1995 онд Улаанбаатар хотод төрсөн. Айлын ганц. Ам бүл хоёулаа. Эмээ, ээж 2 маань Баянгол болон Чингис зочид буудлын ахлах тогооч байсан. Жуулчидтай ээж, эмээ хоёртойгоо зундаа дандаа хөдөө явдаг байсан. Маш сахилгагүй хүүхэд байсан.

Нагац ах маань сагсан бөмбөгийн спортын мастер. Намайг сагсан бөмбөгт нагац ах оруулсан. Тухайн үед сагс зааж байхад одоогийнх шиг хэрэгсэл байгаагүй. Бусад зүйлсээр орлуулж зааж байсан. Жишээ нь хоёр алхамтыг зайрмагийн 2 ширхэг иш тавьснаа хаана, хаана гишгэх үү гэх мэт. Сагсыг нагац ахаараа дамжуулж суралцсан.
Би дөрвөн нагац ахтай. Манай гурав дахь нагац ах жүдо руу оруулж байсан. 1 жил гаруй бэлтгэл хийж барилдсан. 10 жилд байхад өсөлтгүй боллоо гээд хамгийн бага нагац ах маань сагсаа тоглох хэрэгтэй гэж шийдсэн. 4-р курст байхдаа дээд лигт орно гэж боддог болсон. Анх лиг үзчихээд уур амьсгал нь ямар гоё юм бэ, энэ явж байгаа дуун дээр нь нэрээ заавал зарлуулна гэж бодсон нь их хүчтэй нөлөө үзүүлсэн байх.

Чөлөөт цагаараа кино их үздэг ер нь хаа ч явж байхдаа үздэг. Бүр ер нь хаана ч явж байхдаа үздэг бүр яг судалж, түүхийг нь мэдэж тийм гүнзгий үздэг. Дэлхийн дайн болсон явдал, баримтат гэх юм бол google-дэж үздэг. Юмыг их судлах дуртай. Философи нь яг юу юм бэ гэдгийг их сонирхож судалдаг. Сагснаас өөр дуртай спорт алга даа.

Эмэгтэй хүний биед орвол эрэгтэй хүний талаар юу бодож явдаг вэ гэдгийг мэднэ. Бас өсгийтэй гутал өмсөж үзнэ гэж боддог.

Өсвөр насандаа крашладаг байсан хүн бол “Lord of the rings” киноны Arwen гээд эмэгтэй дүр. Одоогоор бол Dua Lipa, Lisa 2 байна даа.

"Balance Stretch" Японы байраа заслын төв "Ай Ти Лаборатор"-ийн байранд шинээр үүд хаалгаа нээлээ. Энэхүү төвд мэргэжлийн Япон бариа засалчдаар удирдуулсан хамт олон сунгалтын бариа засал, соронзон аппаратын тусламжтайгаар хүний биеийн тэгш хэмийг сайжруулж, эрүүлжүүлж байна.
Утас: +976 7011 1115

Өмсгөлийн 2 дугаарын тухайд гэвэл Тэнүүн Өлзий багт ороод авсан энэ дугаартайгаа 5 дахь жилдээ тоглож байна. 2 дугаарыг сонгосон шалтгаан нь Кавай Леонардын фэн хамгаалдаг, дайчин тоглодог байдлаас болсон. Мөн Леброныг сайн хамгаалж аварга болсон нь энэ дугаарыг сонгох болсон.

Эхнэрийнхээ ухаанд нь дуртай. Ард минь дандаа байдаг. Ямар ч үед л байдаг бас надад их зөвлөгөө өгнө. Сэтгэлзүйн зөвлөгөө их өгдөг. Намайг дандаа гоё байлгаж, гоё явуулахыг хүсдэгт нь их дуртай.

Гаргасан онцлох амжилт бол анх 21 аймгийн лигт ороод хүрэл медаль авч байхдаа маш их баярлаж байсан. Моррис гээд тоглогч баззер хийж, манай баг хүрэл медаль авсан. Мөн өмнө жил финалд гараад мөнгөн медаль авсан. Финалд талбай дээр гараад мөнгөн медаль авах үе дээр талбай дээр тоглож байхад Металл багийн фэнүүд нэрийг минь 1 зэрэг дуугаар орилж дэмжиж байхад их гоё санагдсан. Энэ жил Металл багтайгаа аварга болно гэж бодож байгаа. 7 дахь жилдээ Металл багт тоглож байгаа. Анх багаа байгуулахад нь орж байсан. Буян-Өлзий ахынхаа хүслийг нь биелүүлж, аварга авах том зорилготой.

Эргэн тойрны хүмүүсээс бодлыг нь унш гэх юм бол хадам аавынхаа бодлыг унших байсан.

Дуртай дуучны хувьд Kendrick Lamar, Travis Scott, Asap Rocky, Asap Ferg. Хамтлаг гэх юм бол Blaze.

10 факт

Отгонбаяр Сайнбаяр

Дөлгөөн

1994 оны 8-р сарын 14-нд Улаанбаатар хотод төрсөн. Ам бүл тавуулаа. Аав, ээж, ах, эгчийн хамт амьдардаг байсан. Ээжийн маань аав буюу өвөө маань Улсын анчин хүн байсан гэдэг. Тийм болохоор ямар нэгэн юм онох тал дээр сайн байна гэж хамаатнууд ярьдаг. Айлын бага болохоор эрх дураараа аав, ээж, ах, эгчийн хайранд өлгийдүүлж өссөн.

Бильярдын спортоор 12 настайгаасаа сонирхож, хичээллэж эхэлсэн. Маш их чадвар, мэдрэмж, ухаан шаардсан болохоор тэр бүхэнд нь амтшиж тууштай хичээллэж эхэлсэн.

Дэлхийн аварга шалгаруулах тэмцээнд дөрөв дэх удаагаа оролцож байна. Тус тэмцээнүүдэд медалийн төлөөх тоглолтод хожигдож байсан. Энэ жил хүрэл медаль хүртсэн тэмцээнд Дэлхийн 3 удаагийн аварга On Yee Ng, Дэлхийн аваргын мөнгөн медальт Хятадын тамирчин Bai Yulu. Мөн Дэлхийн аварга Энэтхэгийн тамирчин Vidya Pillai гэх зэрэг олон улсын шилдэг тамирчид ирж оролцсон. Дэлхийн медальтан болоод маш их баярласан. Аавыгаа л их бодсондоо охиндоо итгэж байсанд нь маш их баярладаг.

Тамирчин Л.Дэлгэрдалай ахыгаа багаасаа шүтэж ирсэндээ. Энэ спортын мэдлэг арвинтай бас л шилдэг тамирчдын нэг. Их юм зааж өгсөн.

Улсын Тэргүүний 13-р сургуулийг төгсөөд дараа нь Отгонтэнгэр Их сургуулийг Санхүүгийн мэргэжлээр төгссөн. Цаашдаа энэ амжилтаа улам арвижуулж, дээшлүүлэх хүсэлтэй байна.

Тулааны урлагийн "Гаруда Академи"-д суралцахыг хүсвэл Msports app-аар хандан бүртгэлээ хийлгээрэй.

Сүүлийн үед Татар хамтлагийн шинэчилсэн дуунуудыг сонсож байгаа. Хэмнэл нь цоглог хөөрхөн байдаг.

Гадаад, дотоодоор их яваад бүх л хоолыг идэж чаддаг болсон. Өмнө нь бол ногооноос эхлээд идэхгүй, хоол их голдог байлаа. Одоо бол бүх хоолонд дуртай хоол бол хайр юм.

"Elite billiard" клубт бэлтгэл сургуулилтаа хийдэг. Pool Billiard-аар бол "Metropool" клубт бэлтгэлээ хийдэг. Аль болох өдөрт 6-8 цаг бэлтгэл хийхийг боддог.

