Хөлбөмбөгийн ДАШТ-ий шөвгийн наймын эхний тоглолтод Европын хүчирхэг төлөөлөл Франц болон Африкийн бахархал Марокко багууд дахин учраа таарлаа. Дөрвөн жилийн өмнө Катарын ДАШТ-ий хагас шигшээд таарч байсан эдгээр хоёр багийн өрсөлдөөн энэ удаа илүү өндөр үнэ цэнтэй.

Франц

Францын шигшээ тэмцээний турш аваргын өнгөө алдаагүй явж байна. Хэсгийн шатнаас итгэл төгс гарсан тэд шөвгийн 32-т Шведийг 3:0-ээр буулган авч, шөвгийн 16-д Парагвайг 1:0-ээр хожсоноор шөвгийн наймд шалгарсан. Дидье Дешамын удирдсан баг хамгаалалт, довтолгооны тэнцвэрээ хадгалж, том тоглолтуудад туршлага хэр их үнэ цэнтэйг дахин харуулсаар байна. Мэдээж Францын хамгийн том найдвар бол Килиан Мбаппе. Тэр энэ ДАШТ-д багийнхаа довтолгоог манлайлж, шийдвэрлэх мөч бүрд багаа аварч чаддаг гэдгээ дахин нотолсоор байна. Гэхдээ Франц зөвхөн нэг тоглогчоос хамаардаг баг биш. Усман Дембеле, Майкл Олисе зэрэг довтолгооны шугамын тоглогчид ч гайхалтай формтой байгаа нь тэднийг тэмцээний хамгийн аюултай багуудын нэг болгож байна.

Марокко

Нөгөө талд Марокко дахин түүх бичихэд ганцхан ялалт дутуу байна. 2022 онд Африк тивээс анх удаа ДАШТ-ий хагас шигшээд шалгарсан тэд энэ удаа ч дэлхийг гайхшируулсаар явна. Хэсгийн шатанд Бразилтай тэнцэж, хоёрдугаар байраар шалгарч, хасагдах шатанд Нидерландыг торгуулийн цохилтоор буулган авсны дараа Канадыг 3:0-ээр илүүрхэн хожиж, шөвгийн наймд хүрсэн нь энэ баг санамсаргүй амжилт гаргаагүйг харууллаа. Мароккогийн гол хүч нь багийн зохион байгуулалт. Ашраф Хакими тэргүүтэй хамгаалалтын шугам маш сахилга баттай тоглож, боломж гармагц хурдан сөрөг довтолгоо өрнүүлдэг. 

Энэ тоглолтын бас нэгэн сонирхолтой өнцөг нь хоёр багийн өнгөрсөн түүх. 2022 оны ДАШТ-ий хагас шигшээд Франц 2:0-ээр ялж, Мароккогийн үлгэрийг өндөрлүүлж байсан. Харин Мароккогийн хувьд энэ удаагийн тоглолт зөвхөн хагас шигшээ шатны эрхийн төлөө бус, дөрвөн жилийн өмнөх хариугаа авах боломж юм. Харин Францын хувьд дэлхийн аваргын цомын төлөөх замаа үргэлжлүүлэхийн тулд хамгийн хүнд өрсөлдөгчдийн нэгийг давах шаардлагатай тулгарч байна. Энэхүү тоглолтыг бүхэлдээ Аргентины шүүгчдийн баг шүүн явуулахаар болсон нь олон нийтийн дунд маргаан дагуулж байна. Учир нь Франц, Аргентины хооронд 2022 оны ДАШТ-ий шигшээ тоглолтоос хойш өрсөлдөөн, мөн энэ удаагийн тэмцээнд Аргентинтай холбоотой шүүлтийн маргаанууд гарсан учраас Францын хэвлэл, хөгжөөн дэмжигчид ашиг сонирхлын зөрчил үүсч болзошгүй гэж шүүмжилж байна

Энэхүү хоёр баг өмнө нь нийтдээ 6 удаа хоорондоо таарч, Францын шигшээ баг 4 удаа хожиж, 1 удаа тэнцэж, Мароккогийн шигшээ баг 1 удаа торгуулийн цохилтоор хожиж байв.

Франц болон Мароккогийн шигшээ багуудын хоорондын тоглолтууд:

Франц 2:1 Марокко /Нөхөрсөг Тоглолт, 1988 он/

Франц /5/ 2:2 /6/ Марокко /Хасаны цом, 1998 он/

Франц 1:0 Марокко /Нөхөрсөг Тоглолт, 1999 он/

Франц 5:1 Марокко /Хасаны цом, 2000 он/

Франц 2:2 Марокко /Нөхөрсөг Тоглолт, 2007 он/

Франц 2:0 Марокко /ДАШТ, 2022 он/

Францын шигшээ багийн ДАШТ-ий сүүлийн гурван тоглолтын үр дүн:

Франц 4:1 Норвег

Франц 3:0 Швед

Франц 1:0 Парагвай

Мароккогийн шигшээ багийн ДАШТ-ий сүүлийн гурван тоглолтын үр дүн:

Марокко 4:2 Хаити

Марокко /3/ 1:1 /2/ Нидерланд

Марокко 3:0 Канад

Францын шигшээ багийн боломжит гарааны бүрэлдэхүүн:

Дасгалжуулагч: Дидье Дешам 4-2-3-1

Хаалгач: M.Maignan

Хамгаалагч: L.Digne,

W.Saliba, D.Upamecano, J.Kounde

Хагас хамгаалагч: A.Rabiot,

M.Kone, B.Barcola, M.Olise, O.Dembele

Довтлогч: K.Mbappe

Мароккогийн шигшээ багийн боломжит гарааны бүрэлдэхүүн:

Дасгалжуулагч: Мохамед Уахби 4-2-3-1

Хаалгач: Y.Bounou

Хамгаалагч: A.Hakimi,

I.Diop, C.Riad, N.Mazraoui

Хагас хамгаалагч: A.Bouaddi,

N.El Aynaoui, B.Diaz, A.Ounahi, B.E.Khannouss

Довтлогч: S.Rahimi

📝 Мэдээллийн ивээн тэтгэгч:

🤝 ҮҮЭТ ХХК ЭВТ БРЭНД - Эрүүл хүнсийг Эвт брэндээс

🤝 VNG Travel - Европыг танд илүү ойртуулна.

Selfy - Олон Улсын Дата Сим - Дурсамж дүүрэн аялалд хамтдаа