. Тэрээр дундын зайнаас 55.6%, 3 онооны зайнаас 39.1% амжилттай дунджилж буй нь оноо авах чадвар өндөртэйг харуулсан. Бүүзер нь Гриззлис багийг өрсөлдөөнд эргэж нэгдэхэд нь туслах ба олон боломжийг олгож, сагсан бөмбөгийн IQ болон багийн олон талт байдалд нэмэр болно гэж үзэж байна. "Драфтын хамгийн шилдэг цэвэр сагсан бөмбөгчин" гэж Жэй Билас хэлэв. Мөн та бүхний мэдэх түүний аав Карлос Бүүзер нь хоёр удаагийн Бүх одод байсныг санах хэрэгтэй. <h2><a href="https://www.nba.com/draft/2026/prospects/caleb-wilson" rel="noopener noreferrer" target="_blank" style="color: rgb(2, 104, 214); background-color: transparent;">4. Chicago Bulls: Caleb Wilson, North Carolina</a></h2>

Уилсон бол 208 см өндөртэй, өөртөө томоохон зай гаргах, тэсрэх чадвартай тамирчин бөгөөд Кевин Гарнеттийг санагдуулам хэмээн дүгнэж байна. Тэрбээр Жош Гиддитэй хамртан төгсгөл хийх үүргийг сайн гүйцэтгэж, хамгаалалтын хувьд Матас Бузелистэй хамт талбайн томоохон хэсгийг эзлэх ёстой. Түүний цоглог зан чанар мөн бусдад хэдийнээ үнэлэгдээд эхэлсэн ба энэ залуу Буллст маш сайхан энерги авчирна гэж найдаж байна.<h2><a href="https://www.nba.com/draft/2026/prospects/keaton-wagler" rel="noopener noreferrer" target="_blank" style="color: rgb(2, 104, 214); background-color: transparent;">5. LA Clippers: Keaton Wagler, Illinois</a></h2>

Ваглер бол найдвартай тоглолтын зохион байгуулагч мөн авьяаслаг шидэгч. Алсын зайнаас нэг тоглолтод 5.9 удаа унагахдаа 39.7%-ийг амжилттай гэхээр үнэхээр өндөр үзүүлэлт.Тэрбээр өөрийн гэсэн хурд, хэмнэлтэй бөгөөд 6'6″ өндөртэй. Энэ нь Тайрис Халибуртон эсвэл Грейвис Васкесийг санагдуулдам. Мөн Хамгаалагчийн аль ч байрлалд тоглож чадна. Дариус Гарландтай хамт довтлохдоо аюултай хослол болж болно.<h2><a href="https://www.nba.com/draft/2026/prospects/mikel-brown" rel="noopener noreferrer" target="_blank" style="color: rgb(2, 104, 214); background-color: transparent;">6. Brooklyn Nets: Mikel Brown Jr., Louisville</a></h2>

Төрөлхийн оноо авагч Браун Жуниор довтлохдоо Нетс багт бас нэгэн гол анхаарлыг хандуулах ёстой. Тэрбээр NC State багийн эсрэг 45 оноо авч, нэгдүгээр курсын оюутныхаа ACC онооны дээд амжилтыг эзэмшдэг бөгөөд энэ нь мөн Кардиналсын сургуулийн дээд амжилт болох Вес Анселдийн амжилтыг давтсан юм. Тэр бие хаа сайтай, харьцангуй туранхай ч өсөж хөгжих бүрэн боломжтой юм. <h2><a href="https://www.nba.com/draft/2026/prospects/darius-acuff" rel="noopener noreferrer" target="_blank" style="background-color: transparent; color: rgb(2, 104, 214);">7. Sacramento Kings: Darius Acuff Jr., Arkansas</a></h2>