Кино үзэх, салхинд гарах, хөдөө явах, найзуудтайгаа байх гэх мэт зүйлийг чөлөөт цагаараа хийх дуртай. Инээдмийн, адал явдалтай кинонд дуртай.

Хүн өнгөрөхөөс айдаг. Хайртай хүмүүсээ алдахаас айдаг.

Баярсайхан Нарантуяа

2005 оны 9-р сарын 17-нд Улаанбаатар хотод төрсөн. Ам бүл тавуулаа. Аав, ээж, эмэгтэй, эрэгтэй хоёр дүүгийн хамт амьдардаг. Айлын том. Манай ээж сагсан бөмбөгийн спортын мастер. Аав багадаа чөлөөт бөхөөр хичээллэдэг байсан. Одоо бол аав теннисний спортоор дэд мастер. Эмэгтэй дүү Ч.Мартаа маань спортын мастер. Би олон улсын хэмжээний мастер. Бага эрэгтэй дүү хөлбөмбөг, теннис хоёроо зэрэг хичээллэдэг. Багадаа миний хувьд ширүүн хөдөлгөөнтэй, хэрсүү, ухаалаг хүүхэд байсан.

7 настай байхад аав, ээж намайг талбайн теннисээр хичээллүүлж эхэлсэн. Талбайн теннисээр хичээллэхэд гэр бүлийнхэн маань хамгийн их дэмжлэг үзүүлдэг. Аав өөрийн дүү бид хоёрыг талбайн теннисээр хичээллүүлж, өөрөө багш дасгалжуулагч болсон. Ээж маань тэтгэвэртээ гараад бид нарын хоолыг бэлдэж, бидний бүх зүйлд анхаардаг. Талбайн теннис тоглох үед өөрийн эрхгүй сайхан мэдрэмжийг дотроос төрүүлдэг. Эрч хүч мэдрэгдэж, сэтгэл санаа тайван болгодог. Талбайн хоёр талаас нэлээн том талбайд тоглодог болохоор бүх булчин шөрмөсийг ажиллуулж мөн сэтгэлзүй их шаарддаг нь надад таалагдаж хичээллэдэг болсон. Ер нь бол дурсамжтай үе зөндөө байгаа л даа. Гэхдээ хамгийн анхны спорттой холбоотой дурсамжтай үе гэвэл Тайланд улс руу 14 хүртэлх насны тэмцээнд 12 настайдаа явж байсан минь. Тухайн үед Есүгэн гээд найзтайгаа хосоор мөнгөн медаль авч байсан. Анхны олон улсын тэмцээн болохоор үнэхээр баярлаж байсан.

Англи хэлэндээ дундаас жоохон дээгүүр түвшнийх. Ер нь бол сургууль дээрээ анх сурсан. Анхандаа ичээд ярьж чаддаггүй байсан. Найз маань үнэхээр сайн болохоор гадаадад тэмцээнд явахаар өөрөө биш найзаараа л яриулдаг байсан. Тэгээд ганцаараа гадаад яваад ярих шаардлагатай болоод сайжирч эхэлсэн. Түүнээс хойш групп, ганцаарчилсан англи хэлний сургалтад суугаад сайжирсан даа.

Анх багштайгаа ярилцаад Монголд бэлтгэл хийхэд хэцүү байна. Талбай байхгүй, тэмцээн байхгүй байна гэж ярилцсан. Гадаад явъя гэхээр мөнгө байхгүй болохоор их сургуульд гадагшаа явбал илүү боломжтой гэж хэлсэн. Мөн Америк улсад их сургууль нь өрсөлдөөнтэй байдаг учир тийшээ явах талаар бодсон. Тэгээд NCAA-д бүртгүүлсэн. Тэгсэн чинь маргааш өглөө нь “Hi Маралгоо. Манайх ийм сургууль. Чи коллежид теннис тоглохыг хүсэж байна уу” гэсэн мессеж ирсэн. Би хариуд нь сурахыг хүсэж байна гэдгээ илэрхийлж, “whatsup”-аар холбогдоод шууд ярьсан. Надад 100 хувийн scholarship тэтгэлэг өгч байна гэдгийг мэдээд үнэхээр их баярласан. NCAA-д бүртгүүлсний дараа өөр олон сургууль холбогдоно гэж бодоогүй.Бүртгүүлсний дараа ахиад ч дөрөв, таван их, дээд сургуулиуд холбогдсон. Тэр дундаас Канзасын их сургуулийг сонгосон. Миний суралцахаар болсон “Kansas State University” гээд Канзас мужийн Манхаттан хотод байдаг. Теннисээрээ бол муждаа нэгт ордог сургууль. Энэ сургуулиасаа 100 хувийн тэтгэлэг авсан. Одоо 1-р сарын 3 гэхэд Америкт очоод их сургуульдаа суралцаж эхэлнэ. Цаашид их сургуульдаа сайн суралцаж, сайн тоглох. Их сургуульдаа чансаагаараа дээгүүрт бичигдэхийг хүсэж байна. Цаашлаад про мэргэжлийн тамирчин болох хүсэлтэй.

Эрэгтэй хүний оронд нэг өдөр орох боломж гарах байсан бол бэлтгэлийнхээ охин дүү нарын нэгтэй нь үерхэж үзэх байсан.

Талбайн Теннисээр сургалт явуулдаг "Хавай" спорт центерт хичээллэхийг хүсвэл MSPORTS app-аар дамжуулан бүртгэлээ хийлгээрэй.
Утас: +976 9006 2211
Хаяг: Баянгол дүүрэг ДЦС4-с урагш 0.6km

Миний хүндэлдэг, үлгэр дуурайлал авдаг тамирчин Серена Уильямс. Түүний хичээнгүй, өөртөө итгэлтэй, юуг ч хийж чадахаар харцтай байдал нь таалагддаг. Гэр бүлээрээ бид нар “King Richard” киног үзэж байсан. Ер нь бол манай гэр бүлийн туулж явж байгаа зүйлтэй их адилхан санагдсан.

Оролцож байсан том тэмцээн уралдаан гэвэл би Бангладешд болсон 6000 долларын шагналын сантай тэмцээнд оролцож, түрүүлээд 6000 ам.доллар хожиж байсан. Улсын өсвөрийн зургаан удаагийн аварга, насанд хүрэгчдийн хоёр удаагийн аварга. Мөн 14 настайдаа Азид ранкаараа 2-т бичигдэж байсан. Одоо дүүгийнхээ хамт БНХАУ, Непал, БНСУ зэрэг олон улсуудад амжилттай тэмцээнд оролцож байгаа.

Одоогоор бол Ben Shelton-г крашладаг. Сүүлд коллежоо төгсөөд гарч ирсэн мундаг тамирчин байдаг.

Нэг хүний бодлыг уншиж үзэх боломжтой байвал багшийнхаа бодлыг уншиж үзмээр байдаг. Хэрвээ би ямар нэгэн байдлаар болохгүй байвал багшийнхаа бодлыг уншаад мэддэг байсан бол гоё байсан байх. Одоогоор Ан багш болон аав хоёр бэлтгэл ордог. Бэлтгэлээ долоо хоногт 6 өдөр хийдэг. Нэг өдөрт 3 цагийн бэлтгэл хийдэг. Долоо хоногт 3 удаад нь фитнесс бэлтгэл хийдэг.

Чөлөөт цагаараа дүүтэйгээ гадуур гарах дуртай. Хааяа кино үзээд хоол идээд явах дуртай. Бас бүжиглэх “Tik Tok” хийх дуртай.

Чогсомжав Маралгоо

1998 онд Булган аймгийн Хангал сумын Хялганат тосгонд төрж өссөн. Ам бүл 5, дээрээ 1 эгч, 1 ахтай. Айлын бага болохоор их эрх өссөн. Гэхдээ аав, ээж минь их хөдөлмөрч хүмүүс байдаг болохоор олон төрлийн ажилд багаас минь сургасан. Аав маань гар бөмбөг тоглодог байсан, мөн ээж, эгч, ах бүгдээрээ спортод дөртэй. Тоглох дуртай учраас гэр бүлийнхэн маань өдийг хүртэл маш их дэмждэг.

