Нийслэлийн Засаг Даргын Тамгын газар, Нийслэлийн Биеийн тамир спортын газраас жил бүр уламжлал болгон зохион байгуулагддаг Улаанбаатар хотын ЕБС сурагчдын сагсанбөмбөг, волейболын АШТ энэ жилийн буюу 2025-2026 оны хичээлийн жилээс эхлэн НБТСГ болон msports хамтран илүү өргөн цар хүрээтэй ЕБС сурагчдын лиг болон амжилттай үргэлжилж байна.

Энэ жилийн тэмцээн 2025.11.14-ний өдөр эхэлсэн бөгөөд төвийн 6 дүүргийн Ахлах ангиллын сагсанбөмбөг, волейболын төрлийн аваргууд, шилдэг тоглогч нар тодорч, шигшээ 32 багууд Нийслэлийн аваргын бэлтгэлдээ гараад байна.

Өнгөрсөн амралтын өдрөөс эхлэн төвийн 6 дүүргийн бага ангиллын сагсанбөмбөг, бага болон дунд ангиллын волейболын төрлийн тэмцээн эхэллээ.

Бага, дунд ангиллын сагсанбөмбөг, волейболын дүүргийн аваргууд 2026.03.31-ний өдөр тодорч ангилал бүрийн шилдэг-32 баг Улаанбаатар КАП тэмцээний шигшээ тоглолт буюу Нийслэлийн аваргын төлөө 2026.04.04-2026.05.13-ны өдрийг хүртэл өрсөлдөнө.

Мөн энэ долоо хоногт Зүүн 3 дүүрэг буюу Налайх, Багануур, Багахангай дүүргийн тэмцээн зохион байгуулагдаж Улаанбаатар КАП тэмцээний шигшээ-32т дүүргээ төлөөлөн өрсөлдөх багууд тодорно.