Европын хөлбөмбөгийн хамгийн нэр хүндтэй тэмцээн болох аваргуудын лигийн шөвгийн 16-ийн сугалаа явагдлаа. Аваргуудын лигийн шөвгийн 16-д Английн 6 баг, Испанийн 3 баг, Германы 2 баг, Франц, Турк, Итали, Португал, Норвегийн тус бүр 1 баг шөвгийн 16-д үлдээд байв.

Аваргуудын лигийн 15 удаагийн аварга Испанийн эзэн хааны Реал Мадрид клуб 2022/23 оны аваргуудын лигийн аварга Манчестер Сити клубтэй учраа таарч тоглохоор боллоо. Реал Мадрид болон Манчестер Сити багууд аваргуудын лигийн хүрээнд түүхэндээ нийт 15 удаа тоглож, Реал Мадрид клуб 5 удаа хожиж, Манчестер Сити клуб 5 удаа хожиж, хоорондоо 5 удаа тэнцэж байв. Хамгийн сүүлд өнгөрсөн улиралд аваргуудын лигийн плей-оффт учраа таарч тоглосон бөгөөд нийлбэр дүн 6:3 харьцаатайгаар Реал Мадрид клуб хожиж байв.

Өнгөрсөн улирлын аваргуудын лигийн аварга Францын Парис Сен-Жермен клуб клубүүдийн дэлхийн аварга Челси клубтэй шөвгийн 16-д тоглохоор боллоо. Парис Сен-Жермен болон Челси клубүүд аваргуудын лигийн хүрээнд нийт 8 удаа тоглож, Парис Сен-Жермен клуб 3 хожиж, Челси клуб 2 хожиж, хоорондоо 3 удаа тэнцэж байв. Хамгийн сүүлд 2015/16 оны улиралд шөвгийн 16-д хоорондоо таарч тоглосон бөгөөд нийлбэр дүн 4:2 харьцаатайгаар Парис Сен-Жермен клуб ялалт байгуулж байв.

Аваргуудын лигийн тоглолтын хуваарь:

/Турк/ Галатасарай – Ливерпүүл /Англи/ 3-р сарын 11-нд 01:45 цагаас

/Англи/ Ньюкасл Юнайтед – Барселона /Испани/ 3-р сарын 11-нд 04:00 цагаас

/Испани/ Атлетико Мадрид – Тоттенхэм Хотспур /Англи/ 3-р сарын 11-нд 04:00 цагаас

/Итали/ Аталанта – Байерн Мюнхен /Герман/ 3-р сарын 11-нд 04:00 цагаас

/Герман/ Байер Леверкузен – Арсенал /Англи/ 3-р сарын 12-нд 01:45 цагаас

/Франц/ Парис Сен-Жермен – Челси /Англи/ 3-р сарын 12-нд 04:00 цагаас

/Норвеги/ Буде Глимт – Спортинг /Португал/ 3-р сарын 12-нд 04:00 цагаас

/Испани/ Реал Мадрид – Манчестер Сити /Англи/ 3-р сарын 12-нд 04:00 цагаас