Анх гар бөмбөг тоглож эхэлсэн. 2010 онд үеийнхээ хүүхдүүдийг дагаад сагс гоё санагдаад л тоглож эхэлж байсан. Хожигдсоны дараа цагаан хор шар их хөдөлдөг байсан болохоор улам сайжирч, тууштай хичээллэхийг хүссэн. 10 жилд зохиогддог байсан Аймгийн аваргын тэмцээнүүд л хамгийн дурсамжтай мөчүүд байсан санагддаг.

4 номерийн хувьд Тэнүүн-өлзий багтаа ороод л авсан болохоор одоо болтол энэ дугаараа өмсөж байгаа. Өөр ямар нэг билэгдэл байхгүй.

Төрсөн ахтайгаа 2 насны зөрүүтэй болохоор ойрхон дэрсхэн өссөн. Багаас маань бид хоёрыг Томоо, Жижгээ гэж гэр бүл, ах дүү нар маань дуудаад сурчихсан болохоор одоог хүртэл Жижгээ нэртэйгээ л яваа.

Анх 2015 онд оюутан болж ирээд Д.Лхагваа багшийн удирдлаганд Тэнүүн-Өлзий Металл баг анх үүсгэн байгуулагдахаас эхлэн тоглож эхэлсэн. Дээд лигт 3 дахь жилдээ тоглож байна. Энэ жил багийн хувьд шинэ дасгалжуулагч, шинэ менежер, шинэ тоглогчид нэмж авсан тул уур амьсгалын хувьд бүх зүйл шинэлэг, гоё байгаа.

Эхнэр бид 2 хоёулаа Булганых. Анх Сагсан бөмбөгийн аймгийн аваргад орж байхад манай хүн бас оролцож таараад, анх хараад ямар хөөрхөн охин бэ? гэж харж байгаад л найрчихсан даа кк. Шулуун шударга зан болон намайг гэсэн сэтгэлд нь маш их хайртай.

Монголоос Т. Санчир ахаасаа үлгэр дуурайлал авдаг. Гадаадаас Kobe Bryant-г дэмждэг байсан. Хичээл зүтгэл, тууштай байдал нь таалагддаг байсан, тийм ч учраас Lakers багийг дэмждэг.

Одоогоор сагсан бөмбөг, гэр бүл хоёртоо л бүх цагаа зарцуулж байна даа. Газар зохион байгуулагч мэргэжилтэй. Дээд лигт тоглосон анхны жилдээ “Шилдэг шинэ тоглогч” болсон. Мөн энэ жил Шигшээ багтаа багтаж олон улсын тэмцээнүүдэд оролцсон маань том амжилт байсан. Цаашдаа мэдээж Дээд лигт аварга авах болон илүү олон олон улсын чанартай тэмцээнүүдэд улсынхаа нэрийн өмнөөс оролцож, амжилт гаргахыг хүсдэг.

Ихэвчлэн бэлтгэл сургуулилттай байдаг болохоор чөлөөт цагаараа гэр бүлтэйгээ цагийг өнгөрөөхийг хичээдэг. Заримдаа Солонгосын адал явдалтай, хайр дурлалын олон ангит кинонууд үзэх дуртай. Дуучин Болдын дуунуудад дуртай.

Супер power-тай болох боломж гарах байсан бол бодол уншдаг хүчтэй болоод эхнэрийнхээ бодлыг уншиж, юу хүсэж байгааг нь мэддэг болмоор байна хаха

Түмэнбаяр Ууганбаяр

2006.01.31-нд Улаанбаатар хотод төрж өссөн. Ам бүл гурав. Айлын ганц охин. Аав, ээж хоёр маань хоёулаа сагс тоглодог. Сагсанд сонирхолтой хүмүүс байдаг болохоор намайг маш сайн дэмждэг. Багадаа их хөдөлгөөнтэй, сахилгагүй, дүрсгүй хүүхэд байсан.

Хамгийн анх 6-р ангидаа сагсан бөмбөгийг сонирхож, дүүрэг, нийслэлийн тэмцээнд оролцож байсан. Яг тууштай хичээллээд хоёр жил болж байна. Сагснаас авдаг мэдрэмжийг өөр юмнаас авч чаддаггүй. Цаанаасаа л тийм гоё үгээр хэлэхийн аргагүй мэдрэмжийг төрүүлдэг. Сагстай холбоотой хамгийн нандин үе маань өнгөрсөн жилийн U18 насны Энэтхэг улсад болсон тэмцээний үе. Үеийнхээ найзуудтай 8 хоног утсаа хураалгаад бөөндөө юм яриад хөгжилтэй байсан ч хамгийн дурсамжтай сэтгэлд ойр, сайхан мөч байсан. Мөн дээд лигийн аварга болсон үе хамгийн дурсамжтай.

Миний өндөр 172 см. Сагсан бөмбөг бол хайр, аз жаргал, инээд хөөр, баяр баясал, уйтгар гуниг үргээгч минь. Сагс бол амьдралын бүх зүйл. Сайн найз нар олонтой. Нандинхүсэл, Номин хоёртой хамгийн сайн найзууд. Найзуудтайгаа хамт бэлтгэл хийх дуртай. Өдөр болсон явдлаа яриад инээлдэх дуртай.

Эрэгтэй хүний оронд орох боломж гарвал тохолт /dunk/ хийж үзэх байсан.

Крашладаг хүн гэвэл сагстай холбоотойгоор тоглолтыг нь үзэж, дэмждэг хүн Монголоос гэвэл М.Өлзий-Орших.

TREATMENT цэнхэр & ULTRA улаан

- Тухайн машины элэгдэл, насжилт, бохирдол гэх мэт зүйлсээс хамаарч харилцан адилгүй хугацаанд цэвэрлэгээ үйлчилгээ хийгдэнэ.
- Савлагаандаа 6ш тэй. Ширхэг тус бүр 30л -т үйлчилнэ. Нийт 180л-т үйлчилнэ. Жижиг болон дунд оврын машин, техникийн 2 сар орчмын хэрэглээ.
✅АШИГТАЙ хөрөнгө оруулалт.💲

‼️АНХААР: 🚷Хүүхдээс хол байлгана уу.
Холбогдох утас: 80367700

Өнгөрсөн жил Ундрах дасгалжуулагч маань Нандинхүсэл, бид хоёрыг УБ Амазонс багтай холбож, оруулж өгсөн. Дээд лигийн хувьд энэ жил илүү ширүүн өрсөлдөөнтэй, илүү зохион байгуулалттай болж байгаа. Манай багийн хувьд өмнө жилийн адил 3 насны ангилалтай байгаа учраас гэр бүлээрээ байгаа юм шиг дотно мэдрэмжийг авч байна.

Найз залуу байхгүй. Спортоор хичээллэдэг, цэвэрхэн хувцасладаг, өөртөө арчаатай хүнд дуртай.

Дээд лигийн аварга. Мөн 3х3 дэлхийн аварга шалгаруулах тэмцээнд шилдэг 8 багт багтаж чадсан нь том амжилт байсан. Миний цаашдын зорилго бол мэдээж дээд лигийн аваргаа хамгаалах, олон улсын тэмцээнд амжилттай оролцох.

Нягтлан бодох бүртгэлээр одоо санхүү эдийн засгийн их сургуульд суралцаж байна. Өмнө нь сонирхдог байсан спорт гэвэл волейбол. Волейбол тоглож, Монгол цэнгээнт бүжиг бүжиглэдэг байсан. Одоо харин сагснаас өөр зүйл бодох сонирхолгүй л явж байна даа.

