Дэлхийн хамгийн их үзэгчидтэй №1 спорт бол яах аргагүй хөлбөмбөг билээ. Ингээд та бүхэндээ сонирхолтой байх үүднээс дэлхийн хамгийн өндөр дүнгээр зарагдаж байсан тоглогчдыг танилцуулъя.

1.   Neymar Jr: 222 сая еврогоор 2017 онд Испанийн Barcelona клубээс Францын Paris Saint-Germain клуб рүү явж байсан.

Хүлээлт: Европын хамгийн том тэмцээн болох Аваргуудын лигт түрүүлэх.

Амжилт: Түүний хувьд PSG клубтэйгээ дотоодын бүх цомд түрүүлж байсан.

Үнэлгээ: Хөлбөмбөгийн түүхэн дэх хамгийн үнэтэй наймаа ч хүлээлтэд хүрч чадаагүй. Мөн хэт их бэртэл гэмтлээс болж 2023 онд PSG клубээс Al-Hilal клуб руу явсан.

2.   Kylian Mbappé: 180 сая еврогоор 2018 онд Францын Monaco клубээс нутаг нэгт Paris Saint-Germain клуб рүү явж байсан.

Хүлээлт: Европын хамгийн том тэмцээн болох Аваргуудын лигт түрүүлэх.

Амжилт: Түүний хувьд мөн л PSG клубтэйгээ дотоодын олон цомд түрүүлж байсан. Мөн PSG клубийн бүх цаг үеийн мэргэн бууч 256 гоол оруулж 108 гоолын дамжуулалт өгч байсан.

Үнэлгээ: Хэдийгээр Европын аваргуудын лигт түрүүлж чадаагүй ч клуб болон шигшээ багийнхаа хамтаар олон цомд түрүүлж багийн лидерийн үүргийг сайн биелүүлсэн. 2024 онд Испанийн эзэн хааны Real Madrid клуб рүү явсан.

3.   Philippe Coutinho: 135-145 сая еврогоор 2018 онд Английн Liverpool клубээс Испанийн Barcelona клуб рүү явж байсан.

Хүлээлт: Шинэ Иньеста болж довтолгоог найруулж удирдах.

Амжилт: Barcelona клубийн хамтаар албан ёсны 106 тоглолтод оролцож 26 гоол оруулж байсан.

Үнэлгээ: Хөлбөмбөгийн түүхэн дэх хамгийн муу наймаануудын нэг. Bayern Munich болон Aston Villa клубүүд руу зээлээр явж байсан.

4.   Ousmane Dembélé: 140 сая еврогоор 2017 онд Германы Borussia Dortmund клубээс Испанийн Barcelona клуб рүү явж байсан.

Хүлээлт: Неймарыг орлох

Амжилт: Barcelona клубийн хамтаар албан ёсны 186 тоглолтод оролцож 40 гоол 41 гоолын дамжуулалт өгч байсан.

Үнэлгээ: Тогтвортой тоглолт үзүүлж чадаагүй. Мөн хувийн сахилга муутай бэртэл гэмтэлд их орооцолддог байсан. 2023 онд PSG клуб рүү явсан.

5.   João Félix: 127,2 сая еврогоор 2019 онд Португалын Benfica клубээс Испанийн Atletico de Madrid клуб рүү явж байсан.

Хүлээлт: Дэлхийн шилдэг довтлогчдын нэг болох.

Амжилт: Atletico de Madrid клубийн хамтаар албан ёсны 131 тоглолтод оролцож 34 гоол 18 гоолын дамжуулалт өгч байсан.

Үнэлгээ: Хүлээлтэд хүрч чадаагүй, дасгалжуулагчийн арга барилд нийцэж чадаагүй. 

6.   Enzo Fernández: 121 сая еврогоор 2023 онд Португалын Benfica клубээс Английн Chelsea клуб рүү явж байсан.

Хүлээлт: Челсигийн дунд шугамын буюу хагас хамгаалалтын ноён нуруу болох.

Амжилт: Багаа ахалж 2025 оны Европын Конференц лигт түрүүлсэн.

Үнэлгээ: Дүгнэхэд эрт

7.   Antoine Griezmann: 120 сая еврогоор 2019 онд Atletico de Madrid клубээс нутаг нэгт Barcelona клуб рүү явж байсан.

Хүлээлт: Мессигийн шинэ хамтрагч

Амжилт: Barcelona клубийн төлөө албан ёсны 102 тоглолтод оролцож 35 гоол оруулсан.

Үнэлгээ: Хэт өндөр үнэ болон багийнхантайгаа дасан зохицож чадаагүй. 2021 онд Atletico de Madrid клубтээ буцаж очсон.

8.   Jack Grealish: 118 сая еврогоор 2021 онд Английн Aston Villa клубээс нутаг нэгт Manchester city клуб рүү явж байсан.

Хүлээлт: Манчестер сити клубийн довтолгоонд хүч нэмэх

Амжилт: 2022-23 оны улиралд клубийнхээ хамтаар 3 цомд түрүүлж байсан.

Үнэлгээ: Хувийн амжилт тааруухан байгаа ч багийн амжилт сайн

9.   Cristiano Ronaldo: 117 сая еврогоор 2018 онд Испанийн эзэн хааны Real Madrid клубээс Италийн Juventus клуб рүү явж байсан.

Хүлээлт: Аваргуудын лигт түрүүлэх

Амжилт: Италийн лигийн аварга, мөн Juventus клубийн төлөө 134 тоглолтод оролцож 101 гоол 22 гоолын дамжуулалт өгч байсан.

Үнэлгээ: Гайхалтай амжилтыг үзүүлж байсан ч гол зорилго Аваргуудын лигт түрүүлж чадаагүй.

10.   Eden Hazard: 115 сая еврогоор 2019 онд Английн Chelsea клубээс Испанийн эзэн хааны Real Madrid клуб рүү явж байсан.

Хүлээлт: Cristiano Ronaldo-ийн орон зайг нөхөх, Реалын довтолгооны гол хүн болох.

Амжилт: Real Madrid клубийн төлөө 4 улирал тоглож 76 тоглолтод оролцож 7 гоол 12 гоолын дамжуулалт өгсөн.

Үнэлгээ: Хөлбөмбөгийн түүхэн дэх хамгийн муу наймаануудыг нэг бөгөөд хэтэрхий олон гэмтсэн. 2023 онд 32 настайдаа хөлбөмбөгийн пүүзээ хананд өлгөсөн.