Олимп, Дэлхийн аварга, NBA-ийн 4 удаагийн бүх одод Демаркус Казинс Монголын Үндэсний дээд лигийн Сэлэнгэ Бодонс багт дахин нэгдлээ. Түүний хувьд 2010 онд NBA-ийн драфт-н эхний тойргийн 5 дахь сонголтоор Сакраменто Кингс багт сонгогдож байсан бөгөөд NBA-ийн замналдаа 654 тоглолтод оролцож, 19.6 оноо, 10.2 самбар, 3 дамжуулалт дундажлаж байсан.

NBA-ийн замналынхаа араас Пуэрто Рико улсын дээд лигийн Mets de Guaynabo багт нэгдсэн бөгөөд улиралд 17 тоглолтод оролцож, 20.4 оноо, 10.9 самбар, 4.5 дамжуулалт дундажлаж, плей-оффт 10 тоглолтод оролцож, 16.6 оноо, 7.9 самбар, 3.9 дамжуулалт дундажласан байна.

Харин өнгөрсөн улиралд Монголын Үндэсний дээд лигт Сэлэнгэ Бодонс багийн өмнөөс плей-оффын 12 тоглолтод оролцож, 23.3 оноо, 12.5 самбар, 4.3 дамжуулалт, 1.5 хаалт дундажласан байна.

Демаркус Казинс: Би одоо 35 настай. Зодог тайлах цаг ойртож байгаа байх. Гэхдээ би одоо ч сагсанбөмбөгт хайртай байна. Би Сэлэнгэ бодонс багт ялалт авчирна. Аварга болохоор ирсэн хэмээн мэдэгдлээ.

Демаркус Казинс Монголын дээд лигт тоглосныхоо дараа Пуэрто Рико улсын дээд лигийн Mets de Guaynabo багт дахин нэгдсэн бөгөөд 10 тоглолтод оролцож, 18.2 оноо, 9 самбар, 4.7 дамжуулалт дундажласан байна.

Гэрэл зургийг: The League - Үндэсний Дээд Лиг