SP Falcons клубийн дасгалжуулагч Arthur Ferreira:

Бид нар 2023 оны AFC цомын тэмцээнд FC Ulaanbaatar клубтэй Taichung future клубүүд тоглоход би өөрөө стадионоос үзэж байсан. Манай клубийн аналистуудын зүгээс тэр тоглолтод аналист хийгээд бид нар өөрсдөдөө харьцангуй итгэлтэй байгаа эсрэг багаа маш сайн судалсан гэж харж байгаа. Манай баг маш сайн бүрэлдэхүүнтэй. Мөн багийн дотоод уур амьсгал маш сайн байгаа. Маргаашийн тоглолт эхлээд дуусах хүртэл багийн арын албаныхан бөгөөд багийн нийт тоглогчид эцсээ хүртэл тэмцэж, хамгийн сайн тоглолтыг үзүүлж дараагийн шатанд шалгарна гэсэн зорилготой байгаа. Тийм учраас багийнхаа маргааш үзүүлэх тоглолтод харьцангуй итгэлтэй байна. Мөн манай багт шинээр 2 тоглогч орсон байгаа. Дэрэн клубээс хаалгач С.Батмагнайг авсан. Мөн Узбекистан улсаас довтлогч Riza Ayvazov-ийг авсан байгаа. Тухайн 2 тоглогчдын хувьд дотоодын болон гадаадын лигтээ маш өндөр үзүүлэлт үзүүлсэн чадвартай тоглогчид байгаа. Маргаашийн тоглолтод маш том хувь нэмэр оруулна гэж харж байгаа. Бид нар дан ганц SP Falcons клуб биш Монголын нэрийг ерөнхийдөө Ази тивийн түвшинд гаргаж байгаа тийм учраас маргааш стадионд ирж биднийг дэмжээрэй. Мөн манай Монголын лигийн 2-р байрт шалгарсан Хангарьд клуб маргааш тоглолтоо манайхтай зэрэг Тайвань улсад хийх байгаа. Хангарьд клубтээ бас амжилт хүсье. Мөн SP Falcons болон Хангарьд гэдэг клубүүд AFC Challenge league-т дангаараа оролцож байгаа бус ерөнхийдөө Монголын хөлбөмбөгийг Азийн түвшинд авчирч байгаа. Баярлалаа. 

SP Falcons клубийн багийн ахлагч André Ferreira:

Бид нарын хамгийн гол анхаарч байгаа зүйл бол дараагийн шат руу шалгарах амжилттай тоглолтоо хийж гүйцэтгэх мөн мэдээж ахлах дасгалжуулагчийн төлөвлөсний дагуу тоглолтоо үргэлжлүүлэх мөн бид нар эзэн багийн хувьд өөрсдийн талбай дээр тоглож байгаа бид нар бүхнээ хичээж дараагийн шат руу шалгарахын тулд маш сайн тоглолт үзүүлэх болно.

Taichung Futuro клубийн дасгалжуулагч Fang Ching-Ren:

Манай клубийн хувьд 2023 онд AFC цомын тэмцээнд FC Ulaanbaatar клубийн эсрэг тоглож байсан. Энэ удаагийн SP Falcons-ийн эсрэг тоглохын тулд маш их судалгаа хийсэн бөгөөд тэд лигтээ олон оноогоор түрүүлсэн байсан. Тэднийг маш чадварлаг баг гэж харж байгаа. Бидний хувьд Монголд ирэхийнхээ өмнө олон улсын нөхөрсөг тоглолтыг хэд хэдэн удаа хийж энэ тоглолтод яаж тоглох бэлтгэлээ базаасан байгаа. Гэсэн хэдий ч манай Тайваны дотоодын тэмцээн эхлээгүй байгаа учир бид тамирчдынхаа бэлтгэл сургуулалтыг хангалттай базааж чадаагүй байгаа. Мөн SP Falcons клуб өөрсдийн талбай дээрээ мөн дасаж зохицсон цаг агаартаа тоглоод сурчихсан байгаа. Харин манай клубийн хувьд цаг агаар болон Монгол улсын өндөрлөг зүйлсүүд маш их нөлөөлж байгаа. Одоогоор манай улсад 38,39 градусын дулаантай зуны улирал үргэлжилж байгаа. Мөн лиг маань дуусаад 2 сар орчим хугацаа өнгөрсөн бөгөөд тоглогчид маань төдийлөн сайн бэлтгэл хангагдсан гэж хэлж чадахгүй байна. Маргааш 15 градустай бага зэрэг хүйтэн байгаа учраас энэхүү уур амьсгалын нөлөө манай багийнханд бага зэрэг сорилт болж байгаа. Гэсэн хэдий ч манай багийн бүрэлдэхүүний ихэнхи тоглогчид 2023 онд ирээд Монголын багийн эсрэг тоглоод үзчихсэн учраас бид нар харьцангуй гайгүй байх гэж үзэж байна. Мэдээж эзэн багт өөрсдийн талбай дээрээ фенүүдийнхээ өнмө тоглох учраас маш том давуу тал байгаа гэж харж байгаа.

Taichung Futuro клубийн багийн ахлагч Chen Ting-Yang:

Манай клубийн хувьд лигтээ хоёрдугаар байрт шалгарч AFC Challenge league буюу энэхүү тэмцээнд оролцохоор болсон. Мэдээж манай клубийн хувьд энэхүү тэмцээнд орж байгаа нь маш азтай хэрэг болж байгаа. Манай клубт Япон тоглогчид байгаа. Японы тамирчид болон Тайвань тоглогчид маань Тайваныхаа лигт тоглодог. Энэ удаагын AFC Challenge league-т Ази тивийн тэмцээнд орж байгаа анхны тохиолдол учраас бүх тамирчдын хүсэн хүлээж байгаа чухал тэмцээн болж байна.

Тоглолт Монголын цагаар 2025 оны 08 сарын 12-нд 16:00 цагаас Монголын хөлбөмбөгийн холбооны талбайд явагдана. Харин Тайвань улсын лигийн аварга Tainan City клубтэй манай улсын лигийн 2-р байрт шалгарсан Хангарьд клубүүдийн тоглолт Тайваны Taipei Municipal цэнгэлдэх хүрээлэнд 19:30 цагаас тоглоно.