Жон Калипаригийн дараагийн холбогч Акуфф Жуниор нь коллежийн сагсан бөмбөгийн шилдэг холбогчоор Боб Кузигийн шагнал хүртсэн. Тэрээр тоглолтын бүх талд довтолж чадна. 23.5 оноо, 6.4 оноог алсын зайнаас дунджлахдаа 44%-тай шиджээ. Сакраменто одоо залуу чадварлаг тоглогчтой болж, Домантас Сабонистой хамт дахин нэг динамик хосыг бий болгож байна.<h2><a href="https://www.nba.com/draft/2026/prospects/kingston-flemings" rel="noopener noreferrer" target="_blank" style="color: rgb(2, 104, 214); background-color: transparent;">8. Atlanta Hawks: Kingston Flemings, Houston</a></h2>

Флемингс үнэхээр хурдан бөгөөд Хокс багийн хурдтай шилжилтийн довтолгоонд бүр ч илүү зохицох болно. Тэрээр маш сайн талбай дээр жанжин байх чадвартай бөгөөд Жален Жонсоныг нөхөж, тэдэнд хүчтэй, хурдан довтолгоог бий болгох боломжтой. Флемингс мөн 3 онооны шидэлтийнхээ 38.1%-ийг амжилттай болгосон. Хэрэв тэр үүнийгээ ахиулж чадвал түүнд од болох боломж бий.<h2><a href="https://www.nba.com/draft/2026/prospects/morez-johnson-jr" rel="noopener noreferrer" target="_blank" style="color: rgb(2, 104, 214); background-color: transparent;">9. Dallas Mavericks: Morez Johnson Jr., Michigan</a></h2>

Хүчирхэг, тамирчин том довтлогч Маверикс багийн урд талбайд тэсвэр хатуужил нэмж, Дерек Лайвлитай хослон бие бялдрын томоохон хослол болж байна. Тэрээр хангалттай өндөр бөгөөд хурдтай, хөдөлгөөнтэй, эрч хүчтэй тоглодог. Энэ нь Күүпер Флаггт довтлох орон зай үүсгэхэд томоохон тус болох болно. <h2><a href="https://www.nba.com/draft/2026/prospects/brayden-burries" rel="noopener noreferrer" target="_blank" style="background-color: transparent; color: rgb(2, 104, 214);">10. Milwaukee Bucks: Brayden Burries, Arizona</a></h2>

Буррис 193 см өндөртэй, мөн талбайн хоёр үзүүрт ур чадвар сайтай гэдгээрээ энэ драфтын онцлох тоглогчийн нэг болж байна. Мөн Аризона мужид 16.1 оноо, 1.5 бөмбөг таслалт дунджилсан бөгөөд шинэ төрхтэй Бакс багт Тайлер Херрогийн хамт урд шугмын тэнцвэрийг хадгалж байна.

Танилц: "NBA Драфт 2026" эхний тойргийн 1-10 дахь сонголт

Өсөхбаяр

2026 оны хөлбөмбөгийн ДАШТ-ий хэсгийн шатны ээлжит тоглолтууд өндөрлөж, Франц, Норвеги, Аргентин шигшээ багууд ээлжит хожлоо байгууллаа. Өнгөрсөн шөнө нийт дөрвөн тоглолт болсон ч гол анхаарал Аргентины ахлагч Лионель Месси, Францын супер од Килиан Мбаппе, Норвегийн гоолын машин Эрлинг Холанд нарт төвлөрч байна.Аргентин 2:0 Австри

Аргентины шигшээ баг Австрийг 2:0-ээр буулган авч, Месси дахин түүхийн хуудсанд нэрээ мөнхөллөө. Тэрээр тоглолтын 38 дахь минутад Факундо Мединагийн дамжуулалтыг гоол болгож багтаа тэргүүлийг авчирсан бол үндсэн цаг дуусаж, шүүгчийн мэдлийн нэмэлт цагт дахин нэг гоол оруулж, багийнхаа ялалтыг баталгаажуулсан юм. Ингэснээр Месси ДАШТ-ий түүхэн дэх хамгийн олон буюу 18 дахь гоолоо оруулж, өмнөх дээд амжилтыг эзэмшиж байсан Мирослав Клозег ардаа орхив. Аргентин хоёр тоглолтын дараах байдлаар хоёр хожилтой хэсгээ 6 оноотой тэргүүлж байна. Франц 3:0 Ирак

