Урд шөнө Европын хөлбөмбөгийн хамгийн нэр хүндтэй тэмцээн болох аваргуудын лигийн шөвгийн наймын хариу тоглолтууд явагдлаа. Өнгөрсөн улирлын аваргуудын лигийн аварга Парис Сен-Жермен клуб өөрсдийн “Parc des Princes” цэнгэлдэхдээ Английн шилдэг Ливерпүүл клубийг 2:0-р хожсон бөгөөд хариу тоглолт “Anfield” цэнгэлдэхэд явагдлаа. Мөн Испанийн аварга Барселона клуб өөрсдийн “Camp Nou” цэнгэлдэхдээ Атлетико Мадрид клубийг хүлээн авч 0:2 харьцаатай хожигдсон бөгөөд хариу тоглолт “Riyadh Air Metropolitano” цэнгэлдэхэд явагдлаа.

Атлетико Мадрид 1:2 Барселона / 3:2 /

Атлетико Мадрид клуб өөрсдийн “Riyadh Air Metropolitano” цэнгэлдэхдээ Барселона клубийг хүлээн авч тоглолоо. Тоглолтын 4 дэх минутад Испанийн шигшээ багийн залуу од Ламин Ямал гоол оруулж 0:1 болгов. Улмаар тоглолтын 24 дэх минутад Ферран Торрес гоол оруулж, 0:2 болгож, нийлбэр дүн 2:2 болов. Гэсэн ч тоглолтын 31 дэх минутад өвлийн наймааны цонхоор Атлетикод нэгдсэн Адемало Лүүкмэн гоол оруулж 1:2 болгосноор эхний хагас өндөрлөлөө. Тоглолтын хоёрдугаар үед Барселона клуб довтолгоондоо түлхүү анхаарч байсан ч нэмж гоол оролгүй 1:2 харьцаатай, нийлбэр дүн 3:2 харьцаатайгаар Атлетико Мадрид клуб аваргуудын лигийн хагас шигшээд шалгарлаа.

Ливерпүүл 0:2 Парис Сен-Жермен / 0:4 /

Ливерпүүл клуб өөрсдийн “Anfield” цэнгэлдэхдээ өнгөрсөн улирлын аваргуудын лигийн аварга, Францын аварга, 1xBet-ийн албан ёсны түнш Парис Сен-Жермен клубийг хүлээн авч тоглолоо. Тоглолтын эхний хагаст талбайн эзэд гоёмсог олон боломж үүсгэж, талбайн зочид сөрөг довтолгоо илүүтэй гүйцэтгэж байсан ч хаалганы тор хөдөлсөнгүй 0:0 харьцаатай өндөрлөв. Тоглолтын хоёрдугаар хагасын 72 дахь минутад өнгөрсөн улирлын алтан бөмбөгийн эзэн Усман Дембеле 16 метрийн шугамны гаднаас гоёмсог цохилтоор гоол оруулж, 0:1 болгов. Улмаар тоглолтын 90+1 дэх минутад Брадли Барколагийн дамжуулалтаар Усман Дембеле дахин гоол оруулж, 0:2 болгож, нийлбэр дүн 0:4 харьцаатайгаар Парис Сен-Жермен клуб ялалт байгуулж, хагас шигшээд шалгарлаа.

Маргааш 03:00 цагаас шөвгийн наймын үлдсэн хоёр тоглолт явагдана.

/Герман/ Байерн Мюнхен - Реал Мадрид /Испани/

/Англи/ Арсенал - Спортинг /Португал/