Чөлөөт цагаараа хайртай хүмүүстэйгээ цагийг хамт өнгөрүүлэхийг хичээдэг. Байнга уулзаж, хамт байж чаддаггүй болохоор цаг гарвал дотнын хүмүүстэйгээ байх дуртай.

Батцоож Болор-Эрдэнэ

1987 онд Дорноговь аймагт төрсөн. 2 ах, 1 эгч, 1 дүүтэй. Ам бүл 6. Эхнэр 4 хүүхэдтэйгээ хамт амьдардаг. Өвөө маань их өндөр хүн байсан гэсэн. Гэрээсээ хамгийн өндөр нь. Манай гэр бүлд спортын хүн байгаагүй байхаа. Багадаа их сониуч хүүхэд байсан. Хөдөлгөөнтэй ч хичээлээсээ нээх хоцроод байхгүй бүх юмаа амжуулаад явдаг хүүхэд байсан. Багадаа хуульч мэргэжилтэй болно гэж боддог байсан.

Бүр жоохон хүүхэд байхаасаа л сагсан бөмбөг дуртай хүүхэд байсан. Багшийн удирдлага нь доор гэвэл 13-14 настайгаасаа эхэлсэн. Сагсан бөмбөгийг спорт нь хүнд тэсвэр хатуужил, хичээл зүтгэл, хамтын ажиллагаа, өрсөлдөгчөө хүндлэх, эрүүл бие бялдартай байх гэх мэтчилэн бүх зүйлийг энэ спортоос олж авч чаддаг гэж боддог. Анхныхаа өсвөр үеийн улсын аваргыг үеийнхээ найзуудтайгаа авч байсан нь, мөн дээд лигийн аварга авч байсан тоглолтууд гоё дурсамжтай байдаг.

Супер хүчтэй байсан бол гэж бодож байгаагүй л юм байна. Магадгүй цаг хугацааг удирддаг болох байсан байх, тэгээд болохгүй бүтэхгүй бүх асуудлыг шийдэхгүй юу.

Эмэгтэй хүний биед орвол хамгийн түрүүнд нүүрээ будаж үздэг юм уу. Яагаад удаад байдгийг нь өөрийн биеэр мэдэрч үзэх

Монгол хоолноос цуйван, банштай борцтой цай. Өөр орны хоол гэвэл борш, carbonara, grilled steak

Манай багийн тухайд бага зэрэг хоцорч бэлтгэл эхэлсэн ч бүх зүйл ямар ч асуудалгүй байгаа багийн ойлголцол болоод хамтын ажиллагаа гайхалтай сайн байгаа. Энэ жил дахин нэг аваргын төлөө дайралт хийх зорилготой байгаа. Багын найзууд болон сагсны найзууд, дүү нар гээд ер маш олон салбарт найз нөхдийн хүрээлэл өргөн байдаг.

Эмэгтэй хүний даруу төлөв, цэвэрч, аливаа юмны тунг тааруулаад хийчихдэг, хэлчихдэг мэдрэмжтэй байвал зүгээр юм шиг санагддаг. Манай эхнэр чинь дээрх бүгд шүү дээ. Намайг хамгийн сайн ойлгож дэмждэг, бараг л сайн найзууд шиг байдаг даа.

Өндөрөөс айдаг. Хэт өндөрт гарахаар толгой эргээд байдаг юм хаха

Монгол улсын их сургуулийг Геологи уул уурхай хайгуулын эдийн засагч мэргэжлээр төгссөн. Дэлхийн бүх улсаар аялж үзэх хүсэлтэй.

Чөлөөт цагаараа усанд сэлэх, сонирхолтой ном унших, кино үзэх дуртай. Дуртай хамтлаг Maroon 5, дуучин Drake.

Намжилдорж Золжаргал

Өмнөговь аймгийн Сэврэй суманд 2001 оны 12-р сарын 10-нд төрсөн. Бага насаа өвөө эмээ дээрээ буюу хөдөө өнгөрөөсөн. Харин сургууль орох нас дөхөж аймгийн төв дээр ирсэн дээ.

Хөнгөн атлетикаар анх дөрөвдүгээр ангид байхдаа Хадбаатар багшид шавь орсноор эхэлсэн. Түүнээс хойш одоо хүртэл тасралтгүй хичээллэж байгаа.

Хүүхэд насандаа хурга ишигний араас их гүйдэг байсан минь хөнгөн атлетикийн спортыг сонирхоход нөлөөлсөн байж магадгүй. Хурдан гүйгээд салхи мэдрэх нь таатай мэдрэмж өгдөг байсан ба энэхүү мэдрэмждээ хөтлөгдөөд тамирчин болохоор шийдсэн. Гэхдээ шантрах тохиолдлууд бишгүй тулгарна. Одоо ч гэсэн тийм үеүд бий.

Чөлөөт цагаараа найзуудтайгаа уулзаж хөгжилтэй юм ярьж, зугаацаж өнгөрүүлдэг. Мөн зураг бичлэг эвлүүлж, эдит хийх хоббитой.

Монгол улсын Спортын мастер цолтой. Монгол улсын бүх ард түмний 200м гүйлтийн зайн аварга. Улсын чанартай тэмцээнээс нийт 6 алт, 1 мөнгө, 1 хүрэл медаль хүртсэн. Сая өнгөрсөн “Ханжоу-2022” Азийн наадамд өөрийн хувийн амжилтаа шинэчлэн тогтоосон.

Дуртай кинонууд олон Марвелын бүтээлүүд болох “Spider man”, “Тhоr” ДС-ээс “Flash”-ын дүрүүдэд дуртай.

Эмэгтэй хүний ухаалаг үнэнч байдлыг нь хардаг.

Хамгийн их урам зориг авдаг хүмүүс гэвэл аав болон Г.Жанцандорж багш маань байна. Мэдээж анх энэ спортыг сонирхоход нөлөөлсөн тамирчин гэвэл дэлхийн шилдэг тамирчин Усайн Болт байна.

Одоогоор надад маш олон зорилго байгаа. Хамгийн том нь Монгол улсынхаа нэрийг аавынхаа нэртэй хамт Олимпын наадамд дуудуулах хүсэлтэй байна.

Хөнгөн атлетик бол бүх спортын суурь бөгөөд аль ч спорт руу урвах чадвар сайн мөн өндөр хурд хүчний спорт учир хичээллэхэд тэвчээр нэлээн хэрэгтэй. Хичээллэж эхэлж байгаа дүү нартаа хандаж хэлэхэд зорилгодоо үнэн ч шударга бэлтгэлдээ сэтгэлтэй тус ч энэрэнгүй зөв хүн байгаарай хэмээн захимаар байна.

Отгонтөгс Зулхүү

1988 онд Дархан-Уул аймгийн Дархан суманд төрж өссөн. Айлын том, дөрвүүлээ. Одоо тусдаа гарсан. Ам бүл дөрвүүлээ, хоёр хүүхэдтэй. Манай гэрийнхэн ер нь сагс, волейболын спортыг сонирхдог. 10 жилд байхдаа хичээлийн олимпиадад оролцдог хүүхэд байсан. Аймгийн олимпиад улсад хоёр хүрэл, нэг мөнгөн медаль авч, олон улсын химийн олимпиадад оролцох эрх авсан. Математик, физикээр мөн аймгийн олимпиадын медальтай. Хичээлд дуртай хүүхэд байсан. Төгсөх жил, 10-р ангид орох жилдээ волейболын секцэд орсон. Өвөө, эмээ дээрээ өссөн. Бага байхдаа ээж, өвөө, эмээ, гэр бүлийнхээ ачийг хариулсан сайн хүн болно л гэж боддог байсан.