ДАШТ-ий “I” хэсгийн хоёрдугаар тойргийн эхний тоглолт Франц болон Иракийн шигшээ багуудын тоглолт болж, цаг агаарын таагүй нөхцөлөөс шалтгаалан хэсэг хугацаанд саатсан ч Франц 3:0-ийн харьцаатай ялалт байгууллаа. Францын довтлогч Килиан Мбаппе 14 дэх минутад тооны харьцааг нээж, улмаар хоёрдугаар үед дахин нэг гоол оруулж, энэ удаагийн ДАШТ-ий дөрөв дэх гоолоо бүртгүүлэв. Мөн ДАШТ-ий бүх цаг үеийн мэргэн буучдын жагсаалтын 2-р байрт Мирослав Клозегийн хамтаар 16 гоолтой бичигдэх болов. Францын гурав дахь гоолыг багийн хамтрагч Усман Дембеле оруулснаар Францын шигшээ баг хоёр дахь ялалтаа байгууллаа. Мөн энэхүү тоглолтод Майкл Олисе хоёр гоолын дамжуулалт бүртгүүлж, ДАШТ-ий 3 дахь гоолын дамжуулалтаа бүртгүүллээ.Норвег 3:2 Сенегал

Өнөөдрийн хамгийн өрсөлдөөнтэй тоглолт Нью-Йорк хотод болсон Норвег болон Сенегалын тоглолт байв. Норвегийн шигшээ баг 3:2-оор ялалт байгуулж, тоглолтын гол баатар нь мэдээж Эрлинг Холанд тодорлоо. Тэрбээр хоёр гоол оруулж, ДАШТ-ий нийт гоолын тоогоо дөрөв болгосон бол Маркус Педерсен нэг гоол орууллаа. Сенегалын шигшээ багаас Исмайла Сарр дубль хийсэн ч хангалтгүй байлаа. Энэхүү ялалтаар Норвеги зургаан оноотой болж, Францын шигшээ багийн хамтаар хэсгээ тэргүүлж байна.Йордан 1:2 Алжир

Өнөөдрийн сүүлчийн тоглолтод Йордан болон Алжирын шигшээ багууд учраа таарч, Алжирын шигшээ баг 1:2-ийн харьцаатайгаар гайхалтай эргэн ирэлт хийж, хожил байгууллаа. Тоглолтын эхний үеийн 36 дахь минутад Йорданы шигшээ багаас Низар Аль-Рашдан гоол оруулсан ч хоёрдугаар үеийн 69 дэх минутад Алжирын шигшээ багаас Надир Бенбуали гоол оруулж, 1:1 болгов. Улмаар тоглолтын 82 дахь минутад Амин Гуири гоол оруулж, үндсэн цагт 1:2 харьцаатайгаар Алжирын шигшээ баг тун чухал хожил байгуулж чадлаа.Эдгээр багуудын хэсгийн сүүлийн тоглолтууд (Монголын цагаар):06-р сарын 27-нд03:00 цагаас — Франц vs Норвег03:00 цагаас — Сенегал vs ИракЭдгээр багуудын хэсгийн сүүлийн тоглолтууд (Монголын цагаар):06-р сарын 28-нд10:00 цагаас — Алжир vs Австри10:00 цагаас — Йордан vs АргентинМэдээллийн ивээн тэтгэгч: <a href="https://www.facebook.com/profile.php?id=100084363345799" rel="noopener noreferrer" target="_blank" style="color: rgb(9, 13, 27);">ҮҮЭТ ХХК ЭВТ БРЭНД</a>

ДАШТ-2026: Месси түүх бүтээж, Мбаппе, Холанд нар дубль хийж, багаа ялалтад хөтөллөө

