Улаанбаатар хотын 9 дүүрэг, нийслэлийн аварга шалгаруулах сагсанбөмбөг, волейболын тэмцээнийг 2025-2026 оны хичээлийн жилээс НЗДТГ-ын дэргэдэх нийслэлийн биеийн тамир спортын газар болон Msports хамтран лигийн зохион байгуулалтаар, шинэчилсэн системээр 2025.11.14 өдрөөс эхэлсэн тэмцээн амжилттай үргэлжилж байна. Тэмцээн 2026.05.03-ны өдөр хүртэл үргэлжилж аваргаа тодруулна.

2025.11.14-2026.01.24 төвийн 6 дүүргийн ахлах ангиллын аваргууд

2026.01 сараас 2026.02.28-ныг хүртэл Багахангай, Багануур, Налайх дүүргийн аваргууд,

2026.02.01-2026.03.30 хүртэл бага, дунд ангиллын дүүргийн аваргууд

2026.03.30-2026.05.03 хүртэл нийслэлийн аваргууд тодорно.

Төвийн 6 дүүргийн Ахлах ангиллын хэсгийн урьдчилсан тоглолтууд өнөөдөр буюу 2025.12.28-ны өдрөөр дуусч хэсгээс гарсан багууд 2026.01.03-ны өдрөөс эхлэн дүүргийн ПО-ын тоглолтуудаа хийнэ.

Дүүргийн шилдэг тоглогч нарыг санал асуулга, багийн амжилт, хувь статистикт тулгуурлан гаргана.

Санал асуулгыг SocialPay Junior апп-аар авах бөгөөд ubcup гэсэн промо код ашиглан урамшуулал авах боломжтой.

Тоглогчдын статистик мэдээллийг Msports апп болон www.msports.mn веб сайтаас шууд харах боломжтой.

Тэмцээний албан ёсны хаягууд:

веб сайт: www.msports.mn

апп: Msports

social: Msports.mn IG & FB

social: Ulaanbaatar cup IG & FB