Шай Гилжес-Александр: Индиана Пэйсерс баг бидэнд хичээл заалаа

2025 оны 6-р сарын 12-ний өглөө Индианаполис хотод болсон NBA-ийн Финалын 3-р тоглолтод Индиана Пэйсерс баг талбай дээрээ Оклахома Сити Тандер-ийг 116–107 харьцаагаар буулган авч цувралд 2–1-ээр тэргүүллээ.

Сүүлийн 12 минутад бүх зүйл өөрчлөгдөв: Индиана дөрөвдүгээр үеийг 32–18 харьцаагаар давамгайлж тоглолтын хувь заяаг шийдэв.

Сэлгээний тамирчдын гайхалтай тоглолт: Пэйсерсийн сэлгээний тоглогчид нийт 49 оноо

авсан бол Тандерийн сэлгээ ердөө 18 оноо авч хариу барьж чадсангүй.

Тоглолтын дараа дасгалжуулагчид болон тамирчид

Индиана Пэйсерс багийн дасгалжуулагч Рик Карлайл:

"Бид бол багийн тоглолтод суурилсан хамт олон. Өнөөдөр бүх хүн өөрийн үүргээ биелүүлж чадлаа. Энэ ялалтад сэлгээний

тоглогчид үнэхээр чухал үүрэг гүйцэтгэлээ."

Индиана Пэйсерс багийн лидер Тайрэс Халибертон (27 оноо, 15 дамжуулалт):

"Багийн олон тоглогч тулаанд орж чухал мөчүүдэд өөр өөрийн үүргээ биелүүлсэн. Манай сэлгээ үнэхээр гайхалтай байсан."

Бенедикт Матюрин сэлгээнээс 27 оноо авсан. Түүнийг багийн лидерүүд "тоглолтыг өөрчилсөн гол тоглогч" хэмээн магтав.

Ти Жэй МакКоннелл сэлгээнээс 10 оноо, 5 оновчтой дамжуулалт, 5 бөмбөг таслалт хийсэн нь финалын түүхэнд анхдагч амжилт байлаа.

Оклахома Сити Тандер багийн дасгалжуулагч Марк Дэйнолт:

"Тоглолтын олон нөхцөл байдалд бид сайн тоглосон ч Индиана илүү олон зөв шийдвэр гаргаж чадсан. Эцсийн дүндээ ялалт тэднийх байлаа."

Оклахома Сити Тандер багийн ахлагч Шай Гилжиус-Александр (MVP):

"Финал бол 48 минутын тулаан. Индиана Пэйсерс баг энэ тоглолтод бидэнд хичээл заалаа."

Чет Холмгрен:

"Бид бүх түвшинд илүү сайн байх хэрэгтэй. Тоглолт бүрт суралцах зүйл их байна."

Түүхэн статистик

Game 3 буюу цуврал 1–1-тэй үед болсон гурав

дахь тоглолтын ялагч баг Финалыг нийтдээ 80%-д нь ялж байсан гэсэн статистик

бий. Энэ нь Пэйсерсийн хувьд түүхэн боломж нээгдэж буйг харуулж байна.