Мэргэжлийн сагсан бөмбөгийн замналдаа хоёр удаагийн улирлын үнэ цэнтэй тоглогч, 10 удаагын бүх одод, 2021 оны НБА-ын аварга, финалын үнэ цэнтэй тоглогч Яннис Антетокунмпо Майами Хит баг руу солигдлоо. ESPN эх сурвалжууд мэдээлэхдээ “Milwaukee Bucks баг Giannis Antetokounmpo болон Bobby Portis нарыг Miami Heat баг руу явуулж, хариуд нь Tyler Herro, Kel'el Ware, Jaime Jaquez Jr, Kasparas Jakucionis, нэгдүгээр тойргийн гурван эрх (үүнд №13 сонголт багтана), 1 сонголт солих эрх (pick swap), мөн хоёрдугаар тойргийн нэг эрх авахаар тохиролцсон” хэмээн мэдээлжээ.

Энэ наймаанд өөр багууд оролцоогүй бөгөөд зөвхөн хоёр багийн хооронд хийгдэхээр төлөвлөгдсөн байна. Гэсэн хэдий ч талууд энэ наймааг 7-р сарын 6-нд албан ёсоор хэрэгжүүлэх тул энэ хугацаанд наймааг өргөжүүлэх боломж нээлттэй хэвээр байна. Өнгөрсөн жил Phoenix Suns болон Houston Rockets багуудын тохиролцоо эцэстээ гэхэд NBA-ийн түүхэн долоон багийн наймаа болж өргөжиж байсан. Майамигийн ерөнхийлөгч Pat Riley ийнхүү олон жил хүлээгдсэн томоохон од тоглогчоо авч чадлаа. өмнө нь Майамид ирж байсан LeBron James, Shaquille O'Neal, Chris Bosh, Alonzo Mourning, Jimmy Butler зэрэг супер одуудын эгнээнд Яннис Антетокунмпо нэгдлээ.

Харин Бакс багийн ерөнхий менежер Jon Horst Майамигийн саналаас туршлагатай, залуу тоглогчид болон ирээдүйн үнэ цэнтэй драфтын эрхүүд багтаасан томоохон багц авч чаджээ. Сүүлийн хэдэн долоо хоногт Милуоки Бакс багтай Майами Хит болон Бостон Селтикс гэх хоёр баг холбогдож байсан бөгөөд хоёр баг хоёул Яннис Антетокунмпог авах талаар хэлэлцэж байсан юм. Бостон Селтикс багийн тавьсан санал нь 2024 оны Финалын MVP Jaylen Brown болон хоёр нэгдүгээр тойргийн сонголт багтсан гэж эх сурвалжууд мэдээлсэн.

Харин Милуоки Бакс баг урт хугацааны уян хатан байдал, залуу бүрэлдэхүүн болон ирээдүйн өрсөлдөх чадварыг илүүд үзэн Майамигийн саналыг сонгосон байна. Ингэснээр шинэ дасгалжуулагч Taylor Jenkins Бакс багийн дараагийн үеийг бүтээх боломжтой болж байгаа юм.

Яннис Антетокунмпо Майами Хит нэгдлээ

Цахим спортын том төрөл Counter Strike 2 тоглоомын 2026 оны эхний улирал IEM Cologne Major 2026 тэмцээнээр өндөрлөсөн. Өнгөрсөн жилийн сүүлээр энэ тоглоомд нэг багийн хэд давуу байдлаар өндөрлөөд байсан бол энэ жилийн эхэнд бүх баг хүчтэй өрсөлдөгчид, бүх баг аварга болж болно гэдгийг харуулаад байгаа билээ.

Ингэснээр нэг сарын хугацаанд энэ төрлийн спорт амралт авж байгаа юм. Бүх баг, бүх тамирчид амралтын байдалтай байгаа юм. Харин шинэ улиралд Монгол улсын төлөөлөл The MongolZ баг BLAST Bounty 2026 Season 2 тэмцээнээр шинэ улирлаа эхлүүлнэ.

