Азийн улс бүрийн аваргууд хуран цугларсан Сагсан бөмбөгий аваргуудын лигийн 30 дахь улирал BCL Asia Champions League нэрэн дор хоёр дахь удаагаа Арабын нэгдсэн Эмират улсын Дубай хотноо энэ сарын 07-нд эхэлсэн ба 13-ны өдөр аваргаа тодруулна.

Монгол улсын Үндэсний Дээд лигийн сүүлийн хоёр улирлын аварга Хасын Хүлэгүүд баг анх удаа BCL Asia East хэсгийг аваргаар тодорч түүх бүтээсэн. Улмаар тэд мөн улсынхаа топ клубүүдийг түүчээлэн анх удаа үндсэн хэсэг Азийн шилдэг клубүүдтэй мөр зэрэгцэн өрсөлдөх эрхээ авсан юм. Энэ удаагийн тэмцээнд тивийн шилдэг найман клуб оролцож байна. Японы (B.Лиг), Өмнөд Солонгосын (KBL), Хятадын (CBA), Филиппиний (PBA) аваргууд болон 2024-25 оны BCL Asia EAST, WEST-ийн аварга, дэд аваргууд оролцож байна.

Хасын Хүлэгүүд багийн амжилт

Энэ оны Үндэсний Дээд лигийн аварга Хасын Хүлэгүүд баг BCL Asia үндсэн хэсэгт БНХАУ-ын СBA-ийн аварга Zhejiang Guangsha Lions, 2023-24 оны “Ираны сагсанбөмбөгийн супер лиг”-ийн аварга Табиат багуудтай Group A-д хуваагдан өрсөлдлөө. Эхний тоглолтод сагсан бөмбөгийн хөгжил өндөр хөгжсөн БНХАУ-ын CBA-ийн томоохон баг Zhejiang Guangsha Lions-ыг 84-67 харьцаатай хожил байгуулж, Азийн клубүүдийн сагсан бөмбөгийн аварга шалгаруулах тэмцээнд томоохон шуугиан тарьлаа. Харин өчигдөр Ираны аварга хүчирхэг Табиат багтай эцсийн мөч хүртэл эн тэнцүү өрсөлдөж, 78-76 харьцаатай хожигдож, үнсдэн хэсэг 1-1 харьцаатайгаар 2-р байраар шалгаран хасагдах шатанд орох болсон юм. Үндсэндээ Хасын Хүлэгүүд баг BCL Asia-ийн бүх тоглолтуудад 9 хожил 1 хожигдолтойгоор хасагдах шатанд шалгарлаа.

Хасын Хүлэгүүд баг хагас шигшээд өрсөлдөх эрхийн төлөө Филиппины Дээд лигийн 2024 оны аварга Meralco Bolts багтай маргааш 19:00 цагаас өрсөлдөнө. Өнгөрсөн жил Филиппиний сагсан бөмбөгийн холбооноос өөрсдийн хүсэлтээр BCL Asia-д өрсөлдөөгүй бөгөөд энэ удаа тэд оролцож байгаа нь энэ ажээ. Хасын Хүлэгүүд баг анх удаа оролцож байгаа бол Meralco Bolts баг 2018 оноос хойш хоёр дахь удаагаа BCL Asia-д өрсөлдөж байна. Хасын Хүлэгүүд багийн өрсөлдөгч Meralco Bolts багийг богино танилцуулахад:

2010 онд үүсгэн байгуулагдсан. Багийнхаа түүхэнд нийт таван удаа финалдахда 2024 онд цорын ганц аварга цолоо хүртэж байжээ. Өнгөрсөн жил PBA холбооноос BCL-Asia тэмцээнд өөрсдийн хүсэлтээр оролцохоос татгалзсан ба энэ жил Meralco Bolts баг нь Хасын Хүлэгүүд багийн адил анх удаа BCL Asia-д өрсөлдөж байгаа юм.

Ахлах дасгалжуулагч Luigi Trillo нь 2014 оноос туслах дасгалжуулагчаар тус багт ажиллаж байсан ба 2023 оны улирлаас Ахлах дасгалжуулагч болон удирдаж эхэлжээ. Түүнээс өмнө туслах дасгалжуулагчийн үүргээр 4 удаа Филиппиний дээд лигт аварга авсан туршлагатай байжээ. Мөн Филиппиний 3х3-ийн эрэгтэй шигшээг ч дасгалжуулж явсан туршлагатай дасгалжуулагч аж.

Багийн гол импорт тоглогчид:

Жордон Варнадо нь 1997 онд төрсөн АНУ-ын иргэн ба Грекийн Дээд лигт мэргэжлийн замналаа эхлүүлж, өнгөрсөн улирлаас Болтс багт нэгджээ. Тэрбээр BCL-Asia-д 18 оноо, 8.0 самбар, 4.0 дамжуулалт, 1.5 бөмбөг таслалт гэсэн үзүүлэлт дунджилж байна.

Glynn Watson Jr. нь мөн 1997 онд төрсөн АНУ-ын иргэн. 2019 онд NBA-д драфтад нэрээ өгсөн ч сонгогдож чадаагүй. Улмаар Грек, Латви, Польш, Германы дээд лигүүдэд тоглосоор мөн өнгөрсөн жил Болтс багтаа нэгджээ. Тэрбээр BCL Asia тоглолтуудад 18.0 оноо, 3.5 самбар, 3.5 дамжуулалт, 1.5 бөмбөг таслалт, 0.5 хаалт дунджилж байна.

Багийн голлох үзүүлэлтүүд:

Хасын Хүлэгүүд баг хэрвээ эхний шатаа амжилттай давж чадвал тэдний өмнө шигшээ наймд тоглох Ираны Табиат болон Японы Utsunomiya Brex багуудын аль хожсонтой хагас шигшээд өрсөлдөх болно.

Сонирхуулахад энэ жилийн BCL Asia оролцож байгаа 9 багийн зургаа нь анх удаа оролцож байгаа бол хамгийн олон удаа өрсөлдөж аварга авсан Ливаны Al Riyadi клуб, Саудын Арабын Shabab Al Ahli клубүүд тэмцээний гол фаворитоор нэрлэгдэж байна.

Тэмцээнд түрүүлсэн цорын ганц баг ТИВ хоорондын Цомын тэмцээнд Австралын NBL-ийн аварга баг, FIBA Европын клубүүдын лигийн аварга баг, Африкийн клубүүдийн лигийн аварга баг, Америк тивийн клубүүдийн лигийн аварга баг болон нэгэн сонирхолтой өрсөлдөгчид болох NBA-ийн G-League-ийн аварга багтай өрсөлдөх ажээ.