Өдөр бүр, хором мөч бүр янз бүрийн мэдрэмжтэй тэмцэж, хэнээс ч илүү хүнд үеийг туулж байгаа хөгжөөн дэмжигч та бүхэнд энэ үгийг заавал хэлэхийг хүссэн юм. Энэ тэмцээн надад ч мөн хэнээс ч илүү үнэ цэнтэй байсан. Миний үргэлж ярьдаг байсан "хүүхэд насны минь мөрөөдөл" нуран унасан мэт санагдаж, үгээр илэрхийлэхийн аргагүй хүнд, өвдөлттэй байна. Үнэнийг хэлэхэд одоо ч энэ бодит байдлыг хүлээн зөвшөөрөх амаргүй байна. Надаас ч илүү их урам хугарч, сэтгэл нь шархалсан та бүхнийг бодохоор өөрийнхөө мэдрэмжийн талаар ярих хүртэл болгоомжтой санагдаж байна. Гэхдээ та бүхний мэдэрч буй зүйл миний мэдэрч байгаагаас нэг их ялгаагүй гэж бодож байна.
Энэ тайзанд хүрэхийн тулд ямар их зүйл золиослогдсоныг би сайн мэднэ. Та бүхний зориулсан цаг хугацаа, сэтгэл, мөн хэзээ ч хувираагүй дэмжлэг, хайрыг эцэст нь үр дүнгээр нь хариулж чадаагүйдээ би ч мөн асар их хариуцлага мэдэрч байна. Үнэхээр чин сэтгэлээсээ уучлал хүсэж байна. Мөн эцсийн мөч хүртэл бидэнд итгэж, дэмжиж, хамт байсан бүх хүмүүст чин сэтгэлээсээ баярлалаа.
Одоо үгээр биш, харин үйлдлээрээ БНСУ-ын ард түмэн, хөлбөмбөгийн хөгжөөн дэмжигчдийн итгэлийг эргүүлэн олж авахын төлөө би өөрийн байр суурин дээрээс бүх хүчээ дайчлан ажиллах болно. Та бүхэнд дахин баяр баясгалан бэлэглэхийн төлөө амиа тавин зүтгэнэ. Хөгжөөн дэмжигчидтэйгээ хийсэн амлалтаа би хэзээ ч мартаагүй. Та бүхэн намайг дахин эргэн дуудах хүртэл, намайг хэрэгтэй гэж үзэх хүртэл би бүхнээ зориулж, илүү сайн бэлтгэлтэйгээр эргэн ирэх болно.
Эцэст нь, ийм нөхцөл байдалд дахин нэг зүйл хүсэж байгаадаа сэтгэл үнэхээр хүнд байна. Гэхдээ бүх тоглогчдыг хэтэрхий их шүүмжилж, шархлуулахын оронд, маш хэцүү байгаа ч гэсэн тэдэнд халуун дулаан дэмжлэг, урам зориг хайрлаарай гэж чин сэтгэлээсээ хүсэж байна.
Урт захидлыг минь дуустал уншсан та бүхэндээ баярлалаа.” Хэмээн захидал үлдээжээ.
📝 Мэдээллийн ивээн тэтгэгч:
🤝 ҮҮЭТ ХХК ЭВТ БРЭНД - Эрүүл хүнсийг Эвт брэндээс
🤝 VNG Travel - Европыг танд илүү ойртуулна.
Selfy - Олон Улсын Дата Сим - Дурсамж дүүрэн аялалд хамтдаа