Долоодугаар сарын 21-26-ний хооронд онлайн хэлбэрээр зохиогдож, наймдугаар сарын 2-ноос тайзны тоглолт руу шилжинэ. Энэ онд хоёр дахь удаагаа зохион байгуулагдах BLAST Bounty 2026 Season 2 тэмцээнд нийт 32 баг оролцож байгаагаас Монгол улсын The MongolZ баг урилгаар оролцож байна.&nbsp;

Энэ оны эхэнд болсон BLAST Bounty 2026 Season 1 тэмцээнд Бразил улсын төлөөл FURIA баг түрүүлж байсан бол The MongolZ баг тус тэмцээнийг өнжиж байсан юм. Энэ тэмцээний нийт хоёр шаттай явагдах бөгөөд онлайнаар өрсөлдөнө. 32 баг шууд Single Elimination буюу нэг хожигдвол тэмцээнийг өндөрлүүлэх зарчмаар явагдах болно. Мэдээж энэ шатуудаас шалгарч чадсан найман баг хасагдах шат тайзны тоглолт руу шилжих болно.&nbsp;

BLAST Bounty тэмцээн нь бусад тэмцээнүүдээс онцлогтой байдаг зүйл нь Bounty систем юм. Энэ нь тэмцээний нийт шагналын санг баг тус бүрд хувааж хоорондоо тоглолт хийдэг. Энэхүү тэмцээний нийт шагналын сан нь $1.15 сая ам.доллар юм. Тус тоглолтод ялалт байгуулсан баг нь өөрсдийн мөнгөн дүн дээр нэмээд ялсан багийнхаа 50-н хувийг өөрсөд дээрээ нэмээд дараагийн шат руу шалгарна. Харин хожигдсон баг нь хувааж өгсөн шагналын мөнгөний талыг нь аваад тэмцээнээ өндөрлүүлэх зарчмаар явагдана. Энэ систем нь тэмцээн зохион байгуулагчид болох BLAST-ийн гол онцлог юм.&nbsp;

The MongolZ багийн шинэ улирлын эхний тэмцээн BLAST Bounty 2026 Season 2

Хөлбөмбөгийн ДАШТ-2026 тэмцээний хэсгийн шатны ээлжит тоглолтууд өндөрлөж, Испани болог Египетийн шигшээ багууд чухал ялалт байгуулсан бол Кабо Верде дахин нэгэн сенсац дэгдээж Уругвайгаас оноо салгалаа.Испани 4:0 Саудын Араб

H хэсгийн хүрээнд Испанийн шигшээ баг Саудын Арабыг 4:0-ээр илүүрхэн буулган авлаа. Тоглолтын 10 дахь минутад залуу од Ламин Ямаль ДАШТ дэх анхны гоолоо оруулж тооны харьцааг нээсэн бол Микель Оярсабаль 21 болон 24 дэх минутуудад дараалан гоол оруулж, ердөө 14 минутын дотор тоглолтын хувь заяаг үндсэндээ шийдсэн юм. Хоёрдугаар үе эхлээд удаагүй байхад буюу 49 дэх минутад Саудын Арабын хамгаалагч Хассан Аль-Тамбакти өөрийн хаалгандаа гоол оруулснаар Испанийн шигшээ баг 4:0 харьцаатайгаар итгэл төгс ялалт байгууллаа. Эхний тойрогт Кабо Вердетэй гоолгүй тэнцсэн Испаничууд ийнхүү дөрвөн оноотой болж хэсгээ тэргүүлж эхэллээ.Бельги 0:0 Иран

G хэсгийн хоёрдугаар тойргийн эхний тоглолт болох Бельги, Ираны тулаан харин гоолгүй өндөрлөсөн юм. Хоёр багийн хамгаалалт сайн ажиллаж, Бельгийн шигшээ баг хэд хэдэн аюултай боломж үүсгэсэн ч гоол орсонгүй. Бельгийн хамгаалагч Натан Нгой 66 дахь минутад улаан хуудас авч талбайг орхисон нь тоглолтын хамгийн онцлох мөч байлаа. Гэсэн ч Иран илүү тоглогчтой болсон давуу талаа ашиглаж чадалгүй, багууд тус бүр нэг оноо хуваан авлаа.Уругвай 2:2 Кабо Верде

