БНХАУ-д болох FISSURE Playground #3 тэмцээн нь бүрэлдэхүүндээ өөрчлөлт хийснээс хойш “The MongolZ” багийн оролцох гурав дахь тэмцээн юм. Энэ удаад ямар хүчтэй өрсөлдөгчид хүлээж байгаа болон Монголын баг аваргын цом хүртэх боломж хэр байгааг тоймлон хүргэе.

Тэмцээний формат ба оролцогч багууд

Нийт 1 сая ам.долларын шагналын сантай FISSURE Playground #3 тэмцээн есдүгээр сарын 8–13-ны өдрүүдэд БНХАУ-ын Сүжөү хотод зохион байгуулагдана. Хэсгийн шатанд 16 баг хоёр хэсэгт хуваагдан, хасагдах хоёр боломжтой системээр өрсөлдөж, плей-оффын зургаан эрхийн төлөө тоглоно. Хэсэг тус бүрийн аварга шууд хагас шигшээд шалгарах бол бусад дөрвөн эрхээ авсан баг шөвгийн наймын шатнаас өрсөлдөөнөө үргэлжлүүлнэ. Тэмцээний аваргыг финалын тоглолтоор тодруулах бөгөөд гуравдугаар байрын төлөөх тоглолт мөн болно.

Зохион байгуулагчид наймдугаар сарын VRS чансаанд үндэслэн 15 багийг урьж, үлдсэн нэг эрхийг хаалттай сонгон шалгаруулалтаар шийдвэрлэжээ. Ингээд дараах багууд Хятадад өрсөлдөнө. Хаалтанд Valve-ийн чансаан дахь байрыг нь тэмдэглэв.

• 9z Team (4)
• Legacy (7)
• FURIA (8)
• BetBoom Team (9)
• G2 Esports (11)
• PARIVISION (12)
• FaZe Clan (13)
• The MongolZ (15)
• MIBR (16)
• Alliance (17)
• TYLOO (18)
• Astralis (19)
• BIG (21)
• GamerLegion (22)
• magic (23)

Тэмцээний хуваарь нягт байгаатай холбоотойгоор хэд хэдэн хүчтэй баг оролцохоос татгалзжээ. Дэлхийн шилдэг 10 багийн зургаа болох “Team Spirit”, “Team Falcons”, “MOUZ”, “Team Vitality”, “NAVI” болон “Aurora” энэ удаагийн тэмцээнийг өнжихөөр болсон нь “The MongolZ” тэргүүтэй оролцогчдын аваргалах боломжийг нэмэгдүүлж байна.

Тэмцээний фаворитууд ба “The MongolZ”-ийн түрүүлэх боломж

Монголын багийн хувьд хамгийн хүчтэй өрсөлдөгчид нь “FURIA”, “Legacy” болон “G2 Esports” байх төлөвтэй. “FURIA” багийн бүрэлдэхүүнд домогт тоглогч FalleN болон од AWP тоглогч molodoy багтдаг бөгөөд мэргэжлийн тайзны туршлагатай багуудын нэг юм. Харин “Legacy” сүүлийн үед өндөр формтой байгаа. Тэд CS Asia Championships 2026 тэмцээнд алтан медаль хүртэж, Esports World Cup 2026 тэмцээнд гуравдугаар байрт шалгарсан амжилттай. “G2 Esports”-ийн хувьд AWP тоглогч r1nkle шинэ од болон тодрон гарч ирж байгаа нь анхаарал татаж байна. Хуваарийн хувьд “The MongolZ”-д харьцангуй боломжийн сугалаа таарчээ. “FURIA”, “Legacy” болон тааварлахад бэрх “FaZe Clan” багууд В хэсэгт багтсан байна.

Харин Монголын баг А хэсэгт эхний тоглолтоо “MIBR”-ийн эсрэг хийнэ. “The MongolZ” өмнө нь тус багтай гурван удаа тоглохдоо бүгдэд нь ялалт байгуулж байжээ. Хэрэв эхний тоглолтдоо ялбал дараагийн шатанд “9z Team” болон сонгон шалгаруулалтаас эрх авсан багийн тоглолтын ялагчтай учраа таарна. “9z Team” тэмцээнд оролцогчдоос Valve-ийн чансаагаар хамгийн өндөрт бичигдэж байгаа ч “The MongolZ” тэдэнтэй хийсэн өмнөх тоглолтууддаа давуу үзүүлэлттэй. Монголын баг Аргентины багийг гурван удаа хожиж, ганцхан удаа ялагдсан амжилттай. Түүнчлэн IEM Cologne Major 2026 тэмцээнд “9z Team”-д хасагдсаныхаа хариуг авахыг зорих нь гарцаагүй.

Хэсгийн дээд хүснэгтийн гурав дахь тоглолтод хүрсэн хоёр баг плей-оффын эрхээ баталгаажуулах тул “The MongolZ”-ийн эхний зорилго нь эхний хоёр тоглолтдоо дараалан ялалт байгуулах юм. Хэрэв нэг тоглолтод ялагдсан ч доод хүснэгтээр дамжин плей-оффт шалгарах боломж нээлттэй хэвээр байна. Бүрэлдэхүүний хоёр шинэ тоглогчийг оролцуулаад багийн гишүүд сүүлийн үед сайн тоглолт үзүүлж байгаа нь Монголын багт итгэл найдвар төрүүлж байна. Тиймээс “The MongolZ” энэ тэмцээнд түрүүлэх бодит боломжтой.

Аваргын цом Монголд ирэх үү?

Зуны амралтын дараа олон баг шилдэг формдоо эргэн орохоор хичээж байгаа учраас FISSURE Playground #3 тэмцээний плей-оффт ямар багууд шалгарахыг урьдчилан таамаглахад амаргүй. Гэхдээ “The MongolZ” плей-оффын шатанд шалгарч чадвал аваргын төлөө өрсөлдөх боломж нь мэдэгдэхүйц нэмэгдэнэ.

Монголын цахим спорт сонирхогчид Хятадад болох энэхүү тэмцээнийг анхааралтай ажиглаж, 1xBet-ийн түнш “The MongolZ” багаа дэмжээрэй. Монголын залуус өрсөлдөгчдөө буулган авч, аваргын цом өргөж чадах эсэхийг хамтдаа харцгаая!