Олон улсын сагсан бөмбөгийн холбооны 3х3 төрлийн FIBA U23 Nations League, Stop 1 тэмцээнд манай улсын U23 насны шигшээ баг оролцож, эхний тэмцээний аваргаар тодорлоо. Энэхүү тэмцээнд Г.Дөлгөөн, А.Азбаяр, Ч.Тэмүүлэн, С.Биндэрьяа зэрэг тамирчид багтан оролцсон юм. Манай шигшээ B хэсэгт Филиппины шигшээг 21-12 харьцаатай ялж, Японд 21-17 харьцаатай хожигдсон ч онооны тэргүүллээр нэгдүгээр байраар шалгарсан. Улмаар А хэсгийг тэргүүлэгч хүчирхэг БНХАУ-ын шигшээтэй аваргын төлөөх тоглолтод багаараа жигд тоглож, эцсийн мөчид Ч.Тэмүүлэнгийн дамжуулалтаар А.Азбаяр хожлын оноог авч 20-19 харьцаатай ялалт байгууллаа.
Аваргын төлөөх тоглолтод
· Г.Дөлгөөн-4 оноо
· А.Азбаяр-4 оноо
· Ч.Тэмүүлэн-7 оноо
· С.Биндэрьяа-5 оноо тус тус авсан юм.