H хэсгийн хоёрдугаар тойргийн хоёр дахь тоглолт Уругвайн шигшээ баг болон Кабо Вердегийн шигшээ багуудын хооронд явагдаж, 2:2 харьцаатайгаар тэнцлээ. Тоглолтын 21 дэх минутад Кевин Пина 30 гаруй метрийн зайнаас гайхалтай чөлөөт цохилт гүйцэтгэн Кабо Вердегийн ДАШТ-ий түүхэн дэх анхны гоолоор тэргүүлж эхлэв. Уругвайчууд эхний үеийн төгсгөлд эргэн ирж, 44 дэх минутад Макси Араухо тэнцээний гоол оруулсан бол эхний үеийн нэмэлт цагийн зургаа дахь минутад Агустин Каноббио гоол оруулж, Өмнөд Америкийн баг 2:1-ээр эхний хагаст тэргүүлэв. Гэвч Кабо Верде бууж өгсөнгүй. 61 дэх минутад сэлгээнээс орж ирсэн Хелио Варела Уругвайн хаалгачийн алдааг ашиглан тооны харьцааг дахин тэнцүүлж, багтаа үнэтэй нэг оноо авчирсан юм. Энэхүү үр дүнгийн дараа Кабо Верде хоёр тоглолтоос хоёр оноотой болж хэсгээс гарах бодит боломжтой хэвээр үлдлээ.Шинэ Зеланд 1:3 Египет

G хэсгийн хоёрдугаар тойргийн хоёр дахь тоглолт Шинэ Зеланд болон Египетийн шигшээ багуудын тоглолт 3:1 харьцаатайгаар Египетийн шигшээ багийн хожлоор өндөрлөлөө. Тоглолтын 15 дахь минутад Финн Сурман Шинэ Зеландыг тэргүүлэлд гаргасан ч Египетийн шигшээ хоёрдугаар үед гайхалтай эргэн ирэлт хийсэн юм. 58 дахь минутад Мостафа Зико тэнцээний гоолыг оруулсан бол 67 дахь минутад Мохамед Салах торгуулийн талбай дотроос боломжоо ашиглан Египетийг анх удаа тэргүүлэлд гаргав. Улмаар 82 дахь минутад Трезеге гурав дахь гоолыг нэмж оруулснаар Африкийн төлөөлөгчид түүхэн ялалт байгууллаа. Египет ийнхүү дөрвөн оноотой болж G хэсгийг тэргүүлж байна.Эдгээр багуудын хэсгийн сүүлийн тоглолтууд (Монголын цагаар):06-р сарын 27-нд08:00 цагаас — Кабо Верде vs Саудын Араб08:00 цагаас — Уругвай vs Испани11:00 цагаас — Шинэ Зеланд vs Бельги11:00 цагаас — Египет vs ИранМэдээллийн ивээн тэтгэгч: <a href="https://www.facebook.com/profile.php?id=100084363345799" rel="noopener noreferrer" target="_blank" style="color: rgb(9, 13, 27);">ҮҮЭТ ХХК ЭВТ БРЭНД</a>

ДАШТ-2026: Испани, Египетийн шигшээ багууд чухал хожлууд байгууллаа

Энэ жилийн эхний мажор тэмцээний аварга багаар тодорсон Team Falcons багийн тоглогч mONESY тоглолтын дараа сэтгүүлчдэд өөрийн сэтгэгдэл, багийн гишүүдийн тухай юу гэж ярив, аварга болсны дараах сэтгэгдлийг хүргэж байна.

