Эмэгтэйчүүдийн волейболын ДАШТ Тайланд улсын нийслэл Bangkok болон Phuket, Chiang Mai, Nakhon Ratchasima гэсэн 4 хотод зохиогдож байгаа билээ. Волейболын эмэгтэйчүүдийн ДАШТ-ий хэсгийн тоглолтууд дуусаж шилдэг 16 баг тодроод байгаа бөгөөд хэсгийн шатанд үзүүлсэн тамирчдын статистик хүргэж байна.

Тэмцээний хэсгийн шатанд хамгийн олон оноог авсан шигшээ багаар Польш тэргүүлсэн бөгөөд тэд хэсгийн шатанд 3 тоглолт хийж 14 сет тоглохдоо 300 оноог авсан байна.

Нидерландын шигшээ баг хэсгийн 3 тоглолтод оролцож 13 сет тоглохдоо 298 оноог авсан байна. 

Харин тэмцээний турш хамгийн бага оноог авсан шигшээ багаар эмэгтэйчүүдийн ДАШТ-ий 3 удаагийн аварга Куба улсын шигшээ баг 3 тоглолтод оролцож 10 сет тоглохдоо 181 оноо авсан байна.

Тэмцээний хэсгийн шатанд хамгийн олон оноо авсан хувь тоглогчоор Шведийн шигшээ багийн лидер Isabella Haak хэсгийн шатны 3 тоглолтод оролцож 95 оноо авсан байна. Түүний хувьд довтолгоогоор 85 оноог авсан бөгөөд 5 удаа хаалтаар, 5 удаа давуулалтаар оноо авсан байна. Хэдийгээр түүний хувьд маш сайн амжилт үзүүлсэн ч шигшээ баг нь харамсалтай нь хэсгийн шатнаас 1 хожил 2 хожигдолтойгоор тэмцээнээ өндөрлүүлсэн.

Харин хоёрдугаар байрт Аргентины шигшээ багийн тамирчин Bianco Cugno хэсгийн шатны 3 тоглолтод оролцож 70 оноо авсан байна. Түүний хувьд довтолгоогоор 63 оноо авсан бөгөөд 6 удаа хаалтаар, 1 удаа давуулалтаар оноо авсан байна. Хэдийгээр түүний хувьд маш сайн амжилт үзүүлсэн ч шигшээ баг нь 1 хожил 2 хожигдолтойгоор тэмцээнээ өндөрлүүлсэн.

Хэсгийн шатанд оноо авалтаар гуравдугаар байранд Мексикийн шигшээ багийн тамирчин Sofia Maldonado Diaz 68 оноо авсан байна. Түүний хувьд довтолгоогоор 64 оноо авсан бөгөөд хаалтаар 4 оноо авсан байна. Хэдийгээр түүний хувьд маш сайн амжилт үзүүлсэн ч шигшээ баг нь 1 хожил 2 хожигдолтойгоор тэмцээнээ өндөрлүүлсэн.

Тэмцээнийг хаалтаар тэргүүлэгчид:

Тэмцээний хэсгийн шатанд Украйны шигшээ багийн голын хаагч Diana Meliushkyna 15 хаалт хийж тэргүүлсэн байна.

Түүний араас Мексикийн шигшээ багийн ахлагч, голын хаагч Jocelyn Urias 13 хаалт хийсэн байна.

Харин гуравдугаарт Словенийн шигшээ багийн голын хаагч Nika Milosic 12 хаалт амжилттай гүйцэтгэсэн байна.

Тэмцээнийг давуулалтаар тэргүүлэгчид:

Тэмцээний хэсгийн шатанд Польшийн шигшээ багийн тамирчин Martyna Czyrnianska давуулалтаар 10 оноо авч тэргүүлсэн байна.

Түүний араас Францын шигшээ багийн тамирчин Iman Ndiaye давуулалтаар 9 оноо авч удаалсан байна. 

Харин гуравдугаарт Словенийн шигшээ багийн голын хаагч Nika Milosic 6 давуулалт амжилттай гүйцэтгэсэн байна.