Волейболын спортоор 16 наснаасаа хичээллэж эхэлсэн. Хичээл хийдэг ангийн дарга байсан. Манай ангийн 10 гаруй хүүхэд Дарханы биеийн тамир, спортын хороонд волейболын секцэд явдаг байлаа. Тэр үед ангийнхаа хүүхдүүдийг дагаж сонирхож үзээд таалагдсан. Уранчимэг багш болон Япон багш байсан тухайн үед. Хичээл номынхоо хажуугаар волейбол тоглох сонирхолтой байсан учраас хичээллэдэг болж, улмаар дурласан. 2011 онд Эрчим клубт тоглож байгаад тусдаа баг байгуулаад гарах болсон. Түүнээс хойш тусдаа байгуулсан багтайгаа багаа ахлаад тоглож байна. Анх баг тусдаа гарсан үе хамгийн спорттой холбоотой нандин үе.

Супер хүч гэвэл бодол унших хүчийг сонгох байсан. Одоо хүн болгон юу бодож байгаагаа илэрхийлээд байдаггүй болохоор бодлыг нь уншаад хүмүүсийн асуудлыг тэр хүнд нь мэдэгдэхгүйгээр шийдэж өгнө. Хүмүүсийн бодлыг мэдэж, нийгэмд хэрэгтэй зүйлс хиймээр санагдаж байна.

Эмэгтэй хүний биед нэг өдөр орвол илүү чөлөөтэй байж, хэлэхийг хүссэн зүйлээ хэлж, дураараа байж үзмээр байна.

Дуртай хоол эхнэрийн хоол. Оюутан байхад цадах гэж хооллодог байсан. Гэр бүлтэй болсноос хойш эхнэрийнхээ хоолонд дуртай болсон.

Алтайн Барс клубийн хувьд яг одоо байгаа бүрэлдэхүүнээрээ 2021 оноос эхлээд гурав дахь жилдээ тоглож байгаа. 2000 оны буюу 22, 23-тай залуучууд 70 хувь нэмэх нь ах нар нь гэсэн бүрэлдэхүүнтэй байна. Уур амьсгал харьцангуй дажгүй. Манай клуб 13 дахь жилдээ болж байгаа учраас тогтвортой, дотоод харилцаа сайн байдаг гэж бодож байна. Волейболын дотны найзууд гэвэл үе, үеийн хамт тоглож байсан найзуудаа нэрлэнэ. Дарханд өсвөр, идэрчүүдээс тоглож байсан Дарханы багийнхан, Алдар спорт хороо, Эрчим болон одоо тоглож байгаа Алтайн Барсийнхантайгаа бүгдэнтэй нь дотно байдаг.

Эмэгтэй хүний зөөлөн, энхрий шинж чанарт дуртай. Эхнэрийн маань бүх л юм таалагддаг.

Хамгийн их айдаг зүйл гэвэл гэр бүл болон хамгийн дотны хүмүүс өвдөхөөс айдаг.

Суурь мэргэжил эдийн засагч. Эрх зүйч мэргэжлийн магистр. Эдийн засгийн магистр. Хосолсон мэргэжилтэй. Улс, орныхоо хөгжилд тустай зөв үйл хийхийг л хүсдэг дээ.

Чөлөөт цагаараа гэр бүлээрээ, багийнхантайгаа гадуур зугаалах, хамт хоол идэж, кино үзэх дуртай. Дэлгүүр хэсэх дуртай. Дуртай дуучин Young MO-G. Дуртай хамтлаг Татар.

Ариунбаяр Мөнхбаяр

Би 1999.01.12-нд Дорнод аймгийн Хэрлэн суманд төрсөн. Ам бүл тавуулаа, доороо хоёр эрэгтэй дүүтэй. Аав маань Онцгой байдлын газарт ажиллаж байгаад тэтгэвэртээ гарсан. Одоо Дорнод аймгийн төмөр замын Баянтүмэн өртөөнд галын байцаагч. Ээж маань зүүн бүсийн оношилгоо, эмчилгээний төвд нярайн эх эмчээр ажилладаг. Би өөрөө хотод ганцаараа амьдарч байгаа, манай гэрийнхэн Дорнод аймагт амьдардаг. Би багадаа юм, юманд оролцсон хөдөлгөөнтэй, сэргэлэн хүүхэд байсан.

Бүжгийн спортоор 5 настайгаасаа хичээллэж эхэлсэн. Цэцэрлэгт байхад бүжгийн багш ирээд хүүхдүүд сонгон шалгаруулж байсан. Тэр үед аав, ээж намайг тэр багш дээр аваачиж өгч байсан. Одоо санахад бүжгийн багш толинд бүжиг бүжиглээд араас нь хүүхдүүд тэр хөдөлгөөнүүдийг нь дуурайж хийж байсан. Эвслийг нь шалгаад сонгон авч байсан. Тэр цагаас хойш бүжгээр тасралтгүй хичээллэж байгаа. Дунд нь 10-12-р ангидаа тасарсан. Оюутан болоод буцаад хичээллэх болсон. 2022 оны дэлхийн аваргад мөнгөн медаль хүртсэн үе маань бүжгийн спорттой холбоотой нандин үе. Бүжгийн спорт нь аяны хэмнэл, цохилт нь дээр биеэрээ мэдэрч, харуулж байгаа нь таалагддаг учраас таалагдаж, тууштай хичээллэдэг. Бүжиг бүжиглэж байхдаа орчлонгоос тасардаг гэж хэлж болно.

Супер хүчтэй болох боломжтой байсан бол шилжигч болно. Ийш, тийшээ шилжиж аялахдаа аялж, ажлаа амжуулахдаа амжуулаад байвал гоё санагдаж байна.

2018 онд Мүүндэнс хамтлагт орж байсан. 5 дахь удаагаа дэлхийн аварга шалгаруулах тэмцээнд орох гэж байгаа. Бид нарын бэлтгэл дандаа оройн цагаар 9-12 цагийн хооронд байдаг. Өглөө, өдөртөө хувийн бэлтгэл, хичээл зэрэг бусад ажлаа амжуулдаг. Ачаалал өндөртэй байдаг нь хэцүү зүйл нь. Тэмцээн болох газраа бол 12 цаг орчим өдөрт бэлтгэл хийдэг. Зорьсон зорилгынхоо төлөө дуртай зүйлээ хийж байгаа учраас хэцүү зүйлсээ тоохгүй өнгөрөөдөг. Өнгөрсөн дэлхийн аваргын хувьд 7-10 сарын хооронд бэлтгэл хийж, Нидерланд багштайгаа ярилцаж, нарийн төлөвлөгөө гаргасны үндсэн дээр мөнгөн медаль авсан. Манай баг мөнгөн медалийг л яг зорьсон байсан. Манай хамтлагийн бүжигчдийн утасны lockscreen дээр мөнгөн медалийн зураг байрлуулсан. Байнга мөнгөн медалиа яриад, зорьсондоо хүрч чадсан.

Олны танил хүмүүсээс краш гэвэл би дуучин Amrashk/Amra/-г крашладаг.

Би ер нь амьтанд их хайртай. Багаасаа нохой тэжээсэн. Төрөл бүрийн амьтан тэжээмээр байдаг. Нохой тэжээмээр байна. Муур тэжээхийг хүсдэг. Ярьдаг тоть, шувуу гээд олон амьтан тэжээж үзэхийг хүсдэг. Амьтанд их дуртай.

Одоогоор найз охин байхгүй. Эмэгтэй хүний ийм, тийм шинж чанар гэхээсээ илүү ээж шигээ л хүнтэй үерхэнэ дээ гэж боддог.

Мүүндэнс хамтлагаараа Монголын улсын 8 удаагийн аварга болсон. 2022 оны дэлхийн аваргад мөнгөн медаль хүртсэн. 2023 оны дэлхийн аваргад алтан медаль хүртэхийн төлөө зорьж байна.

Нэг хүний бодлыг уншиж үзэх боломж байсан бол аавынхаа бодлыг уншиж үзэхийг хүсэж байна. Аав үг, дуу цөөтэй. Тийм болохоор аав юу боддог, толгой дотор нь яг ямар бодлууд эргэлдэж байдаг гэдгийг мэдмээр байна.

