Цахим спортын CS2 төрлийн "PGL Astana-2025" тэмцээний Плэй-Оффт шалгарах өрсөлдөөнүүд өчигдөр эхэллээ.

Цахим спортыг дэмжигч 1xBet-ийн албан ёсны түнш The MongolZ багийн хувьд өчигдөр байнгийн өрсөлдөгч Украйны хүчирхэг "NaVi"-тэй хийсэн хүнд тоглолтод 2-0 харьцаатай буулгаж авснаар тус тэмцээний хасагдах шатанд шалгарсан анхны баг боллоо.

The MongolZ өмнө нь Португалын Лиссабо́нд болсон тэмцээнд ⁠Alexib⁠ тэргүүтэй залууст хасагдах шатанд орох эрхийн төлөөх тоглолтод хожигдсоныхоо хариугаа авч, Natus Vincere-г 2:0-ээр буулгаж аван Казакстаны Barys Arena-д тоглох тасалбараа захиалсан юм.

Тус тоглолтын дараа "Techno" буюу М.Содбаяр HLTV-д өгсөн ярилцлагадаа:

"NAVI-тай хийсэн сүүлчийн тоглолт үнэхээр хэцүү байлаа. Гурван сарын хугацаанд тэдэнтэй хоёр удаа таарч, нэг хожигдож, нэг хожил авсан. Тэд бидний эсрэг багагүй бэлтгэл хийсэн гэж би бодож байна. Бид үүнийг мэдэж байсан ч өөрсдийн чаддаг зүйл, өөрсдийн хэв маягаараа тоглож чадлаа. Өмнө нь NAVI-г хожсон бол плей-оффт шалгарах боломжтой байсан ч хожигдсон. Харамсалтай ялагдал байж билээ. Хэрэв бид тухайн үед NAVI-тай хийсэн тоглолтод хожсон бол плей-оффт шалгарах боломжтой байсан. Гэхдээ бид хариугаа авч чадлаа. Саяхан бид бараг бүх тэмцээний фаворитуудын тоонд багтсан гэж би бодож байна. Гэхдээ бид Spirit, NAVI, Aurora зэрэг бусад багийг дутуу үнэлж болохгүй, тэд ч бас сайн багууд" гэжээ.

Харин тэрбээр Казакстанд тоглож буй талаараа:

"Казахстан бол манай улстай бараг адилхан. Хэл, хоол, юу ч байсан манай улсын хүмүүстэй адилхан. Энэ нь бидэнд сайнаар нөлөөлөх байх. Биднийг Аренад тоглоход маш сайн дэмжлэг болно гэж бодож байна." гэжээ.

 PGL Astana 2025 тэмцээний Playoffs шатны тоглолтууд 5-р сарын 16-нд эхэлнэ.

Цахим спортыг дэмжигч 1xBet-ийн албан ёсны түнш The MongolZ багтай Плэй-Оффын шатанд өрсөлдөх багууд одоогоор тодроогүй байна.