Монголын хөлбөмбөгийн Үндэсний шигшээ баг Зүүн Азийн аварга шалгаруулах тэмцээний эхний шатны хоёр дахь тоглолтоо өнөөдөр 20:00 цагаас Хятадын Тайваны шигшээ багийн эсрэг Хонг Конгийн Монг Кок ордонд тоглоно.
Манай шигшээ баг B Грүппт Тайван, Хонг Конг зэрэг багуудтай нэг хэсэгт орсон бол А хэсэг Гуам, Макао улсын багууд хуваарилагдсан байна.
12-р сарын 08-нд Монголын шигшээ баг хэсгийн эхний тоглолтоо Хонг-Конгийн эсрэг хийж 0-3 харьцаатай ялагдал хүлээсэн. Манай баг энэ удаагийн тэмцээнд ОУХМ О.Цэнд-Аюушаар ахлуулан оролцож байгаа ба залуу бүрэлдэхүүнээрээ явж буйгаараа онцлогтой. Мөн энэ жил үүрэгт ажлаа хүлээн авсан Б.Гарьдмагнай ахлах дасгалжуулагчаар ажиллаж байна.