Би их кино үзэх дуртай. Чөлөөт цагаараа гэртээ амрангаа бүтэн өдөржингөө кино үзэхийг илүүд үзнэ. Хамгийн түрүүнд ийм л бодол орж байна.

Амарсайхан Анарбилэгт

1995 онд Улаанбаатар хотод төрж, Дорноговь аймагт өссөн. Ам бүл дөрвүүлээ. Эхнэр хоёр хүүхдийн хамт амьдардаг. Багадаа их сахилгагүй хүүхэд байсан. Ер нь саяхныг хүртэл их сахилгагүй байлаа. Хүүхэдтэй болоод л 100% өөрчлөгдсөн. Том болоод аливаа зүйлд хичээнгүй, зөв үнэний төлөө дугардаг зарчимч хүн болохыг хүсдэг байлаа. Одоо түүнийхээ төлөө хичээж явна.

Сагсан бөмбөгөөр 15 настайгаасаа хичээллэж эхэлсэн. Дорноговь аймгийн Батлхам гэж багш маань сагсчин болох уу? гэж санал тавиад энэ спортод эргэлт буцалтгүй орсон. Дорноговиос улсын аваргад ирж тоглохдоо багаараа тамирын дээдийн хувцас солих өрөөнд 7 хоног байрлаж байсан. Эцэст нь улсын аварга гэдэг эрхэм хүндэт цолыг хүртэж байсан.

Супер хүчтэй болох боломж байсан бол Dr.Strange шиг л болно доо. Бүх чадварыг нь туршиж үзнэ.

Эмэгтэй хүний нэг өдөр орвол хүүхдэдээ мөөмөө хөхүүлж үзнэ. Мөн шинэ жилийн үдэшлэгт “dress” өмсөөд явж үзнэ.

Дуртай хоол гэвэл цуйван, будаатай хуурга, KFC.

Хасын хүлэгүүд багтай хийсэн гэрээ маань дуусгавар болж, цаашид хамтрах боломжгүй болсон тул багаа сольсон. IHC Apes багаас Э.Цэрэнбаатар маань санал тавьж багийн эзэнтэй уулзуулж өгсөн. Ер нь сагснаас Шандийнхантай их дотно доо. Найзуудтайгаа салхинд гарч, стрессээ тайлан амрах дуртай.

Эмэгтэй хүний цэвэрч нямбай байдал маш их таалагддаг. Эхнэрийн маань бүх зүйл таалагддаг.

Сагсан бөмбөг миний амьдралтай салшгүй холбоотой нэгээхэн хэсэг минь. Үлгэр дуурайлал авдаг тамирчин Draymond Green. Цаашид дахин аварга авах зорилго тавьсан байгаа.

Зүтгүүрийн инженер болон нягтлан бодох бүртгэл мэргэжилтэй. УБТЗ-ын Улаанбаатар татах хэсэгт НАБЕА-н инженер мэргэжлээр ажилладаг.

Чөлөөт цагаараа гэр бүлээрээ олон хоногоор аялалд явж, дурсамж бүтээхийг хүсдэг. Сагсанбөмбөгийн лигийн тоглолт бэлтгэл гээд гэртээ ихэнхдээ байдаггүй учир чөлөөт цагаараа болж өгвөл гэр бүлээрээ байхыг хичээдэг. Дуртай хамтлаг гэвэл Харанга, Lumino. Дуртай артист гэвэл Big Gee.

Туул Мэндбаяр

2001.01.09-нд Сэлэнгэ аймгийн Жавхлант суманд төрж өссөн. Гурван ах, хоёр эгчтэй, нэг охин дүүтэй. Манай аав болон бага ах маань үндэсний бөхөөр барилддаг. Манай ах, эгч нар бүгд тусдаа гарсан. Дүү маань аав, ээжтэй хамт амьдардаг. Би өөрөө хотод бэлтгэл сургуулилтаа хийдэг. Багадаа хурдан хөдөлгөөнтэй, юм бүхэнд эв дүйтэй шав шар охин байсан. Алсдаа хүн бүхэнд хүрч тусалж чаддаг, хүний хүндлэл хүлээсэн хүн болохыг хүсдэг байсан.

Боксын спортоор 2014 оноос хойш 13 настайгаасаа хичээллэсэн. Эхэндээ биеэ хамгаалдаг болохын тулд хичээллэж байсан. Нэг л мэдэхэд татагдаад орчихсон. Нэг шүлэг зохиож байсан санаанд орлоо. “Хөлс их урсгасан бэлтгэл Хүч шавхсан дасгалууд” гэж... Миний оролцож байсан тэмцээн бүр тухай бүртээ нэг зүйлийг заасан, ухааруулсан байдаг. Тэр дундаа 2016 онд Азийн хүүхдийн их наадамд ороход 11 кг хасаж байсан. Тэр тэмцээн сэтгэлд хамгийн ойр байдаг.

Чөлөөт цагаараа найз охидуудтайгаа хамт өнгөрүүлэхийг илүүд үздэг. Эсвэл гэртээ ганцаараа ном унших, хүүхэлдэйн кино үзэх дуртай. Боксын спортоос гадна сагсан бөмбөгийн спортод дуртай.

Эрэгтэй хүний биед нэг өдөр орох боломж гарвал найз охидуудаасаа ч юм уу болзоонд уриад нэг өдрийг гоё дурсамжтай өнгөрүүлж өгөхийг хүсэж байна.

Олны танил хүмүүсээс крашладаг хүн ер нь байдаггүй байсан. Ерөөсөө хүн крашлаж байгаагүй. Одоо болохоор номуудад нь их дуртай. Миний хамгийн их хүндэлдэг, хайрладаг зохиолч бол Тодко Самсон.

Ганцаарчилсан болон насанд хүрэгчдийн төгөлдөр хуурын хичээл, хүүхдийн балетын боловсролд зориулан сургалт явуулдаг "Lissom ballet studio"-д суралцахыг хүсвэл MSPORTS app-аар дамжуулан бүртгүүлээрэй.

Дуртай хамтлаг гэж байхгүй. Аль ч жанрын дууг сонсдог. Кино гэвэл дандаа хүүхэлдэйн кино үзэх дуртай. Яагаад хүүхэлдэйн кинонд дуртай гэвэл бодит ертөнцөөс тасраад бүх юмыг өөр ертөнцөд орж үзэх, бүх юмыг өөр талаас харах боломж олгодог юм шиг санагддаг.

Эрэгтэй хүний буурь суурьтай, хүнийг хүндэлдэг, хүмүүжилтэй, зан төлөв сайтай хүнд л дуртай.

Гаргасан онцлох амжилтууд гэвэл Азийн аваргын хүрэл медаль, Азийн хүүхдийн их наадмын хүрэл медаль, Азийн наадмын хүрэл медаль.

Нэг хүний бодлыг унших боломж байсан бол ээжийнхээ бодлыг уншиж үзнэ. Хүүхдүүдийнхээ төлөө ямар их хичээдэг тэр бодол, мэдрэмжийг өөрийн биеэр мэдрэхийг хүсэж байна.

Сэтгэл санаагаар унасан үедээ харанхуйд лааны гэрэл асааж суугаад бодлоо цэгцлэх дуртай. Эсвэл гэрээ цэмбийтэл цэвэрлээд хоол хийж идэнгээ хүүхэлдэйн кино үзэх дуртай.

Оюунцэцэг Есүгэн

2002 онд Хэнтий аймгийн Чингис хотод төрсөн. Ам бүл 7. Ах, 3 эгчтэй, айлын бага хүүхэд. Багадаа маш их хөдөлгөөнтэй, жоохон сахилгагүй талдаа охин байсан гэж гэрийнхэн маань ярьдаг. Бүх л охидын адил загвар өмсөгч болохыг хүсдэг байсан.

