Казахстан улсын Шымкет хотод буудлагын спортын Ази тивийн аварга шалгаруулах тэмцээн эхлээд 14 дэх өдрөө үргэлжилж байна.

16 дахь удаагаа зохион байгуулагдаж байгаа энэхүү тэмцээнд манай улсын 30 тамирчин оролцож байгаа бөгөөд гурав дахь медалиа ийнхүү хүртлээ.

Өсвөрийн ангилалд эмэгтэй урт буучид багийн дүнгээр хүрэл медаль хүртсэн. 

СМ Я.Маргад 623.2 шигшээ буудлагад шалгарч 5-р байр,

СМ Я.Марал 621.2 онож шигшээ буудлагад шалгарч 6-р байр,

СМ Э.Энххүслэн 620.8 онож 9-р байр, багийн дүнгээр 1865.2 оноогоор Хүрэл медаль хүртсэн сайхан амжилтын эзэд боллоо.

Харин хоёр хоногийн өмнө олон улсын хэмжээний мастер Э.Даваахүү сонгомол гар бууны 50 метрийн дасгалд хүрэл медаль хүртсэн юм. Түүний хувьд 1987 оноос хойш 38 жилийн дараа гар бууны ангилалд Ази тивийн медаль хүртлээ. Энэ нь тэмцээнд оролцож байгаа тамирчидын ААШТ-ээс хоёр дахь медалиа хүртсэн нь энэ болж байна.

Тэгвэл өчигдөр залуучуудын ангилалд урт бууны 50 метрийн дасгалд үндэсний шигшээ багийн тамирчин Б.Эрхэмбаяр 622.6 оноогоор мөнгөн медалийн эзэн болов. Тэрбээр Ази тивийн аваргаас анхны медалиа авч байна. Түүний үзүүлсэн энэхүү амжилт нь Монголын урт бууны эрэгтэй тамирчдын хувьд анхдагч гэдгээрээ онцлог болж байна. 

Монголын буудлагын тамирчид 1974 оноос хойш өнөөдрийг хүртэл ААШТ-д тасралтгүй оролцож байна.