Сэтгүүлч: Юуны түрүүнд чамд баяр хүргэе. Чи яг одоо мажорын аварга мөн шилдэг тоглогч боллоо. Хамгийн түрүүнд юу бодогдож байна вэ? &nbsp;mONESY: Юуны өмнө маш их сэтгэл хөдөлж байна. Мөн маш ихээр ядарсан байна. Би аварга болсондоо итгэж чадахгүй байна. Юутай ч бид эцэст нь чадлаа. Сэтгүүлч: Сүүлийн хэдэн сар танай багийн хувьд хүндхэн өнгөрлөө. Олон тэмцээний финалд хүрсэн ч түрүүлж чадаагүй шүү дээ. Энэ ялалт танай багийн хувьд ямар утгатай вэ? mONESY: Юуны өмнө багийнхаа бүх хүмүүст баярлалаа гэж хэлмээр байна. Тоглолт дундуур, тоглолтын гадна ч тэд маш сайн ажилсан. Бид маш олон цаг зарцуулж, харанхуйд бэлтгэл хийсний эцэст мажор тэмцээн дээр гэрэдтэж чадлаа. Энэ бол бид хэзээ ч бууж өгөөгүй гэсэн үг юм.

Сэтгүүлч: Эцэст нь аварга болоод шилдэг тоглогчийн шагнал авах хэр байна. mONESY: Мэдрэмжээ тайлбарлахад хэцүү байна. Гэхдээ хамгийн их баярлаж байгаа зүйл бол NiKo. Би өөрийнхөө төлөө баярлаж байгаагаасаа хэд дахин илүү түүний төлөө баяртай байна. Энэ мөрөөдөлдөө хүрэхийн тулд NiKo маш урт зам туулсан. Сэтгүүлч: Тоглолтдоо ялалт байгуулсны дараа NiKo руу харах мөчид ямар байсан бэ? mONESY: Үнэнийг хэлэхэд би яаг юу болсныг санахгүй байна. Би NiKo-г үсэрч байхыг харсан. Дараа нь тэр над руу хараад инээмсгэлсэн. Тэгэхэд бид ингэж инээхийн төлөө хөдөлмөрлөсөн юм байна гэж бодсон.

Сэтгүүлч: Karrigan-тай нэг баг болоод хоёр сар болсон байна. Тэгээд мажор тэмцээний аваргууд болж чадлаа. mONESY: Karrigan-тай нэг баг болоод бид гурван тэмцээний финалд шалгарч, нэгд нь түрүүллээ. Хагийн түрүүнд энэ амжилтай үргэлжлүүлэхийг хүсэж байна. Бидний хөдөлмөр үр дүнгээ өгсөн, цаашдаа ч ийм байх болно. Мэдээж Karrigan-д ямар нэгэн онцгой зүйл бий. Мөн тэр NiKo-той хамт дуусгаж амжаагүй ажлаа дуусгасанд баяртай байна.

Сэтгүүлч: Гэр бүлийнхэндээ хандаж юу хэлмээр байна. mONESY: Энэ аренад миний ах болон түүний эхнэр ирж намайг дэмжсэн. Үүнд би маш их баяртай байна. Намайг үргэлж дэмждэг гэр бүлдээ баярлалаа. Та бүхэндээ маш ир хайртай шүү. Би тэднийг баярлуулахыг маш ихээр хүсдэг байсан, өнөөдөр тэр мөрөөдөл минь биеллээ. Сэтгүүлч: Энэ тэмцээнд түрүүлэх хүртэл хүнд тоглолтууд хийлээ. Энэ талаар? mONESY: Би энэ аваргын цомыг хялбар аргаар биш, яг ийм байдлаар өргөсөнд баяртай байна. Бид дэлхийн шилдэг багуудыг хожлоо мөн финалд хамгийн шилдгийг нь ялахыг хүсдэг байсан. Бид Vitalty, Spirit мөн финалд хүрсэн FURIA-г буулган авлаа. Энэ мэдрэмжийг хэзээ ч мартахгүй байх.&nbsp;

Ингэснээр Team Falcons багийн шилдэг тоглогч mONESY: BLAST Premier World Final 2022 тэмцээний MVP, IEM Dallas 2024 тэмцээний MVP, BLAST Premier World Final 2024 тэмцээний MVP, ESL Pro League Season 22 тэмцээний MVP (2025), BLAST Rivals Season 2 MVP тэмцээний (2025) мөн нэмэгдэж IEM Cologne Major 2026 тэмцээний MVP болж байна. Мөн 2022 оны шилдэг залуу тоглогчийн шагнал, 2022 оны шилдэг тоглогчийн шагнал, 2024 оны шилдэг мэргэн буучийн шагнал мөн жил болгон зарладаг дэлхийн шилдэг 20 тамирчинд 2022 онд долоодугаар байр, 2023 онд дөрөвдүгээр байр, 2024 онд хоёрдугаар байр, 2025 онд дөрөвдүгээр байранд орсон гэх шагналуудыг ердөө 21 насандаа хүртээд байна.&nbsp;