Волейболын спортоор 2014 онд 12 настайгаасаа эхлэн Монгол улсын гавьяат багш П.Нэргүйн удирдлагад хичээллэж эхэлж байхдаа холбогчоор бэлтгэгдэж, 2017 оноос Д. Жаргалсайхан дасгалжуулагч дээрээ довтлон тоглогчоор бэлтгэгдэж эхэлсэн. Мини волейболын улсын аварга шалгаруулах тэмцээнээс 2015онд хүрэл, 2016 онд мөнгөн медаль хүртэж их урам авч энэ спортод улам сонирхолтой болсон.

Чөлөөт цаг эсвэл амарч байгаа үедээ ихэвчлэн кино үздэг ганцаараа байхдаа драма төрлийн кино үздэг. Олуулаа бол аймшгийн кино үздэг. Волейболоос гадна сагсан бөмбөгийн спортыг үзэх дуртай.

Эрэгтэй хүний биед орвол довтолсон бөмбөгөө заалны таазанд хүргэж үзэх байх .

Одоо бол Тайландын волейболын шигшээ багийн тамирчин Wipawee Srithong-ийг крашлаж байгаа. Мундаг тамирчин өөрөөр анимегийн нэг дүр шиг санагддаг.

Миний дуртай кино “The theory of everything”- сэтгэлд үлдсэн бас хамгийн их уйлуулж байсан кино , Хамтлаг гэвэл Blackpink- Лисад дуртай болохоор юм болов уу.

Эрэгтэй хүн буурь суурьтай байвал л гоё гэж боддог.

Одоогоор хамгийн том амжилт залуучуудын улсын аварга шалгаруулах тэмцээний үнэ цэнтэй тоглогч болсон цаашдаа лигийн аварга авах л зорилготой.

Хүний бодол унших боломж байдаг байсан бол бага эгчийнхээ бодлыг уншина аа. 24/7 хамт байдаг хүн минь.

Сэтгэлээр унахаараа тэмдэглэл бичдэг. Юу хэцүү байгаагаа юунд гомдож байгаа гээд бүх зүйлээ бичихээр их дэмтэй байдаг даа.

Энхболд Хүслэн

2001 оны 4-р сарын 16-нд Дархан хотод төрж, Улаанбаатар хотод өссөн. Ам бүл зургуулаа, аав, ээж, 3 дүүгийн хамт амьдардаг. Гэр бүлд болон ойрын хамаатанд спортын хүн ерөөсөө ч байхгүй. 7 наснаасаа эхлэн гимнастикаар хичээллэж эхэлсэн болохоор тэр үеэс л эхлэн Олимпод оролцдог алдартай тамирчин болно гэж боддог байсан.

Уран сайхны гимнастикаар 7 настайгаасаа хойш хичээллэсэн. Анх зурагтаар гимнастикийн тэмцээн үзээд аав, ээждээ би ийм болмоор байна гэж хэлсэн. Жоохон байхдаа гэртээ их бүжиглэх дуртай хүүхэд байсан. Мэргэжлийн тамирчин болоход нөлөөлсөн зүйл гэвэл ямар ч үггүйгээр өөрийн дотоод мэдрэмжийг хүмүүст мэдрүүлэх тэр мэдрэмж маш гоё байсан. Харагдах гоо үзэмжийн хувьд ч маш гоё байсан болохоор уран сайхны гимнастикийн мэргэжлийн тамирчин байх замналыг сонгосон.

Чөлөөт цагаараа ууланд, салхинд гарах дуртай. Гоё Кофе шопод кофе ууж, ном уншиж тайван байх мөн дуртай. Өөр сонирхдог спортын төрөл гэвэл би хөлбөмбөг, сагсан бөмбөг, волейболын спортын дээд лигийн тэмцээнүүдийг сонирхож үздэг. Багийн спортуудыг үзэх дуртай.

Олны танил хүмүүсээс крашладаг хүн гэвэл Юүтүбер Түшиг ах. Гадаадаас гэвэл уран гулгалтын тамирчин Юүзүрү Ханюу.

Эрэгтэй хүний оронд нэг өдөр орох боломж байх байсан бол хамгийн түрүүнд бэлтгэлээ л хийж үзнэ дээ. Илүү булчинлаг болохоор юм хийхэд хөнгөн амар байдаг болов уу гэж дандаа боддог ккк

“I origins” гэдэг кинонд маш их дуртай. Гүнзгий утга агуулгатай болохоор үзэх бүртээ шинэ зүйл анзаарч бас хайрлаж үздэг. Хамтлаг гэвэл бага байхдаа Киви хамтлагийг өдөр, шөнөгүй сонсдог байлаа. Тэр үед тийм гоё эмэгтэйлэг гоё эгч болно оо гэж боддог байсан кк. Одоо ч өдөрт 1 удаа Кивигээ сонсдог доо.

Уран сайхны гимнастикийн ДАШТ-д эрхээ авч оролцсон Монголын анхны болон одоохондоо цорын ганц тамирчин. Улсын 7 удаагийн аварга. Азийн цомын аварга шалгаруулах тэмцээний 1 мөнгө , 4 хүрэл медальтай.

Найз залуу байхгүй ээ. Эрэгтэй хүний биеэ даасан тодорхой шийдвэр гаргаад түүнийхээ төлөө бодит үйлдэл хийж байгаа, урдах зүйлээ маш сайн хийдэг даруу занд л дуртай даа.

Хүний бодлыг уншиж үзэх боломж байсан бол крашилдаг залуугийнхаа бодлыг уншина аа. Намайг сонирхоод байна уу, үгүй юу гэдгийг нь мэдчихвэл яг хичээх үү, болих уу гэдгээ шийдэх гээд байна.

Сэтгэлээр унасан үедээ ер нь гараад гүйчихээр хамаг бодол хөнгөрөөд ирдэг. Амьдрал ямар энгийн билээ дээ бүх зүйлийг тийм сериозны биш шүү дээ гэдгийг мэдрүүлдэг болохоор гүйх л дуртай.

Хашбат Ундрам

1997 оны 8-р сарын 8-нд Дархан-Уул аймагт төрсөн. Хүүхэд насаа Хонгор суманд өнгөрүүлсэн ба багадаа их сахилгагүй, хөдөлгөөнтэй хүүхэд байсан.

Чөлөөт бөхийн спортоор 12 наснаасаа эхэлж хичээллэсэн. Бага байхдаа үндэсний бөхөөр барилдах сонирхолтой байсан боловч үеийнхнээсээ жижиг биетэй болохоор жингийн спорт буюу чөлөөт бөхийг сонгосон.

Чөлөөт цагаараа тайван байх дуртай. Голоор алхаж, загасчлах дуртай.

МУГД Ц.Баярсайхан болон Ё.Батдархан хоёр багшаасаа олон зүйл сурсан. Тэднийгээ хүндэлж, үлгэр жишээ авдаг.

Адал явдалт кинонд дуртай Green Zone болон Fantastic Production-ны кинонуудад дуртай.

"МӨНГӨНГҮҮР" эмнэлгийн Яаралтай Түргэн Тусламжийн тасаг ХЭЗЭЭД БЭЛЭН 24/7 ажиллаж байна.
Утас: 77-102-103

Азийн наадамд түрүүлэх зорилготой явсан ч хүрэл медаль хүртсэндээ баяртай байгаа. Бэлтгэлийн үр шим маань бага багаар гарж байгаад нь сэтгэл хангалуун байна. Багш нар, гэр бүл хамаатан садан найз нөхөд маань надаар их бахархаж байсан нь таатай санагдсан.

Эхнэр, охинтойгоо хамт амьдардаг. Эмэгтэй хүмүүс өөртөө итгэлтэй ,нээлттэй, үнэнч байх нь сайхан санагддаг.

Ихэвчлэн гэртээ хоол хийж идэх дуртай. Хамгийн дуртай хоол гэвэл цуйван, банштай цай юм даа.

