Италийн Турин хотноо болсон энэ оны сүүлийн АТР тэмцээн болох “Nitto ATP”-д Новак Жокович ялалт байгуулж өнөө цагийн дэлхийн шилдэг теннисчин гэдгээ дахин баталлаа. Жокович хэсэгтээ эзэн орны тамирчин Янник Синнерт 3-2 харьцаатай ялагдал хүлээн хоёрдугаар байраар шалгарч нөгөө хэсгээс нэгдүгээр байраар шалгарсан өсөж яваа залуу од Испанийн теннисчин Карлос Алкаразтай тоглон 6:3, 6:2 харьцаатай ялж шигшээ тоглолтод шалгарсан юм. Харин эсрэг талд Янник Синнер Данийл Медведевтэй гурван сет үргэлжилсэн тоглолтыг толилуулж 2:1 ээр буулгаж аван шигшээд өрсөлдөхөөр хүлээж байсан юм.
Турин дахь ATP тэмцээнд Новак Жокович эзэн орны тамирчин Янник Синнерийг ялж долоо дахь түрүүгээ авлаа
Ө
Өсөхбаяр
11 сарын 20
![Турин дахь ATP тэмцээнд Новак Жокович эзэн орны тамирчин Янник Синнерийг ялж долоо дахь түрүүгээ авлаа](https://d20ytcq1zkh3th.cloudfront.net/1366x768/awacw22stlp6bvxfl.jpeg)
![Турин дахь ATP тэмцээнд Новак Жокович эзэн орны тамирчин Янник Синнерийг ялж долоо дахь түрүүгээ авлаа](https://d20ytcq1zkh3th.cloudfront.net/awacw22smlp6bw9kf.webp)
Янник Синнер анх удаа эх нутагтаа аваргын төлөө шалгаран хөгжөөн дэмжигчдийн давуу талтайгаар тоглолт эхлэв. Тоглолтын эхлэлээс Жокович 22 настай залуу тоглогчийн эсрэг ширүүн тоглолт үзүүлж 37 минутад эхний сетийг 6:3 харьцаатайгаар өндөрлүүлэв. Хоёр дахь сетэд асуудалд орсон Синнер хэд хэдэн алдаа гаргаж түүнийг нь ч Новак Жокович өршөөлгүй мөн адил 6:3 аар өндөрлүүлж энэ оны сүүлийн ATP тэмцээнд ялж 7 дахь аваргын цомоо өргөлөө. Новак Жокович ATP тэмцээнд чансаагаараа 9945 оноотой тэргүүлдэг бол Карлос Алкараз 8455, Янник Синнер 5490 оноотой байдаг байна.