Мажор тэмцээний шинэ аварга, шилдэг тоглогч mONESY

Цахим спортын хамгийн том төрөл Counter strike 2 тоглоомын энэ жилийн эхний хагас тун өрсөлдөөнтэй өндөрлөлөө. Эхний улирлын сүүлийн зохион байгуулалт IEM Cologne Major 2026 тэмцээн нийт хорин өдрийн турш үргэлжилсний эцэст аварга багаа тодрууллаа. Дэлхийн шилдэг 32 баг оролцсон энэ тэмцээний эцэст TEAM Falcons баг түрүүлж дэлхийн аваргууд боллоо.

Мажор тэмцээний шинэ аварга TEAM Falcons нь IEM Cologne Major 2026 тэмцээний гуравдугаар шатнаас оролцсон. Тэд энэ шатдаа G2, Monte, NAVI гэсэн багуудыг ялж харин BetBoom ялагдаж 3-1 гэсэн амжилттай дараагийн шат руу шалгарсан.&nbsp;

Хасагдах шатны эхний тоглолтоо тэд өмнөх&nbsp;мажор тэмцээний аварга, энэ тэмцээний хамгийн хүчирхэг баг болох Vitality багтай тааран тоглосон. Тэд энэ тоглолтоо 2-1 гэсэн харьцаатайгаар ялалт байгуулж дараагийн шат руу шалгарсан. Шөвгийн дөрвийн тоглолтоо мөн адил энэ тэмцээний гол багуудын нэг Spirit багтай тааран тоглосон. Spirit баг нь энэ тэмцээнд нийт долоон тоглолт хийхэд нэг ч хожигдоогүй гэсэн гайхалтай үзүүлэлт үзүүлж байсан баг юм. Энэ тоглолтын үр дүнд 2-1 гэсэн харьцаатай Team Falcons ялалт байгуулж мажор тэмцээний гранд финалд шалгарсан юм.

Мажор тэмцээний гранд финалын тоглолт Team Falcons болон FURIA багуудын хооронд бэст оф тав тоглолт хийх байсан. Энэ тоглолтын үр дүнд 3-0 гэсэн үр дүнтэйгээр мажор тэмцээний аварга баг болж байна. Team Falcons багийн хувьд энэ онд болсон тэмцээнүүдэд өндөр амжилтууд гаргаж байсан хэдий ч аварга баг гэж дуудуулж байгаагүй юм. Харин тэд мажор тэмцээнд түрүүлснээр аваргууд хэмээн дуудуулахаар болжээ. Багийн мэргэн бууч mONESY тэмцээний шилдэг тоглогч боллоо.&nbsp;

Багийн гишүүд болох NiKo болон Karrigan нарын хувьд одоогоос арван жилийн өмнө нэг багт хамт тоглож байсан бөгөөд 2016 онд болсон Бостон мажор тэмцээний гранд финалд шалгарч байсан ч тухайн үедээ хожигдож байсан юм. Харин арван жилийн дараа тэд дутуугаа дүүргэж мажор тэмцээний аваргууд болж байна.&nbsp;

Харин FURIA багийн хувьд энэ тэмцээнд гайхалтай амжилтуудыг үзүүлсэн. Хэдий тэд хоёрдугаар байраар тэмцээнийг өндөрлүүлж байгаа ч энэ спортын эхний улиралд өөрсдийгөө батлан харуулж чадлаа. Дараагийн улиралд илүү хүчтэй эргэн ирнэ хэмээн тэмцээний дараа хэлсэн юм.&nbsp;

Шинэ контент