Ойрын зорилго гэвэл Чөлөөт бөхийн Улсын аварга шалгаруулах тэмцээнд амжилттай оролцох. Цаашлаад ирэх зуны олимпод оролцох алсын бодолтой байна даа.

Чөлөөт бөхийн спорт бусад спортыг бодвол тэсвэр тэвчээр, хурд хүч, ухаалаг байдал их шаарддаг хүнд спорт гэж боддог. Тиймдээ ч дээрх чадваруудыг эзэмшихийн тулд бэлтгэл сургуулилт их шаарддаг.

Нармандах Насанбуян

1995 оны 10-р сарын 14нд Улаанбаатар хотод төрсөн. Хүүхэд насаа төмөр зам, зурагт, хөдөө эмээ өвөө дээрээ зэрэг олон газар өнгөрүүлсэн.

Брейк бүжгийн спортоор 2011 оноос хойш бүжиглэж эхэлсэн. Тасралтгүй 12 жил хичээллэж байна.

Анх нэг хүн толгой, далан дээрээ эргэж байгааг нь хараад нүдэндээ итгэлгүй энэ хүн юу хийгээд байна аа гээд сонирхож эхэлсэн. Кино, клипэнд дээр гарч байгаа сонин, этгээд хөдөлгөөнүүдийг хараад дагаж, бүжиглэх сонирхолтой болсон.

Брейк бүжиг спортын төрөл болохоор хүмүүс ч гэлтгүй манайхан ч бас анх их гайхсан. Нэг талаараа шинэ залуу бүжигчдэд том боломж болж байна. Манай улсад зөвхөн бүжгээр дагнаж явахад хүнд байдаг бол одоо илүү хөгжиж чадвал спортын төрлөөрөө олон улстай өрсөлдөж цаашлаад Олимпод оролцох боломжтой болсон.

Бүжиглэхээс гадна Дота2 тоглох дуртай сүүлийн үед Айрсофт буюу буудлагын спортоор хичээллэх сонирхолтой болсон. Ирэх жилээс илүү их хөгжүүлнэ ээ.

Дуртай дүрүүд гэвэл Солонгосын “All In” цувралын гол дүрийн эрэгтэй эмэгтэй хоёр. Энэ цувралыг өнгөрсөн жил бүтэн өдрийн дотор үзэж дуусгасан. Тэгэхэд тэр хоёрын дүр сэтгэлээс гарч өгөхгүй маргааш нь шаналж байсан. Өөр миний хамгийн дуртай дүр гэвэл Бэтмэн. Shutter Island, Fight Club, Inception зэрэг төгсгөлдөө зангилаа нь тайлагддаг кинонд дуртай.

Хүнд гай болохгүй, илүү юманд шунахгүй, хүнээрээ байх гэж их хичээдэг.

Миний хувьд арай туршлага ихтэй, багийнхнаасаа ахмад, олон тэмцээнд орсон туршлагатай болохоор тайзан дээр болон бэлтгэл дээр хөдөлгөөн нэмэх, шинэчлэх зүйлүүд дээр зөвлөгөө өгдөг. Хамтлагийн уур амьсгал доошлох, сэтгэл санаагаар унах үед хамт алхах, ярилцах зэргээр нэг нэгнээ дэмждэг.

Энэ спортыг сонгоход нөлөөлсөн эрхмүүд гэвэл ах нар байгаа мөн Bboy Junior гээд залууг анх хоёр гар дээрээ тогтоод хөлөө газарт хүргэлгүй суниалтын хэлбэртэй тогтож байхыг хараад хүн ингэж болдог юм уу гээд шоконд орж байсан. Энэ хүн шиг больё гэсэн бодол шууд орж ирсэн. Bboy Lilu гээд галзуу характертай, эрч хүчтэй, гоё хувцаслалттай бүжигчин байдаг. Түүний кет, шилэн урт оймс, богино өмдтэй бүжиглэхийг нь хараад ижилхэн хувцасладаг байсан. Бүр түүнийг дуурайж үсээ хүртэл хусаж байсан удаатай.

10 жилийн хүүхдүүдийг завсарлагааны юм уу чөлөөт цагаар нь брейк бүжгийг сургалт маягаар оруулж өгвөл зүгээр санагддаг. Брейк бүжиг нь маш сайн дасгал болж өгдөг. Бүжиг дээрээс нь атлетик чадвар хөгжүүлдэг учраас аль аль талийг нь хөгжүүлэх боломжтой.

Чулуунбаатар Дөлгөөн

Улаанбаатар хотод 2002.07.24-нд төрсөн. Бага насаа Дархан хотод өнгөрүүлсэн ба хүүхэд байхдаа хөдөлгөөнтэй, сахилгагүй хүүхэд байлаа.

11 настайгаасаа сагсан бөмбөгөөр хичээллэж эхэлсэн. Ойр дотнынхон маань сагсан бөмбөгт их сонирхолтой хүмүүс. Аав, авга эгч хоёр маань зөвхөн надад зориулж сагсны талбай барьж өгсөн нь намайг энэ спортод дуртай болгосон.

Инээдмийн кино болоод, Кдрама үзэх дуртай. Хамгийн дуртай кино гэвэл Moon Lovers

U23 залуучуудын шигшээ багийн тамирчин, Оюутны дэлхийн аваргын хүрэл медаль, Азийн наадмын мөнгөн медалийг саяхан хүртлээ.

Чөлөөт цагаа ихэвчлэн гэр бүлтэйгээ болон найзуудтайгаа хөгжилдөж өнгөрөөх дуртай. Мөн биллиард, хөзөр хоёр их сайн тоглодог гэдгийг хүмүүс тэр бүр мэдэхгүй байх.

Үндэсний дээд лигийн аварга баг гэдгээ дахин батлахын төлөө хичээнэ. Ирээдүйд Монгол улсынхаа нэрийг улам өндөрт өргөсөн сайн тамирчин болох зорилготой.

Манай багийн эгч нар, гэр бүлийнхэн, багш дасгалжуулагч, найз нөхөд, их сургуулийн багш нар, АСL хагалгаанд орсны дараа эдгээх гэж 2 жил болсон Эба ах бүгд миний амьдралд, сагсан бөмбөг тоглоход маань тусалж дэмжсэн. Бүгдэд нь баярлалаа 😊

Бага наснаасаа одоог хүртэл Стефен Көрри-ийн тоглолтыг үзэж залалтыг нь туршиж, дуурайх гэж хичээдэг. 7 номерыг сонгосон маань Кармело Энтонитой холбоотой. Одоо Лука Дончичийг үзэж, дэмжих дуртай болсон.

Найз залуу одоохондоо байхгүй. Эрэгтэй хүний цэвэрхэн хувцаслалт, хүмүүстэй ярьж байгаа хандлага, хэр мэдрэмжтэй вэ зэргийг нь хардаг.

Азийн наадмын мөнгө медалийн болзол хангах үеийн сүүлийн мэдрэмжийг үгээр илэрхийлэхийн аргагүй байна. Ямартай ч медаль авах зорилготой очиж түүндээ ч хүрж чадсандаа сэтгэл их өндөр байна. Сүүлийн самбарын хувьд урьд өдөр нь чатаар Б.Хулан эгч “Эгчийн дүү хоёр дахь боломжийн төлөө сайн яваад багийнханд нь юу дутагдаж байна тэрийг нь л хийгээрэй” гэж зөвлөсөн. Чөлөөт шидэлт хийхийн өмнө шууд минутын амралт авсан ба багийнхан маань “Тайван байгаарай чи чадна” гэж хэлсэн. Дасгалжуулагч нар бэлтгэл дээр тайван нямбай шидээрэй гэж зөвлөсөн болохоор 2, 3 залж байгаад их тайван өөртөө итгэлтэй шидсэн. Сүүлд нь хувцас солих өрөөндөө ороод юу болоод өнгөрчихвөө гээд гар хөл салгалаад нэлээн сандарсан даа.