FIFA болон Европын сагсан бөмбөгийн холбооноос зохион байгуулдаг “Евро Баскет 2025” тэмцээний гурав дахь өдрийн тоглолтууд боллоо. “А” болон “В” хэсгийн хоёр дахь тоглолтууд боллоо. Тоглолтуудын үр дүн, оноо авалт болон бусад зүйлсээр тэргүүлсэн тоглогчид, хүснэгтийн байрлалыг тоймлон хүргэвэл.

“А” хэсгийн тоглолтууд:

Турк болон Чех улсын шигшээ багуудын тоглолт боллоо. Тоглолтын үр дүн 92-78-ийн харьцаатай Турк улсын шигшээ баг ялалт байгууллаа. Турк улсын бүрэлдэхүүнээс Alperen Sengun сайн тоглолтыг үзүүлж 23 оноо, 12 самбар, 9 дамжуулалтыг өгч онц сайн тоглолтыг үзүүллээ. Түүнд тус болж багийн анд Cedi Osman 21 оноо авлаа.

Дараагийн тоглолт Эстони болон Латви улсын шигшээ багууд маш ойролцоо болж тоглолт 2 онооны зөрүүтэй дууслаа. Тоглолтын үр дүн 72-70-ийн харьцаатай Латви улсын шигшээ баг ялалт байгууллаа. Латви улсын шигшээ багийн бүрэлдэхүүнээс Davis Bertans сайн тоглолт үзүүлж 26 оноот, 7 самбар гэсэн үзүүлэлт үзүүлж тоглолтыг дуусгалаа. Багийн хамтрагчид нь бүгд жигд сайн тоглолтыг үзүүлжээ.

“А” хэсгийн сүүлийн тоглолт Серби болон Португал улсын шигшээ багууд тааран тоглож үр дүн 80-69-ийн харьцаатай Селрби улсын шигшээ баг ялалт байгууллаа. Серби улсын багаас Nikola Jokic сайн тоглолтоо үзүүлж 23 оноо, 10 самбараас бөмбөг авалт хийлээ.

Ингэснээр “А” хэсэгт байгаа зургаан багийн хожил байгуулсан гурван баг тус бүр 2 оноо, харин хожигдсон гурван баг тус бүр 1 оноо авлаа.

“В” хэсгийн тоглолтууд:

Герман болон Швед улсын багуудаар эхэллээ. Тоглолтын эцэст 105-83-ийн харьцаатай Герман улсын шигшээ баг ялалт байгууллаа. Герман улсын багаас Dennis Schroder 23 оноо, 7 дамжуулалт, багийн хамтрагч Franz Wagner 21 оноо авч багтаа тус хүргэлээ.

Lithuania болон Монтенегро улсын шигшээ багууд хоорондоо таарч 94-67-ийн харьцаатай Lithuania улсын шигшээ баг ялалт байгууллаа. Lithuania улсын бүрэлдэхүүнээс Rokas Jokubaitis 21 оноо, 12 дамжуулалт өгч сайн тоглолт үзүүллээ. Мөн туршлагатай тоглогч Jonas Valanciunas 19 оноо авлаа.

Дараагийн тоглолт Финлянд болон Их Британи улсын шигшээ багууд тоглож 109-79-ийн харьцаатай Финлянд улсын баг ялалт байгуулжээ. Финлянд улсаас Lauri Markkanen гайхалтай сайн тоглолт үзүүлж 43 оноо авч сайн тоглолт үзүүллээ. Энэ одоогийн байдлаар “Евро Баскет 2025”-ийн хамгийн өндөр оноо авсан тоглогч болоод байна.

Ингэснээр “В” хэсэгт байгаа зургаан багийн хожил байгуулсан гурван баг тус бүр 2 оноо, харин хожигдсон гурван баг тус бүр 1 оноо авлаа.