Эмэгтэйчүүдийн волейболын ДАШТ Тайланд улсын нийслэл Bangkok болон Phuket, Chiang Mai, Nakhon Ratchasima гэсэн 4 хотод зохиогдож байгаа билээ. Волейболын эмэгтэйчүүдийн дэлхийн аварга шалгаруулах тэмцээнд 32 улсын шигшээ багууд эрхээ авч оролцож, аваргын төлөө өрсөлдөж байна. Хэсгийн хоёрдугаар тойрог өндөрлөж өнөөдрөөс хэсгийн сүүлийн тоглолтууд явагдаж эхэлнэ.

Тэмцээний Е хэсэгт өрсөлдөж буй БНТУ-ын шигшээ баг хэсгийн эхний тоглолтдоо Испанийн шигшээ багийг 3:0 харьцаатай хожсон бөгөөд хэсгийн хоёр дахь тоглолтоо Болгарын шигшээ багтай хийж 3:0 (25:23; 25:19; 25:13) харьцаатай хожиж шөвгийн 16-д шалгарах эрхээ авлаа. 

Тэмцээний Е хэсэгт өрсөлдөж буй Канадын шигшээ баг хэсгийн эхний тоглолтоо Болгарын шигшээ багийг 3:1 харьцаатай хожсон бол хэсгийн хоёр дахь тоглолтоо Испанийн шигшээ багтай хийж 3:2 (22:25; 28:26; 24:26; 25:15; 15:10) харьцаатай хожиж мөн адил шөвгийн 16-д шалгарах эрхээ авсан бөгөөд хэсгийн сүүлийн тоглолтоо БНТУ-ын шигшээ багтай тоглож аль баг нь хэсгээ тэргүүлэхээ шийдэх чухал тоглолтыг хийнэ.

Тэмцээний F хэсэгт өрсөлдөж буй ДАШТ-ий 3 удаагийн аварга БНХАУ-ын шигшээ баг хэсгийн эхний тоглолтдоо Мексикийн шигшээ багийг 3:1 харьцаатай хожсон бөгөөд хэсгийн хоёр дахь тоглолтоо Колумбийн шигшээ багтай хийж 3:1 (25:16; 23:25; 25:14; 25:16) харьцаатай хожиж шөвгийн 16-д шалгарах эрхээ авлаа. 

Тэмцээний F хэсэгт өрсөлдөж буй Доминиканы шигшээ баг хэсгийн эхний тоглолтдоо Колумбийн шигшээ багийг 3:0 харьцаатай хожсон бөгөөд хэсгийн хоёр дахь тоглолтоо Мексикийн шигшээ багийн эсрэг хийж 3:0 (25:15; 25:17; 25:20) харьцаатай хожиж шөвгийн 16-д шалгарах эрхээ авлаа. Тэдний хувьд хэсгийн сүүлийн тоглолтоо БНХАУ-ын шигшээ багтай тоглож аль баг нь хэсгээ тэргүүлэхээ шийдэх чухал тоглолтыг хийнэ.

Тэмцээний G хэсэгт өрсөлдөж буй Германы шигшээ баг хэсгийн эхний тоглолтдоо Кенийн шигшээ багийг 3:0 хожсон бөгөөд хэсгийн хоёр дахь тоглолтоо Вьетнамын шигшээ багийн эсрэг хийж 3:0 (25:18; 25:17; 25:21) харьцаатай хожиж шөвгийн 16-д шалгарах эрхээ авлаа.

Тэмцээний G хэсэгт өрсөлдөж буй Польшийн шигшээ баг хэсгийн эхний тоглолтдоо Вьетнамын шигшээ багийг 3:1 харьцаатай хожсон бөгөөд хэсгийн хоёр дахь тоглолтоо Кенийн шигшээ багтай хийж 3:1 (25:17; 15:25; 25:15; 25:14) харьцаатай хожиж шөвгийн 16-д шалгарах эрхээ авлаа. Тэдний хувьд хэсгийн сүүлийн тоглолтоо Германы шигшээ багтай тоглож аль баг нь хэсгээ тэргүүлэхээ шийдэх чухал тоглолтыг хийнэ.

Тэмцээний H хэсэгт өрсөлдөж буй ДАШТ-ий хошой аварга Сербийн шигшээ баг хэсгийн эхний тоглолтдоо Украйны шигшээ багийг 3:0 харьцаатай хожиж хэсгийн хоёр дахь тоглолтоо Камеруны шигшээ багтай хийж 3:0 (25:16; 25:17; 25:12) харьцаатай хожиж шөвгийн 16-д шалгарах эрхээ авлаа.

Тэмцээний H хэсэгт өрсөлдөж буй ДАШТ-ий гурван удаагийн аварга Японы шигшээ баг хэсгийн эхний тоглолтоо Камеруны шигшээ багтай хийж 3:0 харьцаатай хожиж хэсгийн хоёр дахь тоглолтоо Украйны шигшээ багтай хийж 3:2 (25:27; 20:25; 25:20; 26:24; 15:11) харьцаатай хожиж шөвгийн 16-д шалгарах эрхээ авлаа. Тэдний хувьд хэсгийн сүүлийн тоглолтоо Сербийн шигшээ багийн эсрэг хийх бөгөөд аль хожсон баг нь хэсгээ тэргүүлэх чухал тоглолтыг хийнэ.